bannerra 1

bannerra 1
animazioa 3D etiketadun mezuak erakusten. Erakutsi mezu guztiak
animazioa 3D etiketadun mezuak erakusten. Erakutsi mezu guztiak

2020/03/22

3D TESTURAK ANIMATZEN 3. BLENDER TEXTURE PAINTING


3D egiteko aukera pare gabea daukagu gaur egun BLENDER 2.8 software librearekin. 3D objektua sortu eta unean pantailan testura 3D eremuan pintatzea harrigarria da. Gainera, erliebea sortu dezakegu eta argazkigintza digitala moduko irudi errealistak asmatu edo errealitateko gauzak simulatu.

Eskola etxetik egiten ari garen honetan #Blender software librearekin egin daitezkeen gauza harrigarriak erakusteko parada ezin hobea daukagu. Blender,  komunitateak eusten du. Eta software ahaltsua bihurtzen ari denez une oro, komunitateak softwarea erabiltzeko modu erosoa dauka, libre, eskuragarri: www.blender.org

Gaur egun, Blenderren prestigioa mundiala da. Enpresa handiek diru laguntza handiak ematen ari zaizkie. Hutsetik hasi gaitezke ikasten hainbat hizkuntzetan youtube eta horrelakoetan. Ikasketa guztiak bezala, gogoa eta denbora behar dira inbertitu.

2018/01/11

3D ANIMAZIOA. BLENDER. DOMINO EFEKTUA.




#3D animazioa eta #3D espazioa lantzen hasteko “domino efektua” ariketa egingo dugu. #Blender softwarea librea erabiliko dugu. 3D mundu digitala lantzeko programarik ahaltsuenetakoa. Plataforma anitzekoa da. Guk ikastetxean #Ubuntu(Linux) sistema eragilearekin erabiltzen dugu. Nahi duenak Windows eta IOS sistemetan erabil dezake. Dohainik deskargatu eta erabil daiteke. Eremu zabala jorratzen duen mundua izanik, 3D mundua, proiektuaren arabera ikasiko ditugu beharrezko atalak. Jakina, 3D mundua eta animazioan landu daitezkeen gaiak bukaezinak gerta daitezke: 3D espazioa eta geometria, 3D objektuen diseinua, mugimendua eta zinematika(fisika), efektu bereziak, koloreak eta testurak, argiztapena, soinu efektuak, edizio eta konposizioa, zinemaren berariazko hizkuntza, adierazpena, interakzioa, eta abar. Bideo tutoriala jarrai dezakezue ariketa egiteko lagungarri gisa.  

2017/05/22

BLENDER ETA ANIMAZIOA: ZINEMA 3D



BLENDER 3D diseinu eta animaziorako software libre zoragarri eta indartsuarekin eginiko lana da honako animazio laburra. “Teaser” delakoa da, hots, produkzio luzeagoa izango denaren zatia aurkezten dute, publizitaterako marketing gisa. Informazioa piziadas.com webgunean aurkitu dut. Blender Fundazioak bultzaturiko proiektua da eta Agent 327, Martin Lodewijk-en komikian oinarriturik dago.





Blender erabiltzen dugu Plastika arloan, animazioak eta 3D munduko gauzak sortzeko. Software librea da eta oso ahaltsua. Hurrengo ikasturterako 3DBH mailan, 3D ANIMAZIOA eta BIDEO JOKOAK hautazkoa eskainiko dugu, ea taldea sortzen den.

2017/05/11

3DBH HAUTAZKOAK 17-18 IKASTURTERAKO

3DBH mailan Lauaizeta ikastetxean Plastika mintegitik 2 hautazko eskainiko dira 17-18 ikasturterako. Ikasleen nahiak, motibazioak eta Plastika eta Ikusizkoen programazioa kontuan izanik, DISEINUA eta ANIMAZIOA-BIDEO JOKOAK jorratuko ditugu.


Diseinuan, irudien sormena, edizioa eta muntaketa digitala egingo dugu, irudigintza analogikoa eta, batez ere, irudigintza digitala landuz. Ikaslearen sormena, talde lanerako jarrera, autonomia eta ardura landuko ditugu. Hauekin batera, kolorearen teoriaren aplikazioak landuko dira, hizkuntza plastikoak, testurak, konposizioa eta adierazpena. Baita ere: kartelgintza, katalogoak, objektuak, espazioak, logotipoak,..

Lauaizetan urteak daramatzagu software librea erabiliz eta eskerrak luzatu nahi dizkiogu hemendik software librea garatzen eta zabaltzen duen komunitateari. Diseinua lantzerakoan #Linux #Ubuntu izango da sistema eragilea eta irudien bit mapak eta #Gif animatuak lantzeko #Gimp irudi-editorea. Irudi bektorialak lantzeko eta maketazioak egiteko #Inkscape. Testuak prestatzeko #Libreoffice. Marrazketa teknikorako #Librecad. Objektuak 3D moduan diseinatzeko eta espazioak diseinatzeko #Blender. Bideoak #Openshot programarekin editatuko ditugu eta audioa #Audacityrekin. Programa geihago ere erabiliko ditugu, baina hauek dira garrantzitsuenak.

Animazio-Bideo Jokoak hautazko berria da. Bertan landutako gaitasunak eta prozedurak Plastika ikasgaian landu izan ditugu, eta balorazio positiboa egin ondoren, hautazkoan buru-belarri lantzeko eskaintza luzatu nahi dugu.
Animazioa eta bideo jokoak erlazionaturik daude arlo askotan. Gure kasuan Bideo jokoak atalean JOKOAK sortuko ditugu, animazioa ezinbestekoa izanik. Animazio atalean, animazioek kutsu artistikoa izan behar dute, ANIMAZIOA bere baitan izango da helburua.
Software librea erabiliko dugu Bideo Jokoa sortzeko eta muga bakarrak irudimena, lan kopurua eta ordenagailuen indarra izango dira.

2D moduan #Scratch programa ezaguna erabiliko dugu bideo jokoa sortzeko eta ikasleak plastikako atal hauek landuko ditu: pertsonaien marrazkiak, eszenak, objektuak eta abar. #Gimp eta #inkscape erabiliz, 2D animazioak sortuko ditugu #istorioak kontatzeko, #GIF artxibo moduan.

3D moduan #Blender erabiliko dugu animazio eta bideo jokoak sortzeko. Eszenen sorrera, mendiak, sua, haizea, leherketak, grabitate indarra, marruskadura, argiztapena, pertsonaien mugimenduak, abiadura aldaketa,...Blender programarekin batera, bideo jokoak egiteko beste moduak ikertuko ditugu: Unity 3D, PS, Unreal, eta abar, bai PC ordenagailuetan zein android mugikorretan aplikatzeko.


2016/10/25

BLENDER SOFTWARE LIBREAREKIN EGINIKO FILM LABURRA

SIGGRAPH 1974. urtetik ospatzen den informatika eta azken teknologien inguruko berrikuntzak azaleratzeko topagune indartsuenetakoa da. Urtero ordenagailuz eginiko beraien ustezko film onenak saritzen ditu.  Blender, 3D diseinu eta animaziozko software librea, programarekin eginiko honako lan honek irabazi du aurtengo SIGGRAPH 2016.


2016/06/15

3DBH DISEINUA. STAR WARS BIDEOA. EPISODE X. AZKEN ITXAROPENA




3dbh Diseinuko 4 ikasleren lana daukazue hemen. Plastika arloan ikasten dituzte gauzak, bizi une gozoak eta dibertigarriak, gaitasunak eskuratu, ...baina lan honen meritu guztia beraiena bakarrik da: Marcas, Gorkiller, XCuellar...eta bereziki J.Oncala..."la saga kontinua..."

2016/04/13

ABSTRAKZIOA. JUAN MORENO EGIAKO KULTUR ETXEAN


 Abstrakzioa lantzen ari gara. Juan Moreno sortzaile nafarraren lanaren inguruan gabiltza, erakusketa baitu apirila honetan Egiako Kultur etxean. Oteizaren eskultura metafisikoen antzera, karratuaren eta kuboaren formarekin egiten ditu sortze prozesuak.Hemen jarraian, makiltxoak erabiliz ikasleen 3Dko lanaren zati bat ikus dezakezue.
Guk, stop-motionaz baliatuz, 2D zein 3D moduan, karratu eta kuboarekin jolasten ibili gara.

2016/02/11

LAUAIZETA GAMES: JOKOEN PLATAFORMA


#BLENDER eta #SCRATCH erabiliz lehenengo bideo jokoak sortzen hasi gara 3DBH DISEINUA ikasgaian. Orduak eta izerdiak etxean botatzea beharrezkoa da horrelako egitasmoa aurrera eramateko. Interneten aurki daitezke erraz, #youtuben batez ere, joko hauek sortzeko bideotutorial eta jarraibideak. Behin ideia edukita, proiektua norberak eraman behar du aurrera eta #irakaslearen lana, bidea erraztea izango da, koordinatzea, aholkatzea. Proiektu eta ideia bakoitzak berariazko arazo, ideia eta ezaugarriak garatuko ditu. Denak antzekoak, denak ezberdinak.



Emaitzak baditugu. Plataforma sortzea falta zaigu jokoak txertatzeko, jendeak erabil ditzan. Laster publikatzea da gure nahia. Hiru sortuak daude, jada,  bi Blender erabiliz eta bat Scratch programarekin. Egileak 3DBHko Joseba Oncala, Gorka Arriola eta  Martin Castro. Agian gehiago buka ditzakegu.



2DBHko #IKUS-ENTZUN Tailerrean Jokoen Plataformaren Titulu animatua sortzen ari gara. Saguzaharraren #GIF animatua da eredua...



2015/06/10

3D ANIMAZIOA ETA BIDEOA MUGIKORRAREKIN. 2DBH PLASTIKA



3D landu dugu ikasturtean zehar kartoia, papera, kola eta alanbrea erabiliz. Baitare argiluna landuz, kolore zein zuribeltzean. Espazio ontziak diseinatu ditugu digitalki 3D moduan, #Blender software librea erabiliz. Programa honekin landu dugu espazioa eta tridimentsionalitatea ere karanbola zirkuitoak egiteko. Mugikorrarekin bideoak egin ditugu gainean espazio ontziak hegan jartzeko, bideo edizioaren laguntzaz. Ikasturte amaiera heldu da eta lan asko egin dugunez, indar gutxirekin iritsi gara. Ondorioz, zera adostu dugu: eredua ikusi, ulertu, ikasle baten espazio ontzia publikatu eta hurrengo ikasturtean animazio osoa egin(3 minutukoa).


2015/05/20

ESPAZIOA ETA FORMAK LANTZEN> PARAMETRO FISIKOAK. #BLENDER




Donostian zehar argazkiak ateratzen ibili ondoren, #Blender programa erabiliz jardun gara. Espazio tridimentsionala landuz, esfera, prisma, plano eta beste formak eraldatuz, mugituz eta biratuz. Konposizioa diseinatu dugu,karanbolak eginaz pilota zuloan sartzeko. Horrela gerta dadin, grabitatea eta antzeko parametro fisikoak erantsi dizkiegu elementuei. 


2015/05/06

3D DISEINUA ETA ANIMAZIOA: BLENDER



Korrupzioa dela eta eraikin batzuk ilegalak dira, kostatik hurbilegi egoteagatik, edo babestutako eremuetan eraikitzeagatik...Arkitektura lantzen gauden honetan, espazioa landuz eta #blender erabiliz, eraikinak bota ditugu.



Indar dinamikak landuz, jolasean, "domino efektua" edo "tximeleta efektua" delako fenomenoen saiakerak egin ditugu, espazio tridimentsionala ikertuz eta konposizioak frogatuz.

2014/10/26

EUSKAL MIKOLOGIA: UDAZKENEKO LOREAK


Udazkenean, gure inguruan gerta ohi diren bi fenomeno landuko ditugu programazioan txertatuta. Batetik, udazkeneko loreak deituriko mundu mikologikoa: perretxiko edo onddoak. Bestetik, Donostiako Fantasia eta beldurrezko zinemaldia.
Perretxikoak lantzeko garaian, helburua argi izan behar dugu. Helburua, programazioan azaltzen den ikusizkoen hezkuntzan garatze mailan, behaketa, marrazketa eskuz zein digitalki, gure ondare kulturalaz jabetzea eta adierazteko gaitasuna aberastea da.
Belaunaldiz belaunaldi bizitako ohitura zahar hau, perretxikoak biltzearena, gure basoetako paisai zoragarrian aurki daitezke txoko ezkutuetan. Naturarekin bat gozatuz biltzen diren onddoak kultura zaharra da. Arlo zientifiko, artistiko eta gastronomikoetatik zor zaio interesa. Naturak erakusten digun perretxikoen munduan ez da onik eta txarrik. Denak izaki, batzuk jan daitezke eta besteak arriskutsuak dira osasunarentzat (heriotza tarteko). Hona hemen ezagunenak:



* Perretxiko jangarriak:

- Onddo beltza (Boletus aereus)
- Zizahoria (Cantharellus cibarius)
- Susa edo udaberriko ziza (Calocybe gambosa)
- Gibelurdina (Russula virescens)
- Urretxa (Russula cyanoxantha)- Galanperna (Macrolepiota procera)
- Kuletoa (Amanita caesarea)


* Perretxiko jangaitzak:

- Hiltzaile berdea (Amanita phalloides)
- Kuleto faltsua (Amanita muscaria)
- Satan perretxikoa (Boletus satanas)
- Galanperna hiltzailea (Lepiota helveola)

- Hiltzaile goiztiarra (Amanita verna)

2DBH PLASTIKAN arkatzezko kolorez egindako perretxiko hautatuak hemen:





3DBH DISEINUAN EGITEN ARI GARENAREN LAGINAK JARRAIAN...



Ondoko bideoan, hasierako fasea nola egin azaltzen du. Bilaketa, argazkiaz baliatuz marrazki bektoriala, 3D marraztu edo eraiki. Azpitituluak nahi izanez gero, klikatu botoian(azpitituluak).

Azken fasean, koloreztatu eta testurak sartuko ditugu. Animatuko dugu bideoan onddoaren ezaugarriak hobeto azaltzeko.


2014/05/14

TABAKALERA IKUSTENIKASTEN 2014 maiatzak 20-23



Tabakalera Arte Garaikide gunean Tabakalera Hezkuntza-IkustenIkasten pedagogia eta hezkuntza proiektuan parte hartuko du Lauaizetako Plastika eta Ikusizkoen Blogak. http://goo.gl/UtfLNJ. Twitterren#IkustenIkasten.



Ikus-entzunezkoak Hezkuntzan aplikatutako egitasmoak partekatuko ditugu.



Aipatu behar da, Luberri ikastetxean, zein Lauaizetan, irakasle batzuk eginiko lana software librearen alde. Lan horretaz baliatu gara beste irakasle batzuk gure berariazko arloan eremuak garatzeko proiektu, erritmo eta garapen maila ezberdinekin. Eskertu behar da irakasle hauen lana. Eskertu, baita ere, muxu truk interneten hainbat eta hainbat jenderi, bere jakinduria partekatzeagatik, mundu guztiko txoko ezberdinetatik bideoak, berriak eta teoriak lau haizetara zabalduz, lizentzia libreaz. Nola ez, lizentzi libreko sistema eta programa garatzaileei: linux, firefox, gimp, inkscape, openshot, audacity, libreoffice, blender, librecad, etab. bukaezina.



Hala ere, software librearen erabileraren gako nagusiak hauek dira: libreak dira, euskaraz daude ia denak, azkarrak, potenteak, pribatiboak baina hobeak eta garapen konstantean dauden programak dira. Hartu, erabili eta zabaldu. 


2014/02/19

3D DISEINUA: BLENDER eta "tximeleta efektua"

3D Diseinua lantzen hasi gara Diseinua 3. DBH-ko hautazkoan. Tximeleta efektu delako zirkuitu interaktiboa egitean datza proiektuaren xedea. 3D eremua oso zabala da. Puntuarekin hasi, zuzenak lortu, ertzak kasu, eta planoarekin josten hasi arte. Planoak ardatzetan biderkatu eta hiru ardatzeko mundu mugaezina irudikatu arte: x, y, z ardatzak, xy planoak, etab.

Blender software librea erabiltzen ari gara. Python-en oinarrituta. Oso indartsua, dinamikoa, azkarra, beste software libreekin interaktiboa(Gimp, Inkscape, Openshot,...) eta etengabe komunitateak garatutakoa.



3D Diseinuan 3 eremu jorratzen ditugu. Batetik, 3D formak eta testurak. Bestetik, 3D Espazioa eta argiztatzea. Azkenik, 3D eta animazioa. Animazioan, Blenderrek Game atalean jokuak egiteko ahalmena du eta hortaz baliatuz parametro fisikoetan jolastuz aritu gara. 



2013/11/17

GIF ANIMATUAK ETA BIDEO EDIZIOA. 3DBH DISEINUA.



Lehen Ebaluazioa amaitzeko 3DBH Diseinuan falta zaiguna Tximistaren lana bideo formatuan bakoitzak bere blogean aurkeztea da. Jarraitu beharreko pausuak irudian grafikoki azalduta dituzue: 1. Tximistaren GIF animatua. 2. Lizentzia libreko soinua bilatu eta aurkitu. Ondoren jaitsi. 3. Audacityn soinua egokitu. 4. Openshoten lana amaitu.

Lan hau amaitutakoan Ebaluazioko nota osatuko da.


Zuzenketak GIF animatuetan: Blogean igotako soinurik gabeko Gifak, ez daude ongi burutuak, salbuespenak salbuespen. Tximista baino lehen, denbora luzeago behar du, bestela ez du itxura naturalik hartzen. Hori egiteko modu egokiena, geruzari izena aldatzean datza. Identifikatzeko izenaren ondoren, parentesi artean denbora jarriko dugu. Horrela: niregeruza(100ms), bestegeruza(500ms), etab.

2013/09/18

61. DONOSTIAKO ZINEMALDIA



Marrazki ugari egin eta jarraian jarriak animazioa sortzen du. Donostian gaudenez eta Zinemaldia hastera doanez hauxe egingo dugu: Batetik, ikus-entzuneko tailerrean Gimp irudi sortzailea erabiliz marrazkia eraldatzen joan geruza ezberdinetan eta erreproduzitu animazioa sortuz. Bestetik, Diseinua lantzen dugun ikasgaian Zinemaldiko dokumental, labur metrail eta luze metrailak asmatuko ditugu eta beraien kartelak sortu.