bannerra 1

bannerra 1
eskultura etiketadun mezuak erakusten. Erakutsi mezu guztiak
eskultura etiketadun mezuak erakusten. Erakutsi mezu guztiak

2026/09/05

ESKULTURAK MARRAZTEN; 120 MARRAZKIREKIN ANIMAZIOA.

 


120 marrazkirekin animazioa sortuko dugu. Horretarako bideo bat hautatu behar dugu, ekintza ala gidoiari lotuta. Behin bideoa eskutan, 120 frame marrazki bihurtuko dira, kalkatuta ala libreki interpretatuta. 120 marrazkiri argazki bana aterako diegu eta hauek lotuko ditugu animazioa sortzeko. Animazioa editatuko dugu marra-marrazki libreak erantsita, "ikus zarata" deritzoguna, eta audio efektu eta musikarekin osatuko dugu.

120 marrazkiak egiten hasi baino lehen giza gorputzaren hainbat jarrera identifikatuko ditugu hainbat eskulturak analizatuta. Analisi hauek egiteko, lehenik eta behin hainbat eskultura EZAGUTUKO ditugu. Analizatzeko proiektorean ikusi, hausnartuko dugu elkar, eta azkenik, marrazkiekin interpretatuko ditugu, marrazki azkarrak, A4 formatoan hainbat teknika eta hizkuntza plastiko erabilita: collage, tinta txinatarra, argizariak, boligrafoak, arkatzak, zirriborroa, geometria, marra-egiturak...

2023/01/13

ESNEAREN TEKNIKA: MICHELANGELO ERRENAZIMENDUKO ESKULTURA. IKUS-ENTZUNEZKO TAILERRA.




























Errenazimentuko artea 

antzinako Grezian eta Erroman oinarritzen da. 

Michelangelok zioen eskultoreak marmolezko 


blokean ikusi behar zuela norberak nahi zuen 


irudia.


Michelangelok buztinezko irudi txikiago bat 


egin eta esnez betetako bainuontzi batean 


sartu zuen.


Pixkana bainuontzia husten ari zen bitartean, 


egin behar zituen eskulturaren zatiak 


ikus zitzakeen.


Ikus-entzunezko tailerrean teknika hori 


egin dugu modu digitalean, 


#Blender software librea erabilita. 


#Free3D webgunetik jaitsi dugu eskultura, 


#Laokoonterena.


Eta #Michelangelok 1500. urtean egin zuena 


David irudiarekin 


irudikatu dugu Laokoonterekin.



2019/06/12

KATTALIN USOZ. DISEINATZAILEA. GUREKIN PLASTIKAN.


Plastika eta Ikusizkoen Hezkuntzan laguntza paregabea izan dugu
denboraldi luzean. Praktikak egiten egon da gurekin Kattalin Usoz.
Plastikako irakasle moduan aritu da ere eta elkar ezagutu eta ikasi dugu:
ikasleez gain, Kattalinek, Uxoak eta hirurok. Esperientzia aberasgarria.


Kattalin diseinatzailea da eta bere tailerrera bisita egin dugu ikasleekin
lanak ikustera. Horrenbestez, bere lana hartu dugu ardatz eta berak
zuzendu du proiektua. Zementua erabilita egindako lanak ditu ezagunenak.
BANOA marka sortua du. Ikosaedroa da erabili duen formetako bat.
Prozesuaren argazkiak ikusi ondoko irudian klikatuta.

2017/01/17

PALEOLITOA. PROIEKTUA ELKARLANEAN. TALDE LANA.


Paleolitoa lantzen hasi gara #Plastika arloan Gizarteko mintegiarekin elkarlanean. 4, 3 eta 2 DBHko beste taldeek hainbat proiektu landuko dituzten bitartean, 1DBH taldeetako ikasle bakoitzak #Euskal Herriko lau kobazulo nagusietatik hartutako marrazki bana erreproduzituko du eta #Lauaizeta ikastetxeko korridoreetako hormetan itsatsiko ditugu. #Historiaurrea ezagutuko dugu pixkat, marrazkiaz baliatuz, wikipediaz eta #Ekainberri bisitatuz, #birtualki eta bertaratuz txangoa eginez. Lau kobazuloak hauexek dira:


Ikasle bakoitzari lau kobazuloetako irudi bana esleituko zaio. Ordenagailuan aurkitu eta, berriz irudikatuz, koloretako marrazkia gauzatu eta izendatuko du. Ondoren, sailkatutako kobazuloaren irudi-errenkadan kokatuko du eta itsatsiko du neurri handiko zelofana erabiliz.



3 DBH A taldeak, #trikuharri eskultura egingo du, kartoia birziklatuz, talde lanean. #Oteizaren eskultura megalitikoaren teoria aztertuko dugu.

4 DBH taldeak, korridore zatia hartu eta kobazuloan bihurtuko du. Bertan, sabaia estalaktitaz josia izango da, bolumenak paperez eginda. Hormetan harri testura koloreztatuko da eta animalien marrazkiak ere agertuko dira. Espazio sakonera irudikatuko da, hormetako papera marraztuz, argia egokituz eta audioa gehituz: ur tantak- #txalaparta, giza ahotsak- #Laboaren musika, animalien ahotsak eta abar.
O

1 DBH artisautza taldeak, lehortutako buztin zatietan fosil eta antzinako objektuak erliebean zizelkatuko ditu.

Ikasleen lanak ikusgai hurrengo estekak klikatuz:

2016/04/13

ABSTRAKZIOA. JUAN MORENO EGIAKO KULTUR ETXEAN


 Abstrakzioa lantzen ari gara. Juan Moreno sortzaile nafarraren lanaren inguruan gabiltza, erakusketa baitu apirila honetan Egiako Kultur etxean. Oteizaren eskultura metafisikoen antzera, karratuaren eta kuboaren formarekin egiten ditu sortze prozesuak.Hemen jarraian, makiltxoak erabiliz ikasleen 3Dko lanaren zati bat ikus dezakezue.
Guk, stop-motionaz baliatuz, 2D zein 3D moduan, karratu eta kuboarekin jolasten ibili gara.

2015/12/16

UDAZKENA MIGRAZIOA HEGAZTIAK. 1DBH PLASTIKA ARTISAUTZA


https://picasaweb.google.com/103233448734982968727/1DBHARTISAUTZAHEGAZTIENMIGRAZIOA

1DBH #Artisautza hautazkoan bolumenezko hegaztiak egin ditugu eta ikastetxeko sabaitik eskegi. Irailean hasi ginen, marrazkiak eginez eta #migrazioko #hegaztiak ikertu eta aukeratzen. Gero, pausoz pauso, prozedurak garatuz joan dira, egituratik hasita azalaren kolore arte. Argazki guztiak HEMEN.

2015/03/01

PLASTIKA 4 DBH: PANPINA ERRALDOIA




#Korrika2015 martxoaren 22an pasako da Donostiatik. Egun horretan bertan doaz 4DBHkoak ikas bidaiara Italiara. Korrikari harrera egiteko #panpina #erraldoia egingo dugu talde lanean. Lehenik, ideia pentsatu eta diseinua zehaztuko dugu, planifikazioa adostu behar dugu. Zer egin, nola eta zertarako. Kanpoko pertsonaiaren itxura aldakorra bada ere, zehazteke dagoena, panpinaren barruko egitura berdina izango da. Hots, barruko egitura egiten hasiko gara, kanpoko itxura erabakitzen goazen bitartean. #Birziklapena da #proiektu honetako gaietako bat. Etxean sortutako hondakin batzuekin(papera, kartoia, plastikoa,...) sortuko ditugu panpinaren testura eta formak. Egituraren “hezurrak” #banbu adarrak izango dira.


2014/11/18

PERRETXIKOAK IKASTETXEKO ZELAIAN

ARGAZKIAK HEMEN 


Perretxikoen lana azken fasean sartu da. Aitzurrarekin zuloa egin eta zelaietan barreiatuko ditugu guztiak, Lauaizetako lau aldetan: ipar, hego, mendebal eta ekialdean. Gaur talde baten lanak instalatu ditugu, bihar beste taldearena eta ostegunean azken bi talderenak. 2DBH plastikakoak denak. Ordenagailuetan bilatzen hasi ginen, Naturreko Eduk pasatako zerrenda, Euskal Herrian izaten diren onddo edo perretxiko ezagunenak, jangarri eta jangaitzak. Gero, koloretako arkatzez marraztu genituen. Jarraian, egiturak eraiki genituen. Egiturari azala jarri genion. Azala koloreztatu. Perretxikoak zelaietan kokatu eta Plastikako blogean publikatu. Zoriondu nahi nituzke ikasleak. Lan itzela egin dute, elkarlanean, taldeak osatu eta eskuz esku lan ona egin eta hobetzeko jarrerarekin, eta saioko azken 15 minutuetan erratza, “fregona” eta “baietakin” bazterrak txukunduz. Eskertu, nola ez, Carmen Palmàs lankideari, aurten Lauaizetako 3. solairua garbitzen duenari. Nahiz eta ahal izan duguna garbitu, hurrengo egunerako sekulako lana egin izan duelako, arraskak, mahaiak, aulkiak, korridoreko zorua, nesken komuna(plastikako gelaren ondoan dagoen "arraska auxiliarra) etab kolaz, paperaz eta pinturaz garbitu izan dituelako modu ezin hobean.








2014/10/28

EUSKAL MIKOLOGIA 2: PRODUKZIOA AREAGOTZEN!

Perretxikoen ikerketa, marrazketa eta publikazioaren ondoren, maila bakoitzean jarraitu dugu hauen lanketan. 

                 

2DBH Plastikan, esaterako, koloretako arkatzez eginiko marrazkien ostean, talde lanean neurri handiko bolumenak egituratzen hasi gara, onddo forma eman arte. Bukatutakoan, Lauaizeta ikastetxe inguruko zelaietan jarriko ditugu, elurra egin arte. Aurtengo neguan, esaten dutenez, “ezkur asko elur asko”.


3DBH Diseinuan, berriz, 3D diseinuan egindako onddoak Blenderren, koloreztatu ditugu. Testurak sartzerakoan, arazo teknikoak izan ditugu, ordenagailuen txartel grafikoak eta prozesadorean indarra ez baitira nahiko, lan hauetan eroso aritzeko. Hala ere, moldatu gara.

                             


Azkenik, 4DBH Plastikan, 10 perretxiko ospetsuenen marrazki bektorialak egin ditugu Inkscape erabiliz. Ez daude guztiak erakusteko prest, zuzenketa txikiak, izena erantsi, etab. Bukatuta daudenean, guztiak batera publikatuko ditugu BLOG honetan, eta ikusgai ere izango dira IKASLEEN LANAK atalean, picasaweb edo googleplusean.




2014/09/06

4DBH PLASTIKA: IKASTURTE HASIERA


14-15 ikasturtea hastera doa eta blog honetan publikatuko dut, mailaka eta gaika, ikasturte osoan landuko dugunaren laburpena, eta 1. ebaluazioan egingo ditugun ariketa nagusiak, dagozkien puntuazioarekin. Hemen daukazue 4. dbh-ko Plastika A taldean egingo duguna.


2014/03/12

ESPAZIOA LANTZEN INGURUA EZAGUTUZ

 


Espazioa lantzeko 2DBH-ko PLASTIKA ikasgaian, eremu ezberdinetan arituko gara. Eskultura ikusiko dugu, Oteizarena, eta buztinaz formak eraiki. Ingurua ezagutuko dugu, bai Donostia eta bere eraikin esanguratsuenak. Eta bai Lauaizeta inguratzen duen mendi katea: Goizueta aldekoak, Adarra, Ernio, Izarraitz eta Igeldoren jarraian daudenak. Google earthen lan batzuk egingo ditugu eta arku kapaza erabili. Bestetik, arkitekturan murgilduko gara, 3D programarekin etxea eraikiz, besteak beste.

2013/09/19

GEOMETRIA MATEMATIKA ETA PLASTIKA: POLIEDROAK


Goiko irudi gorriak WIKIPEDIATIK hartuak dira. Poliedroak idatzi eta han aurkituko dituzue definizio zehatz eta gaiarekiko lotura interesgarriak. Ez dudarik izan, nabigatu eta jo aurrera!


Poliedroak 5 dira eta izateko baldintza hau bete behar du: osatzen duten planoak eta hauek lotzean sortzen diren beraien arteko angeluak ere berdinak izatea.

Blender software librea da. Izugarria 3D diseinu eta animazioak sortzeko. Komunitateak sortu eta garatzen du, momentu oro hobetzen, eta arrakasta handia du bere sektorean, hezkuntza maila ezberdinetan eta industria mailan ere.

Matematika eta Plastika ikasgaien arteko elkarlanean, 2DBH mailan geometria landuko dugu modu ezberdinetan. Prozesu guztiaren atal bat 3D modu digitalean datza. Hona hemen zertzelada bat...




Geometria

Wikipediatik



Geometria (grezieraz γεωμετρία, geo = lurra, metria = neurtu) gorputzen tamaina, forma eta posizio erlatibo eta espazioaren propietatez arduratzen den matematikaren ataletako bat da. Geometria da zientziarik zaharrenetariko bat. Hasiera batean luzera, azalera eta bolumenaren inguruan kezkatzen zen baina K. a. III. mendetik aurrera Euklidesek axioma ezberdinak proposatu zituenetik mendetan zehar estandar hauetan oinarritu da. Astronomiak eman zituen hurrengo mende eta milurteko eta erdian buruhauste geometriko nagusiena.
Rene Descartesek koordenatuak sartu zituenetik eta aljebraren garapenarekin batera geometria beste garai batean sartu zen. Gainazal kurboakgeometria analitikoa erabiliz deskribatu ahal ziren, adibidez, funtzio eta ekuazioak erabiliz. Gertakari honek paper garrantzitsua jokatu zuenkalkuluaren sorreran XVII. mendean. Are eta gehiago, perspektibaren teoriak argi utzi zuen geometria badela gorputzen eta formen propietate metrikoak baino zerbait gehiago. Geometriaren gaiak oraindik aberatsago egin ziren hainbat gorputz geometrikoren berezko egitura ikertuz eta alor honetan Euler eta Gaussek eginiko lanek topologia eta geometria diferentzialaren sorrera ekarri zuten.
XIX. mendean geometria ez-euklidearra aurkitu zenean espazioren kontzeptuak aldaketa izugarria lortu zuen. Gaur egungo geometriak tolesak eta lokarriak ere kontsideratzen ditu, Euklidear espazioa baino abstraktuagoak diren objektuak, eta eskala txikietan baino geometria klasikoaren itxura duten objektuak ere ikertzen ditu. Gaur egungo geometriak harreman handia du fisikarekin, batez ere geometria Riemanniarra eta erlatibitate orokorraren artean. Fisikaren teoriarik berrienetako bat ere, korden teoria, oso geometrikoa da azken finean.

Geometria irudi bidez adierazgarria izateak matematikaren beste atalak baino ulergarriagoa egiten du, batez ere aljebra edo zenbakien teoriaekin alderatuz. Hala ere hizkera geometrikoa normalean ohituak gauden esparruetatik at ere mugitzen da, geometria fraktalean, adibidez, eta batez ere geometria aljebraikoan.

Ikus jarraian animazio labur metraila...klikatu hemen

2013/04/07

4 DBH PLASTIKA: EUSKALDUNAK ETA ARTEA, OTEIZA

Oteizari buruz eitbk eginiko bideoa Argia aldizkariaren webgunetik

Oteizaren Museoari buruzko bideoa: Oteizaren ondareak bizirik dirau Altzuzan






Oteizaren eskultura Blender 3D software librearekin egina


Amaitzeko, Oteizari buruz Wikipedian