OBJEKTUEN TESTURAK AZTERGAI: LANPARA PLASTIKA 3DBH.

 

Objektuen kolorea ikertzen aritu gara. Argiak duen eragina objektuaren azalaren kolorean. Objektuen azalak nolakoak diren: testurak. Denboraren arrastoa, denboraren eragina azalean: hautsa, kolpeak, zikina, isla, herdoila, erredura, arrasta...

Bi bide erabili ditugu; batetik, eskuz koloretako 

arkatzekin interneteko irudiak erreferentzi gisa;

eta bestetik, 3D software librea, #Blender 3.1.

Bietan behaketa funtsezkoa da eta 

zein bidek emango dizkigun abantaila gehiago

hurrengo baterako utziko dugu eztabaidagai...

Goiko irudia Ibai C-rena da, 

Blenderrekin eginda. 

Ondorengo hau 

Nahikari S-k egin du koloretako 

arkatzekin.

Guztiak ikusteko klikatu HEMEN.

3D DIGITALA PLASTIKAN: ITSASOA

Hauspoan 3D digitala lantzen ari gara. Oraingoan, itsasoa egin dugu #BLENDER programarekin.

Software librea da eta hemendik deskarga dezakezue: BLENDER.ORG .

3D eszena hau egiteko nahikoa da plano bati ITSASOA izateko esatea klik batekin. Jarraian parametroak konfiguratuko ditugu itsasoaren diseinuaren arabera, hau da, haizearen indarra, olatuen tamaina, olatuen maiztasuna, olatuen norabidea, uraren gardentasuna, kolorea eta distira, olatuek sortutako aparra...

#FREE3D webgunetik, berriz, itsasontzia deskargatu dugu denbora irabazte arren. Itsasoa eta itsasontzia animatu ditugu eta argiztapenarekin jokatu. HDRI IRUDI berezia deskargatu dugu, dohainik ere, #POLYHAVEN webgunetik eta atzekaldean kokatu, honek argiztapenean eragina du.

Azkenik, kaio baten PNG irudia erabili eta kaio taldea animatu dugu #BOID (artaldea) agindua erabilita. Arrantzaleen ahotsak Ondarroa eta Orioko arrantzaleenak dira #YOUTUBEKO dokumental batetik hartuta.

FORMA ETA OBJEKTUEN ERALDAKETA. MINOTAUROA 3D.

Formak, koloreak eta testurak eraldatuko ditugu denboraren poderioz edo hainbat fenomeno gertatuta

 aldaketak sortzen direlako; lehor/busti, leun/zakar, distiratsu/ez disdiratsu, koloretsu/ilun,

 garbi/zikin...Horretarako, Blender 3Dko software librea erabiliko dugu eta aldaketak sortu:

1- forma.

2- kolorea.

3- testura.

Adibide gisa hemen ikus dezakezue

greziar mitologiako MINOTAUROA.

Blender.org webgunetik deskarga dezakezu programa. Kolore aldaketak egiteko denbora lerroan kolorea hautatu eta grabatu. Horrela, animazioa hastean kolorean grabatutakoaren arabera aldatuko da. Formak eraldatzeko, berriz, SHAPE KEYS erabiliko dugu, ikusi HEMEN.

3D edalontzi DIGITALA PLASTIKAN Blender erabilita

4dbh Plastikan edalontzi digitala sortzen ari gara, kristalezkoa. Ondoren kaxa diseinatuko dugu eta bertan aurkeztuko dugu edalontzia, animazio bat eginda. 3D eremuan lanean ari gara geometria lantzeko, isometrikoa eta bistak ikasteko, testurak lantzen ere ikasi nahi dugu eta argiztapena zein kameraren ikuspuntuak.