IKASEGOERA: 1813. DONOSTIAKO SUTEA.

Abuztuak 31 kalea, Donostiako alde zaharrean. Nondik datorkio kaleari izen hori? Ba al dakigu?

Erretratua landu dugu tenperak kartoi gainean teknikarekin. Argiak kolorearengan duen eragina bilatu dugu, pertsonaiaren adierazpena eta arroparen testura. 4DBH-ko Lararen marrazkien garapena ikus dezakegu hemen:

Beste lanak ikusteko KLIKATU HEMEN.

Murgildu gara Napoleon garaian. 120 marrazkiz osatutako 10 segunduko animazioa egingo dugu jarraian. Ondoren txorimaloa Santo Tomas azokarako eta, azkenik, arte instalazioarekin emango diogu amaiera ikasegoerari.

SERIE, FILM, BIDEO-JOKO BATENTZAT TRAILERRA EDO HASIERAKO KREDITU-TITULUAK SORTU, INTROA DELAKOA.

Bakoitzaren sormena lantzea da helburua. Horretarako, hainbat ikus-entzunezko produkzioak ezagutu, analizatu eta sailkatuko ditugu. 

IKUS-ENTZUNEZKO ADIBIDE BATZUK

Ondoren, gure gustuko produkzioa aukeratu eta honetatik abiatuta kreditu-titulu eszena-animazioa sortuko dugu. Erabilitako soinu efektuak ikasle bakoitzak sortuko ditu digitalki grabatuta zuzenean, edo bestela, ahoarekin soinuak sortu eta grabatuta. Erabilitako irudiak ikasleak sortutakoak izango dira: eskuz egindako marrazkiak, digitalki sortutakoak, edo ikasleak ateratako argazkiak eta bideoak. Ikastetxean, plastika gelan, egindako guztia software librea erabilita izango da. Etxean klasetik kanpo egindakoa sofware pribatiboan egindakoa izan daiteke. Sortutako bideo-animazioaren hizkuntza euskara izango da. Iraupena 2-4 minutu artean, ahal bada.

Arauak arau, plano motak eskura izatea ongi datorkigu:

AITORREN MURALA EGIN DUGU, HIRUGARRENEZ.

 

Lauaizeta osatzen dugun ikasleria Aitorretik, Hegoatik eta Intxaurrondo ikastolatik gatoz. Auzoekin eta auzoetako ikastetxeekin elkarlanean muralak eta hainbat proiektu egin izan ditugu Plastika arlotik ere.

Esperientzi polita da paretan elkarlanean pintatzea, ardatza adostu eta bakoitzak libreki irudi osoan berea ematea. Ondo pasa dugu eta eskerrak eman nahi dizkiegu Aitorrekoei paretagatik, emandako erraztasun eta harreragatik eta, nola ez, pastengatik!

2026(e)ko urriaren 29(e)tik 2026(e)ko azaroaren 1(e)ra Intxaurrondo auzoan muralen festa handi bat, Intxaurrondo Apain, ospatuko da eta han ere egingo dugu mural berri bat.

ARGAZKIAK 2026

EGIAN hainbat mural egin izan ditugu azken urteetan: Egian Euskaraz Eguna, Olatu talkak, Korrika eta Aitorren...

Plangintza.

Emaitza.

Argazkiak Murala Aitorren 2025

Emaitza Egian Euskaraz Eguna.

Argazkiak Egian Olatu talkak.

Korrika Egian Murala 24.

Korrika Egian murala 26.

ESKULTURAK MARRAZTEN; 120 MARRAZKIREKIN ANIMAZIOA.

 

120 marrazkirekin animazioa sortuko dugu. Horretarako bideo bat hautatu behar dugu, ekintza ala gidoiari lotuta. Behin bideoa eskutan, 120 frame marrazki bihurtuko dira, kalkatuta ala libreki interpretatuta. 120 marrazkiri argazki bana aterako diegu eta hauek lotuko ditugu animazioa sortzeko. Animazioa editatuko dugu marra-marrazki libreak erantsita, "ikus zarata" deritzoguna, eta audio efektu eta musikarekin osatuko dugu.

120 marrazkiak egiten hasi baino lehen giza gorputzaren hainbat jarrera identifikatuko ditugu hainbat eskulturak analizatuta. Analisi hauek egiteko, lehenik eta behin hainbat eskultura EZAGUTUKO ditugu. Analizatzeko proiektorean ikusi, hausnartuko dugu elkar, eta azkenik, marrazkiekin interpretatuko ditugu, marrazki azkarrak, A4 formatoan hainbat teknika eta hizkuntza plastiko erabilita: collage, tinta txinatarra, argizariak, boligrafoak, arkatzak, zirriborroa, geometria, marra-egiturak...

PLASTIKA 26-27

Plastika 26-27 hastera doa. Sormena. ekimena, adiskidetasuna, heziketa, umorea eta jolasa. Marraztu, pintatu, collageak egin, muralak, bideoak, musika editatu, soinu eta bideo efektuak, 3Dko diseinu eta animazioak, 2Dko gif animazioak, kartelgintza, argazkilaritza, marrazki teknikoa, objektuen lanketa, bolumena, materialak, arte teknikak, irudimena, ikusizkoak eta ikus-entzunezkoak, irudigintza digitala, irudi biltegiak, hizkuntza plastikoak, analisia, erakusketak, arte garaikidea, artearen historia, Euskal Herriko kultura, espazioaren lanketa, inguruak dinamizatu, auzoarekin elkarlana, komunikazioa eta abar luzean murgilduko gara...

BLENDER 5.2: BLENDER BERRIA GEROZ ETA HOBEAGOA.

 

Blender software librea da: bideo edizioa, konposizioa eta 3D eremuko dena garatu daitekeen software programa lan eremua. Berrikuntza boteretsuak dakartza sostengu luzeko 5.2 bertsioak; batetik, egonkortasun orokorra eta optimizazioa asko hobetu du; nola ez, komunitatearen sostengu handia izaten jarraitzen du eta industrian geroz eta gehiago erabiltzen hasi dira; eta, azkenik, erreminta berriak.

Erreminta berrien artean oihalaren fisika  dinamikoa: indartsu bultzatuz gero oihala hausten da (klik batean eginda). Argiak azaletan islatzeko modu berria ere hor dator, klik batean ere, gardentasun puntua errealitatera hurbiltzeko. Oihalaren fisika dinamikora itzulita elementuek talka egin eta bere forma berreskuratu dezakete (klik batekin ere).

Blender doako software librea da, eta nahi baduzu ahal duzu proiektua dirua donatuta lagundu edo inguruan softwarearen berri emanda lagun dezakezu ere.

Besterik gabe, deskargatu hemen blender.org eta erabili.

EKAINAK 23AN INTXAUR SUAK JAIA INTXAURRONDO AUZOAN.

Auzotik auzora, Egiatik Intxara, Intxatik Egiara. Oraingoan, Donostiako Intxaurrondo auzoko ekainak 23 gaueko suaren jairako  kartelak egiteko gonbita luzatu ziguten jai batzordetik. Plastikako 4dbhko ikasleekin egin ditugu kartel batzuk eta ondoko Maddi B.-ren kartela aukeratu dute jaiaren aurkezpenerako. KARTEL GUZTIAK ikusteko klikatu irudian.

1DBH PLASTIKA: GIF ANIMATUAK

 

Ikasturtea amaitu da ia. Azken lanak jasotzen. 1DBH Plastikan #Gimp software librea erabilita animazio txiki batzuk egin ditugu. Gora beherak , estresak, gaizki ulertuak, adina, klima eta abar tarteko lan guztiak ez ditugu erabat burutu. Publikatzeko moduan daudenak ikusgai HEMEN KLIKATUTA.

MAITE DITUT MAITE GURE BAZTERRAK: PINTURA, KOLOREAK, ERREPRESENTAZIOA.

Ikasleen ordenagailuen kaxak euskarri, koloretako tenperak erabilita, munduko bazter edo txoko bat aukeratuko dugu errepresentazio-arte lan bana egiteko. Kontuan izango dugu argiak kolorean duen eragina, argi guneak eta itzalguneak bolumena hobeto adierazteko, eta perspektibaren trataera: zorua edo lurra, aurrean dagoena, ezkerrean eta eskuinean. Hemen jarraian ikus dezakezu #GAKU artistaren lana: 3D eremuko BLENDER software librea erabilita, pintzel digitalarekin marrazten du 3D espazioan.

   

Perspektiba aberasteko urrun/hurbil kontzeptuak eta aurrerago/atzerago kontzeptuak kontuan izango ditugu ere. Ikus puntua hurbilduko dugu eta eskema axonometrikoa izango dugu oinarri.

Floating Island of the Potion Brewer by vilmariina on Sketchfab

                                           

Zein txoko aukeratu?

Argia eta itzala duen irudi bat. munduan edonon dagoena. Bilatzen hasteko eta bidai digitala egin eta dibertitzeko apur bat, Google earth hartu eta bost kontinentetatik bidaiatuko dugu, 3D moduan ahal bada. Aukeratutako lekua pintazerakoan ondo pasatzea da helburuetako bat.

ZEIN KOLORE ERABILIKO DUT?

Edozer sortzerakoan, bai marrazki, bai bideo zein animazio, arropa diseinua eta hezkuntza plastikoa, ikusizko eta ikus-entzunezkoa den proiektuetan, koloreak erabaki behar ditugu. Orain, kartela diseinatu behar dugu eta zein kolore erabiliko dugun erabaki aurretik, hainbat arte lan eta produkzio ikusi eta kolorearen trataera analizatuko dugu. 

Inkscape diseinu bektorialeko software librea erabilita, besteak beste, edozein irudiren kolorea identifikatu dezakegu plis plas batean. Hemen goian, adibidez, Caravaggioren XXVII. mendeko arte lan hau hartuta, tenebrismoa deituriko estiloa garatu zuena, arte barrokoa, bere kolore bilduma analizatu dezakegu irudiko zonalde ezberdinetan klikatuta.

Horretarako, irudiaren gainean klikatu eta kolorea zein den esango digu, eta honen kolore nagusi bakoitzaren batazbestekoa ere.

ARGAZKI RALLYA DONOSTIALDEAN.

10 argazkiko rallya egingo dugu, mugikorrarekin, argazki bakoitza baldintza edo gaiari lotuta: Erritmoa, perspektiba, islada...

Zerrenda ondoko irudia klikatuta.

Egindako argazkiak drivera igo eta bakoitzari dagokion zenbakiarekin eta gaiarekin izendatu. Jarraian, irakaslearekin partekatu.

UKITZAILEAK ARIKETA: PUNTUTIK ZIRKUNFERENTZIARI MARRA UKITZAILEA.

 

1. Blender software libre zoragarriarekin egindako lan honetan ukitzailearen aplikazioa ikus dezakegu bizikletaren mekanikan. Marraztu eskuz orri zurian aipatutako mekanikaren ukitzailearen aplikazioa eta beste bi adibide, dena orri berean.
2. Elkarzutaren adibidea aurkitu Plastika gelako espazioan eta grafikoki adierazi.
3. Puntutik zirkunferentziara zuzen ukitzailearen prozedura aurkitu online eta euskaraz.
4. Deskargatu .svg artxiboa, goiko UKITZAILEA irudia klikatuta, inkscape programarekin ireki, eta honako leku geometrikoak aurkitu:
1. Puntua eta zirkunferentziaren zentroaren arteko zuzena eta honen erdibitzailea.
2. Erdibitzailetik sortutako zirkunferentzia erradioa ertzeraino duena.
3. Sortutako zirkunferentziak hasierako zirkunferentziari eragindako mozketa puntuak.
4. Puntutik mozketara zuzena.
5. Non ikus dezakegu erdikaria?
6. Erdibitzailea kontuan izan gabe, non sortzen da elkarzuta ere?
7. Blender programa ireki eta sortu: prisma angeluzuzen bat, zilindro batekin ukitzailea dena. 3 pantaila-argazki postaz bidali.
8. .svg artxiboa eta esportatutako .png artxiboa digitalki entregatu.
9. Pitagorasen teoremaren demostrazioa 2 karratu berdin erabilita.  
   
   

HAUTAZKOAK PLASTIKAN 26-27 IKASTURTEAN

 

Hasi pentsatzen zein hautazko egin nahi duzuen hurrengo ikasturtean. Plastikatik hauek eskaintzen ditugu:

1 DBH: IRUDIMEN TAILERRA.

2DBH: IKUS-ENTZUN TAILERRA.

3DBH: ARTE/PLASTIKA TEKNIKAK.

4DBH: PLASTIKA.

KORRIKA 2026: MURALA EGIA AUZOAN.

Auzoetatik ikastetxera eta ikastetxetik auzora, euskararen alde, KORRIKAREN alde, Euskal Herriaren alde. Aurtengoan ere Egia auzotik EGIA EUSKARAZ taldeak eskatu digu murala egitea 

24. KORRIKA dela eta. Gustu handiz 4DBHko PLASTIKAKO ikasleek hartu dugu parte. Asteazkenean euritan eta ostegunean eguzkitan. Egiako Plazaundin, kiroldegiaren ondoko paretean. Egia auzoko Aitzarte mendi elkarteak lokala utzi digu, berriz ere, materiala gordetzeko.

Egia auzoan erosi genuen pintura akrilikoa eta ikastetxetik jaitsi genituen brotxak, ontziak eta eskailerak, eta zorua ez zikintzeko plastiko erraldoiak.

2025 Aitor Ikastolan murala, Maria Reinakoekin elkarlanean.

2024 Korrikaren aldeko murala, Egia Euskaraz, Plazaundin.

2015-06-02 Egian euskaraz eguna horma irudiaren bigarren fasea.

2014-05-24. Egian euskaraz eguna + Olatu talkak.

2014-04-02 Egiako Aitor Ikastolan horma irudia.