bannerra 1

bannerra 1

2022/05/10

FORMA ETA OBJEKTUEN ERALDAKETA. MINOTAUROA 3D.

Formak, koloreak eta testurak eraldatuko ditugu denboraren poderioz edo hainbat fenomeno gertatuta

 aldaketak sortzen direlako; lehor/busti, leun/zakar, distiratsu/ez disdiratsu, koloretsu/ilun,

 garbi/zikin...Horretarako, Blender 3Dko software librea erabiliko dugu eta aldaketak sortu:

1- forma.

2- kolorea.

3- testura.

Adibide gisa hemen ikus dezakezue

greziar mitologiako MINOTAUROA.

Blender.org webgunetik deskarga dezakezu programa. Kolore aldaketak egiteko denbora lerroan kolorea hautatu eta grabatu. Horrela, animazioa hastean kolorean grabatutakoaren arabera aldatuko da. Formak eraldatzeko, berriz, SHAPE KEYS erabiliko dugu, ikusi HEMEN.

2022/05/02

3D edalontzi DIGITALA PLASTIKAN Blender erabilita

4dbh Plastikan edalontzi digitala sortzen ari gara, kristalezkoa. Ondoren kaxa diseinatuko dugu eta bertan aurkeztuko dugu edalontzia, animazio bat eginda. 3D eremuan lanean ari gara geometria lantzeko, isometrikoa eta bistak ikasteko, testurak lantzen ere ikasi nahi dugu eta argiztapena zein kameraren ikuspuntuak.




2022/04/05

KORRIKA 2022 PLASTIKAN!

 


1,2,3 eta 4DBHko ikasleek parte hartu duten proiektua izan da, Plastika arloan. Korrikaren ibilbidea marraztu dugu 4 solairutan: beheko zero solairuan hasi, lehenengo solairura igo, gurutzatu eta bigarrenera igaro, gero hirugarrenera eta azkenik, berriz, beheraino. Ikasleak egin beharrekoa talde lanean ibilbidearen egituran lagundu; eta bakarka, hautatutako herriaren izena, marrazkia eta hitzak. 11 egun, milaka euskaltzale...4 solairutan bilduta! MARRAZKIAK HEMEN.



2022/03/14

PLASTIKAN HAINBAT LAN BILTZEN

 

Bigarren ebaluazioa amaitzen ari gara. Hainbat lan egin ditugu eta inauteriak igarota azken lanak biltzen hasi gara. Hemen dituzue lagin batzuk eta denak amaitutakoan google/argazkiak karpeta batean jasoko ditugu. Goiko hau Saturnoren koadroa da Rubensek egindakoa, Pradoko museoan dago gaur egun. Ariketa, arte lana aukeratu eta gif animatua sortu. Alana M.-k egin du.



M8 egunaren harira 1911 inguruko mexikar iraultza zapatista hartu dugu gaia eta Adelitak deituriko emakume gerrilariak marraztu ditugu inolako irudirik ikusi gabe, ez mugikorrik ez ordenagailurik ez dugu erabili, buruz egin ditugu marrazkiak. Bata Maren U.-rena da eta bestea Anna W.-rena.

M8 egunaren harira ere proportzioa eta testura landu ditugu Greta Garbo aktorearen argazkiaren erreprodukzioa handituta.


Animazioak eskuz marraztuta ere egin ditugu, geihenak Gimp software librea erabilita eta beste batzuetan mugikorreko hainbat aplikazio erabilita. Animazio hau Alaitz V.-rena da.

Errotua ere erabili dugu, tinta txinarrarekin batera, hainbat emaitza bilatzeko asmoarekin. Goiko hau June M.-rena da.


Munduan zehar digitalki bidaiatu eta hainbat hiri bisitatu ditugu...Londresen Nahia M. ikaslea egon da.



Inauteriak garaian hainbat lan egin ditugu, hala nola, kartel digitalak, objetuak, marrazkiak...
Dead Pool gaiarena Lore E.-rena da.










2022/02/24

INAUTERIAK PLASTIKAN: OBJEKTUAK ESPAZIOAN KOKATU.

 

Plastikan inauteriak girotzeko proiektuak egiten ditugu. Oraingo honetan talde lanari garrantzia eman eta objektu handiak sortu ditugu espazioan eragiteko, hain zuzen, korridorean hautatutako espazioan. Lau proiektu gauzatu dira 4. mailan: Titanic itsasontzia, mexikar txapela, Spiderman eta Lady Bug. Argazkiak ikusteko klikatu argazki handia.

Proiektuetako bat hautatu eta antzerki xume bat egin dugu 3. mailako talde batekin.





2022/02/20

IKONIZITATEA INAUTERIETAN: HIZKUNTZA PLASTIKOA


 Inauteriak aitzaki pertsonaiak irudikatzen ari gara mozorrotzeko ideiak izateko. Marrazkiak egiten. Irudiak. Helburua korridoreak inauterietarako girotzea eta ikusleak irudikatzeko modu berriak jasotzea da. Abstrakziora hurbilduz pertsonaiak irudikatu ditugu. Pertsonaiak ezagutzeko bere forma , koloreak eta ezaugarri nagusiak izan ditugu kontuan. Irudi guztiak ikusteko klikatu ondoko irudian. Ea asmatzen duzun zein den bakoitza...

2022/02/07

SOFTBODY. FISIKAK 3D EREMUAN: MALGUTASUNA


#blender software librea erabiliko dugu Plastikan animazioak egiteko 3D eremuan, eta kasu honetan simulazio fisikoak sortzeko. Oraingoan malgutasuna. Lehenik eta behin pilotaren ibilbidea gauzatzeko egitura sortuko dugu. Kuboak dira maldak sortzeko ertzak editatuta. Collision agindua dute. Pilota oraingoan ez da Rigidbody izango, softbody baizik. Malgutasuna izango du, hau da, talkaren ondorioz forma aldakorra izango du etengabe. Horretarako, parametroak definituko ditugu: airezko pilota den ala ez, zenbat presio duen, azalaren gogortasuna, boteak emateko ahalmena, hauskortasuna, grabitatearen indarra, haizearen indarra...aukera ugari izango ditugu. Hemen adibide xume bat duzue...

Blender 3.2 aurki dator eta garapena etengabea da 3D software honetan. Eskultura eremua asko garatu da. Bertan, oihalak lantzeko eta animatzeko aukera eta erreminta ugari sortu dituzte azkenaldian. Galiziako #PabloDobarro aritu da burubelarri horretan. Orain bere proiektuetan dabil eta ez dago Blenderren lanean. Oihalaren teknikak jarraituz dago eginda pilotaren animazioa, Jayanam bideoan ikusita, youtuben. Blender garatzeko eta laguntzeko komunitate handi bat dugu. Bideo hau egiteko laguntza gisa kanal hau izan dut kontuan youtube JAYANAM. #jayanam @jayanam

2022/01/30

3D EREMUAN FISIKAK.




3D eremuan, eta Blender software librea erabilita, gauza ugari egin daitezke: 2D eta 3D diseinua, arkitektura, ingeniaritza, simulazio animatuak, VFX efektu bereziak, marrazki bizidunak, animazioak, eta abar bukaezina...eta baita ere SIMULAZIO FISIKOAK.

Eszenako elementuen parametro fisikoak aldatu ahal

 izango ditugu: grabitatearen eragina, haizea,


objektuen masa, talkak, malgutasuna eta 

marruskadura indarra definituko ditugu, besteak beste.


Arloko hainbat gaietan garatu dezakegu fisika

 3D eremuan; batetik, geometrian bistak, diedrikoa


zein isometrikoa lantzeko; bestetik, fisika

oinarritutako animazioak zein efektu bereziak lantzeko


balioko liguke; azkenik, bideo-jokoetan txertatu ditzakegu ere.


Gurean, Plastikan, programazioan landutako

 proiektuetan erabilikodugu 3D eta 2D animazioa


horrela erabakitakoan, bideo edizio, irudigintza

 digitala erabili ohi ditugun moduan. Hauspoan 3D


ANIMAZIOA tailerra dugu jada abian eta

 fisikak erabilitako horrelako animazioak ere egingo


ditugu. Behin prozedurak bereganatuta sormenerako

 bide ugari irekitzen ditu.



2022/01/16

2D IRUDI BATEKIN 3D ESPAZIOA / BOLUMENA SENTSAZIOA LORTU.

 


XV.-XVI. mendeetako Errenazimentu garaian Koperniko eta Galileo nabarmendu ziren Eguzki-sistemaren inguruko arrazoiketa eta ikerketengatik. Inkisizioari ez zitzaion hori gustatu eta lehenengoaren lan zientifikoa debekatuta eta ezkutuan izan zuten 200 urtez eta bigarrena bere aurkikuntzak egia ez zirela aitortzera behartu zuten. Interesgarria zientzia eta erlijioaren arteko talka; sarritan gertatua, ikerketa-zientzia eta boterearen interesen bidegurutzea.

Pentsamenduaren eta jarreraren aldaketa garaiak izan ziren mende hauek. Gizakia eta zientzia guztiaren oinarri.

Artea ulertzeko eta arteak gizartean eragiteko duen funtzioa ulertzeko Berpizkundera hurbilduko gara. 2Dko irudi bat hautatuko dugu. #Gimp irudi editorearekin hautatutako irudia 3 iruditan zatituko dugu.




Ondoren #Openshot bideo editorean zoom hurbilketak egingo ditugu. Hau egiteko zati bakoitzaren eskala handituko dugu. Bai Gimp eta bai Openshot software librea dira, Ubuntu Linux sistema eragilea bezala.