MARRAK DANTZAN: 120 MARRAZKIKO ANIMAZIOA

(Maddi B.-ren marrazki batzuk.)

 

Kalkatuta, kopiatuta eta asmatuta. Musika eta dantza bideo zatia aukeratu eta 120 marrazkiko animazioa egiten saiatu gara, 12 marrazki segunduko, 10 segunduko animazioa. 

Musika eta dantza bideoak ezagutu, identifikatu, baloratu; ondoren, irudiak eta mugimendua analizatu, irudiaren hainbat konposizio elementu ezagutu eta analizatu; jarraian, prozesuaren atalak jarraitu; ondoren, marrazkiak sortu, hizkuntza plastikoak probatu, ikertu eta erabili marrazkiak sortzeko; eta, azkenik, animazioa sortu bideo formatoan eta baloratu.

(Olatz A.-ren animazioa).

Animazio guztiak hemen igoko ditugu, ikusteko KLIKATU.

 

(Malak E.)       (Ane Z.)

120 MARRAZKI: 10 SEGUNDUKO ANIMAZIOA.

 

Marrazkiak bata bestearen jarraian kokatuko ditugu dantzaren animazioa lortzeko. Segundu bakoitzean 12 marrazki jarriko ditugu. Orokorrean 24 irudi segunduko dira animazioak. A4 orrialdean 8na marrazki eginda, guztira, 15 orrialde marraztuko ditugu. Behin marrazkiei argazkiak aterata #openshot bideo-editore edo antzeko aplikazioetan DANTZAren bideoa osatuko genuke, musika eta guzti.

Iaz ere egin genuen, hemen.

2022an ere, klikatu.

1DBH PLASTIKA: ANIMAZIOAK GIF ERAKUSKETA DIGITALA.

 Hemen ikusgai 1DBHn Plastikan egindako gif animatuak.

UDAZKENA. PERRETXIKOAK PLASTIKAN.

 

HEZKUNTZA PLASTIKOAN, IKUSIZKOAN ETA IKUS-ENTZUNEZKOAN hasi gara martxan.

Perretxikoak marraztuko ditugu koloretan, jatekoak direnak eta toxikoak direnak ere. Koloretako arkatzekin marraztuko ditugu. Ondoren, irudi digitalak egingo ditugu perretxikoen bilduma osatzeko, berriz ere, webgunean publikatzeko. 

Digitalki ere, baina 3D diseinua erabilita, bilduma bera egingo dugu. Digitalki egindako dena doako software librearekin egingo dugu, erabiltzen dugun sistema eragilea bezala, Linux. Azkenik, ikastetxeko atarian bilduma itsatsiko dugu, eta buztinarekin egindako perretxikoak erakutsiko ditugu, marrazki-fitxekin batera.

 Hostoen ondoan egoten omen dira perretxikoak. Animazioak egiten ari gara udazkeneko hostoak aitzaki hartuta. Hemen adibide bat ikusgai eta lan guztiak HEMEN publikatuko ditugu.

Hezkuntza plastikoa. Plastika Lauaizeta.

23-24 ikasturtea hasi da. Uda amaitu da behin ikasturtea hasita. Udazkena.

Hezkuntza plastikoa, ikusizkoa eta 

ikus-entzunezkoa martxan dago.

Zer egingo dugu?

Koloreekin jardun, marraztu,

espazioak erabili, kanpora 

atera marraztera, argazkigintza,

eskultura, chroma,

metraje laburreko filmak,

arte kontzeptuala,

euskal kulturan murgildu,

perspektiba, land art,

3D animazioa,

software librea,

marrazki teknikoa, diseinu grafikoa, 

buztina landu, arte instalazioak,

sare sozialetarako irudi eta animazioak, 

kartelak, audio lanketak,

bideo edizioa, komikiak, filmak ikusi, 

musika entzun, panpinak egin,

tatoo digitalak, mozorroak eta karetak, 

arte adierazpenak bisitatu,

arte garaikidea ezagutu, abstrakzioa landu, 

ondo pasa eta abar.

IKASLEEN LANAK: DONOSTIAKO SUTE ETA SARRASKIA 1813.

 

Ikaslearen lana eta ideia ondo planteatuta izanda ere lan guztiak ezin izan dira bukatu:

DONOSTIAKO SUTE ETA SARRASKIA 1813.

Azterketa garaia, hutsegite justifikatuak eta denboraren mugak tarteko,

gora behera batzuk izan ditugu baina lan hauek aurkezteko modura iritsi gara.

#Blender 3D-ko software librea erabili dugu animazioaren oinarri. Ahalko genuke

animazio landuagoak egin gidoiak horrela eskatuko balu, baina baliabideak

eta denbora ez ditugu soberan.

Audioa #Openshot (software librea) bideo editorean erantsi diegu animazioei.

Soldadu eta kaleak #Gimp (software librea) irudi editorean landu ditugu.

JANARIAREN GARAPENA ETA ITXURA ALDAKETA. BLENDER 3D.

Janariari begira jartzen bagara egunetan konturatuko gara haren forma, kolorea eta testura aldatzen joango dela. Luze joko balu esperimentuak guztiz ustelduko da. Garapen horren simulazioak egingo ditugu 3D eremuan, #Blender software librea erabilita. Prozedura #SHAPE KEYS erabiltzea izango da.

Askotan egin izan dugu esperimentu hori patata hartu, zuritu, forma eman 

eta egunetan behaketa eginez.

Oraingoan digitalki eta 3D moduan.

ANIMAZIOA ESKUZ. "DANTZA 2021" ESKUZ ANIMATUA.

 

Ikasle bakoitzak ia 120 marrazki egin eta gero, animazio bakoitza jarraian elkartu eta “Dantza 2021” bideoaren eskuzko animazioa gauzatzea zen egitasmoa. Hemen ikusgai ariketaren planteamendua. Pasatako ikasturte amaierako festan Ane, Juan eta Alaitzek dantza emanaldi paregabea eskaini ziguten. Dantzaren bideoa hartu dugu eta ikasle bakoitzak zati bat aukeratu du. Zati hori segundoko 12 marrazkitan bihurtu du, 10 segundoan, 120 marrazki.

Marrazkiak arkatzez egin ditugu. Ondoren, errotuak erabili, tinta, eta marrazkiak estetikoki landu ditugu. Fase hori amaitutakoan hainbat teknika erabili ditugu marrazkiak bideoan bihurtzeko; hala nola, software libreko bideo editoreak, #Shotcut zein #Openshot; edo baita ere, mugikorretako aplikazioak, #Capcut batez ere.

Arazo teknikoak medio, ikasle batzuren 120 marrazkiak bide teknologikoan galdu zaizkigu; eta, bideoa osatu gabe geratu bada ere, azken emaitza balekoa dela uste dugu.

ANIMAZIOA ESKUZ EGINDA TALDE LANEAN.

 

Plastikako 4. mailan taldean proiektu erraldoia gauzatzen ari gara, gure herrialdean porlanarekin ohituta gauden moduan. 17 ikasle eta 17 animaziok osatutako animazio handia. Iaz ikastetxean ikasturteko azken egunean egindako jaian 3 ikaslek #dantza garaikidea egin zuten oholtzan eta hau izango da gure haria. Ikasle bakoitzak 120 marrazki egingo ditu, eta 12fps abiaduran, 10 segundoko animazioa. Dantza 17 zatitan banatu dugu, eta, proiektuan erotzen ez bagara, dantzaren bideoaren animazioa egitea da xedea.

 

 A4 orri zuria tolestu hainbat aldiz eta 8 zati lortuko ditu, hots, 8 marrazki. Ikasle bakoitzak 15x8 marrazki egingo ditu. 

 

Bideoa ordenagailuan erreproduzitu eta pause tekla erabiliz frame guztiak marraztu/kalkatuko ditugu arkatzez. Ondoren, arkatzezko marrazkiak hainbat neurriko errotuz birmarraztuko ditugu, modu librean eta diseinu askearekin. Marrazkiak amaituta, argazkiak aterako dizkiegu mugikorrarekin eta #Inkscape programan egokituko ditugu. Lana errazteko asmoz, mugikorrarekin ateratako irudi guztiei tamaina jaitsiko diegu. Behin irudi guztiak prest bideo editorera ekarriko ditugu irudi-sekuentzi moduan eta animazioa bukatuta egongo da. Guk #Blender programaren bideo editorea erabiliko dugu.

Goiko eredua egiteko erabilitako dantzaren bideoa #mixamo web gunekoa da. Web gune honetan 3Dko animazioak eta pertsonaiak daude modu librean deskargatzeko, nahiz eta #Adobe enpresak erositako tokia den.