GEOMETRIA ETA ILE ORRAZKERAK. 1DBH PLASTIKA.

 Koloreak bolumena irudikatzen laguntzen digu. Argiak kolorearen tonalitateak aldatuko ditu, hau da, kolorearen tonalitate horiak adibidez, hori argiagoak edo ilunagoak, hori garbiagoak edo nahastuagoak  izango  ditu, Kolorearen tonalitatea (zein kolore den), bizitasuna (kolore nagusiari zenbat hurbiltzen zaion, purutasuna) eta kolorearen argitasuna (gris kantitatea) erabaki dugu eta marrazkian ilearen bolumena irudikatzen saiatu gara, bitartez marrazten ondo pasatzen saiatu gara eta pertsonaiaren izaera adierazten ere saiatu gara. Marrazki guztiak ikusteko klikatu goiko irudian.

HONDARREKIN MARRAZTEN.

Nork ez du inoiz ketchuparekin 2 begi eta irribarre bat marraztu? Etxean jarraitzen dugun honetan etxeko gauzekin jarraituko dugu plastika garatzen. Kasu honetan marrazki bat egingo dugu. Nola? Gosariarekin mahai gainean geratu ohi diren arrastoekin, kakao hautsarekin, azukrearekin, zerealekin...Bazkarian jandako pureak utzitako hondarrekin egin dezaket marrazki bat platerean? Edo solomo, patata eta tomatearekin jan ondorengo hondarrekin? Interneten badituzue ideiak bilatzeko aukera; adibidez, goi mailako sukaldaritza deituriko platerrak. Piztu irudimena, marraztu platerrean, prest mugikorra eta  argazki bat bidali!

KLIKA KORRIKA 2019 MURALA LAUAIZETAN

KORRIKA BADATOR! Inauteriak prestatzen ari gara baina KORRIKA 2019 proiektua martxan jarri behar dugu. Beste gauzen artean ikastetxeko patioan mural handia egingo dugu KLIKA bideoa oinarri hartuta. Bideoan lantzen den gaia oso interesgarria iruditu zaigu: mestizajea, genero gaiaren protagonismoa, kultura eta musika berriak, askatasunaren ideia...

Ikusizkoen hezkuntza eta plastikaren aldetik murala egiteko metodologia irudia sintetizatu eta txantiloia erabiltzea izango da. Hori lortzeko, KLIKA bideoko protagonistak hartu eta formato handian kopiatuko ditugu paperean, kolorestatzeko zulatu eta, azkenik, pintura botatzeko tramankuluarekin murala osatuko dugu. Azken konposizioan pertsonai nagusiak elkarrekin izango dira murala osatuz.

• KLIKA bideoa ikusi eta talde txikietan pertsonaia aukeratu. Irudi kaptura egin eta GIMP programarekin koloretan sakabanatu.
• Proiektatu eta formato handian kalkatu paperean, 4 koloretan, 4 marrazki.
• 4 paperak zulatu marrazkiaren arabera.
• Paretean pintura bota tramankuluarekin marrazkia osatuz.

KOLOREA ALDATU ARGIAREN ARABERA

1DBH #Plastikan kolorea lantzen ari gara hamabost aldiro, 3D animazioarekin txandatuz. #Kolorea argiarekiko aldatzen da. Fenomeno hori islatzen saiatu gara. Telesail, zinema edo bideo-jokoetako pertsonaia aukeratu behar izan dugu. Youtuben pause sakatu ondoren, pertsonaiaren pantaila-argazkia atera dugu, eta argazki horretatik abiatuta orrian marraztu dugu eta koloreztatu, akuarela-arkatzekin. LANAK HEMEN.

ARTE GARAIKIDEA EZAGUTZEN: ARTE LAN ANIMATUAK

Artea ezagutu eta ulertu ahal izateko, ikasle bakoitzak hiru arte lan aukeratuko ditu; batetik, XX. Mendeko abangoardietako arte lan bat eta honekin animazioa egingo du. Horretarako, #Gimp irudi editore digitala #Ubuntu sistema eragilean erabiliko du. Animazioak zenbat eta esanahi gehiago orduan eta puntuazio altuagoa izango du; bestetik, kolore biziko(XX. mendekoa) eta kolore apaleko(XIV-XIX. mendekoak) bi lan hautatuko ditu eta 10 kolore sailkatuko ditu, zirkulu kromatikoaren ordenaren arabera, tenperaturaren arabera eta argiaren arabera.

EGIPTO. PROIEKTU LANA.

PIRAMIDEA

PIRAMIDEA 2

PIRAMIDEA 3

CLEOPATRAREN DESFILEA

MOMIA

MOMIA 2

MOMIA 3 

SARKOFAGOAK

 

MARTXOAK 8. HORMA-IRUDIA.

 

Martxoak 8 egunero da. Aurten, Lauaizeta ikastetxean lan taldea osatu da ikasle eta irakasleen artean. Lan taldeak proposatu du beste ekintzen artean horma-irudia egitea. Plastika arloan erronka jaso eta martxoak 8 egunean plastika saioa zuen taldeak ekin dio horman pintatzeari. Euskara horman itsasteko asmotan hitzak jarri ditugu, marrazki gehiagorik gabe. Argazkiak HEMEN.

MARRAZKIAK ETA BUZTINA. LANAK BILTZEN IKASTURTE AMAIERAN.

Ikasturtea amaitzera doa eta azken lanak egiten ari gara. Bakoitzak bere intimitatean hausnarketak eta balorazioak egingo ditu 15/16 ikasturteari buruz, eta guk hemen, modu publiko eta gardentasunez plazaratuko ditugu ekaineko suaren festaren egunean, gure balorazioak Plastika eta Ikusizkoen Hezkuntzan bizitutakoari buruz.

Bitartean lanak bildu eta publikatuko ditugu. Hasteko, 3dbhko marrazkiak, zuribeltz eta koloretan. Sormena bultzatuz, teknikak bereganatuz eta gaitasunei begira, prozesua dokumentatuz. Bai frutak, Gerrako hiri hautsiak, objektu zaharrak, etab. Lanak ikusteko KLIKATU

Bestetik, buztinarekin aritu gara 4dbhn. Lehenik, buztin lehorreko bolumenak hartu eta #Oteiza gaztea bezala “tallatzen”. Bigarrenik, buztin freskoa erabiliz bolumenak sortu ditugu, esanahi figuratiboak jarraituz. Lanak ikusteko KLIKATU.

Blogean joango gara arlo eta maila ezberdinetako lanak publikatzen.

DEGAS/VLAMYNCK. KOLOREAREN ANALISIA. 4 DBH PLASTIKA

#Koloreak erabiltzen ikasteko behaketa eta analisia egiten ari gara, IKTak erabiliz. Horretarako, bi artegile aukeratu ditugu: #Degas eta #De Vlamynck. Lehenengoak lana estudioan egiten zuen, errealismo kutsua ematen aurrean ikusitakoari, nahiz eta mugimendu itxura emate arren pintzelkada solteak erabili. Inpresionismoaren sortzailetako bat izango da. eta besteak, De Vlamynckek, inpresionisten bidea jarraituz, estudiotik kanpo egingo ditu artelanak. Faubismo mugimendu abangoardistaren barruan, koloreak bortizki erabiliz, kromatismo mugagabean eta pintzelkada askeaz. Paris munduko Arte gune garrantzitsuena da garai hauetan, eta #industri iraultzarekin batera, argazki makina asmatu da,  #abangoardiak bezala ezagutzen diren mugimenduen sorrera garaia da eta Arte garaikidearen ateak irekiz doaz...

10 lauki zuri artelanetik bildutako kolorez bete ditugu, kolore analisia eginez. Prozedura garatzeko #Inkscape software librea erabili dugu koloreak biltzeko eta Internet eta google artegileen lanak aukeratzeko.

ERAKUSKETA. TATUAJEAK ARTE LAN KLASIKOETAN

Erakusketa jarri dugu 4dbhko Plastikatik Lauaizetako bigarren solairuan. #Tatuajeak landu ditugu eta Arte lan klasikoetako pertsonaietan marraztu fotokopiaz baliatuz. Behin fotokopia eskuan, akuarelazko arkatzekin margotu ditugu, fotokopiaren argilunak lagun. Azkenik, markoa erantsi diegu, #Artelan klasikoaren(#googleArtproject) itxura berreskuratzeko. Lanak ikusteko klikatu irudian.

GURE IKASLE IZANDAKOEN JARRAIPENA: KONTZERTUA

Gure ikaslea izandako Ekaitz Tejedorrek diseinatu du honako Kartel hau. Dotorea. Ekaitz musikazale eta musikaria da, eta Kartela benetakoa denez, Errenterian izango den kontzertura gonbidatzen gaitu.

KOTXEAK TUNEATZEN. 3DBH DISEINUA

Egia esanda, talde langilea 3DBH Diseinuko taldea. Diseinu digitala landuz kotxeak internetetik deskargatu eta GIMP software librea erabiliz tuneatu ditugu. Klikatu irudian guztiak ikusteko.

UDAZKENA MIGRAZIOA HEGAZTIAK. 1DBH PLASTIKA ARTISAUTZA

1DBH #Artisautza hautazkoan bolumenezko hegaztiak egin ditugu eta ikastetxeko sabaitik eskegi. Irailean hasi ginen, marrazkiak eginez eta #migrazioko #hegaztiak ikertu eta aukeratzen. Gero, pausoz pauso, prozedurak garatuz joan dira, egituratik hasita azalaren kolore arte. Argazki guztiak HEMEN.

HORMAIRUDIA EGIAN. EUSKARAZ EGUNA. OLATUTALKAK 2016

#olatutalkak #EgiaEuskaraz Iaz parte hartu zuten ikasleek ere, Egiako Euskaraz Egunean eta Olatu Talkak ekimenean. Aurten, Hormairudia osatu dute, bigarren fasea pintatuz. Zorionak! ARGAZKI GUZTIAK HEMEN.

PRODUKTUAK BIRZIKLATZEN: PUBLIZITATE KARTEL DIGITALA

ARGAZKIAK (KLIKATU)

Produktuak birziklatzen eta diseinaitzen ari gara 3DBH DISEINUAN eta #PUBLIZITATE kanpañarako #KARTEL DIGITALA sortuko dugu produktuarekin. Software librea erabiliko dugu horretarako(Inkscape eta Gimp, Ubuntu Linux gainean) eta baldintza hauek jarraitu beharko ditu ikasleak gauzatzerakoan:

• KOLOREA kontuan izatea
  Monokromia, harmonia, kontrastea, bizitasuna, tenperatura,...
• IKASLEAK modelo gisa parte hartzea argazkian
  Produktuaren araberako erabilerarekin
• PUBLIZITATEAN orokorrean erabili ohi den erosketarako esaldia erabiltzea
  Edozein produkturentzat balio lezakeena(erosi, frogatu, eskaintza, hemen,...)
• PRODUKTUAREN berariazko esaldi deskriptiboa erabiltzea
  Tipografia kontuan izan produktuaren izaera eta merkatuarekiko
• IKUSIZKOEN HIZKUNTZA kontuan izatea
  Konposizioa, adierazpena, erritmoa, testura, argia,espazioa, izakera,...

ILUSTRAZIOA GAZTELERA ARLOKO TESTUENTZAT. LIBURUAREN ASTEA. 2DBH

#Liburuaren egunaren inguruan Gaztelera arlokoek elkarlanera gonbidatu gaituzte eta onartu dugu. Beraiekin, ikasleek testua aukeratu dute eta Plastikan ILUSTRAZIOA gehitu. Emaitzak, bukatu ahala, KLIKATUZ ikusi ahal izango dituzu. Plastikan lortu nahi izan diren helburuak hauek izan dira:

• Akuarela erabiliz, marrazkirako bide berriak irekitzea, nahiz eta marrazkiaren joan etorriaren(akuarela eta ur asko) kontrola, guztiz gure esku ez egon.
• Kromatikoki, akuarelak gardentasunean nahasten direlarik, aberastasuna bermatzea, monokromatikorantz hurbilduz eta naturan ez dauden koloreak frogatuz.
• Adierazpena indartzea, akuarelaren ura paperaz xurgatuz testura ezberdinak lortuz.

Erabili dugun papera A3 neurriko arrunta izan da, aurrekontuen erabilera jasangarriagatik. Akuarelazko papera erabilz gero, emaitzak hobeagoak izango lirateke(ikuspegi teknikotik).

PLASTIKAN ARKITEKTURA LANTZEN 2DBH

Arkitektura lantzen ari gara, talde lanean eraikin ezaguna maketa batean islatuz. Zerrendatu genituen 2 dozena, Euskal Herrikoak, eta zozketaz banatu. Ikasle taldeak interneten bilatu behar izan du eraikina eta non dagoen eta zein funtzio betetzen duen identifikatu. Ondoren, GoogleEarthen aurkitu du eta eraikina 3D moduan jarri ondoren( 3D Building geruza klikatuz), pantaila argazkiak atera dizkio, eraikina ondo analizatzeko. Goiko bista prestatu eta argazkia atera ondoren, PNG artxibo irudia #Inkscape programan inportatuko du eta oinaren marrazkia lortu. Irudi hori, talde lanean, formatu handiko kartoian marraztuko da.

Talde lanak ikasketa prozesua aberasten badu ere, tarteka, bakarkako lanak egingo ditugu. Taldeko partaide bakoitzak, taldearen eraikina marraztuko du arkatzez, eta ondoren akuarelaz koloreztatu.

 Horrela, bakoitzaren lanak, ikerketa eta behaketa lanak, ibilbidea aberastuko dio talde laneko egitasmoari.

Maketa helburu, oinaren ildotik hormak altzatuko ditugu eta teilatuarekin itxi. 

Hau dena egiteko erabiliko ditugun materialak izango dira: arkatz, erregela eta errotulagailuak planoa kartoi handian marrazteko. Kartoia, birziklatua, ona eta doan, maketaren oinarri eta egituraren material nagusia. Tenpera eta akuarelak maketa pintatzeko. Papera eta birziklatutako hainbat material, maketaren azken ukituak eskatuko balute.

Gero, hormak pintatu eta atonduko ditugu. Azkenik, denboraren arabera, ingurunea zehazten joango gara.

ARTE ABANGOARDIAK 4 DBH PLASTIKA

Inauteriak aitzakia mihise gaineko pintura egin dugu, koloretako tenperak, pintzelak eta bertikalki pintatuz, zutik horman pintatuz eta distantziara begiratuz. Mozorro aukeren artean, pertsonaia hautatu dugu pintatzeko. Prozedura, argiaren araberako kolorearen ñabardurak bilatzean oinarritu da, argitasuna eta itzaldurak kolorearen tenperatura bero eta hotzarekin konbinatuz. Pintzeladak, askea izatean, adierazpena areago dezake eta lasaiago pinta dezakegu, ikuspegia urruntzean, hurbiletik zakarra dirudienak, urrunetik ongi funtzionatzen baitu, kasuak kasu.

Kolorea modu askean eta adierazpen maila asko indartuz jardun duen Arte mugimenduetatik aitzindarietakoa Faubismoa izan da. Analisi lana egin behar dugu orain. Ikasle bakoitzak abangoardiako Arte mugimendu bana aukeratuko du eta bizpahiru irudiz baliatuz ahozko azalpena emango du. Irudi hauek eta esteka parea ikasleak norberaren Blogean publikatuta izango du.

IKUSI GEHIAGO IKASTEKO ABANGOARDISMOAREN ADIERAZPENAK WIKIPEDIAN

INAUTERIAK PINTATZEN. 4DBH PLASTIKA

ARGAZKIAK HEMEN

3 eta 4 DBH Plastikan #marrazkia eta #pintura uztartuko ditugu #inauteriak gaiari heltzeko. Propagandako egutegi erraldoiak hartu eta birziklatu ditugu mihise moduan funtziona dezaten. Ikasleak, banaka edo taldeka, interneten nabigatuko du eta pertsonaia aukeratu beharko du mozorroa marrazteko. Behin irudia aukeratuta, mihisean marraztuko du, marrazkia kokatuz eta ardatz nagusiak zein puntu interesgarrienak markatuz. Tekniken artean hautatu behar da ondoren: tenpera, collage ala biak nahastuta. Hortik aurrera, lana egin eta disfrutatzera. 

ZIRKULU KROMATIKOA. KOLOREA.

Argiluna landu dugu arkatzez, boligrafoz eta azkenik akuarelaz, 2DBH plastikan. Argiluna landu ondoren eta kolorea beti lan guztietan presente dagoenez, KOLOREAREN SAILKAPENAK ETA TEORIA landuko dugu, ZIRKULU KROMATIKOA eginez.

Bai Gimpen eta bai Inkscapen milioika kolore klik batera.

Kolore gurpila saguarekin mugitu eta koloreak bilatu.

Koloreak zurira eta beltzera eralda daitezke.

Gama kromatiko guztia. Ñabardura, saturazio eta argitasuna kontuan izanik.

Ikasleak jolasean kolorearen teoriaren kontzeptuak beregana ditzake. Armonia eta kontrastea kolore argitasunaren arabera, eta baita ere, kolorearen tenperatuararen arabera, kolore hotzak eta beroak konbinatuz.

Kolore nagusietatik bigarren mailako eta hirugarren mailako koloreak lortzeko ehunekoak erabil daitezke.

Software librea eta oso indartsua, aurrerakoia, euskaraz dagoena. Argi koloreak zein pigmentu koloreak bereiztuz(CMYK). 

IKT baliabideak informazioa azkar eta modu dinamikoan partekatzeko aukera ematen du. Internet liburutegi digital zabala eta irekia.

Kolorearen teoria ikastea nahiko atsegina da ikasleentzat eta erraz barneratzen dute. Zirkulu kromatikoa egitea atsegina gertatzen zaie. Blog sarrera honetan, zirkulu kromatikoa nola egin azaltzen saiatuko gara, IKT baliabideak aplikatuz eta ikaslearengan aukera guztiak irekiz: paperean gauzatutako zirkulu kromatikoa egingo dugu, pigmentu kolore moduan. Horretarako ikasleak tenpera, koloretako arkatzak, akuarela eta aldizkariekin collage teknikak aukera ditzake. Baina, lehenago ikasleak kolorearen teoria nagusia bilatuko du wikipediara edo beste webgunetara joz. Behin teoria irakurrita Gimp eta Inkscape programak erabiliz, modu digitalean, kolorearen sailkapena eta nahasketa ezberdinak ikertuko ditu, klik pare bat eginez, kolore gurpilak begiratuz. Dena argi eta garbi ulertutakoan, musika ona jarri eta eskuz pintatzera...

Hurrengo bideoaren azpitituluak euskara, gaztelera eta inglesa hizkuntzetan aukera daiteke.