HIZKUNTZA PLASTIKOA. OREKA.

 

Hainbat adierazpen modu daude. Adierazpen artistikoa artistaren ideia edo kontzeptu bat komunikatzeko edo adierazteko beharrari ematen zaion erantzuna da nolabait; pertsona horiek ikusleekin partekatu nahi dute hori, adierazpen artistiko ororen hartzaile anitzek dituzten edo egiten dituzten erantzun, irakurketa eta erantzunetatik harago.

Jendeak pentsa dezake adierazpen artistikoa arte plastikoetara bakarrik mugatzen dela, baina artea ez da horretara bakarrik mugatzen, baizik eta kontzeptu bat, estilo bat, fikzioko pertsonaia bat, ikuspegi berezi bat irudikatzeko balio duen orotara ireki daiteke.

Irudimenezko espazioak, sortzeak, komunikatzeko modu gisa, gizakiaren sakontasunik sakonena barne hartzen du beti.

Plastika eta Ikusizkoen Hezkuntzaren ikuspegitik adierazteko hiru modu nagusi ditugu; Batetik, ideia edo ikusten dugunaren errepresentazioa, figuratiboa edo espresionista; Bestetik, kontzeptua helburu hainbat formatutan aurkeztutakoa; Eta azkenik, hizkuntza plastikoaren garapenean diharduen prozedurarena.

Ariketa nahi den formatuan gai bat emanda zerbait ARTISTIKOA egin eta aurkeztea: marrazki, irudi, argazki, pintura, eskultura, instalazio, audio, antzerki, bideo, eta abar. Gaia: OREKA.

3D TESTURAK ANIMATZEN 2. BLENDER ETA PBR IRUDIAK.

Physically based rendering (PBR) sistema 3D munduan errealismo handiko testura lortzeko modu egokiena da. Edozein HD (high definition) irudi PBR moduan bada, hainbat iruditan deskonposa daiteke: objektuaren testura nagusia (egurra, harria, zeramika, belarra, landarea. etab.), normal (erliebe itxura gehituko diona), roughness (zimurdura), etab.

Blender software libreak PBR erabiltzea ahalbideratzen du. EEVEE motorra erabilita objektuen testura itxura, argia eta itzala une berean ikus ditzakegu. Displace eraldatzailea erabiliko dugu testuraren erliebea areagotzeko eta eraldatzailearen eragina alda daitekeenez, animazioa horrela sortuko dugu.

IPRENTSA. 24. ALEA SAREAN DA!

Lauaizeta ikastetxeak 8 urte darama IPRENTSA aldizkari digitala ekoizten.
Ikastetxean egindako proiektuak, bizitako pasadizo eta uneak islatzen
dituen eremua da aldizkari hau. Kazetaritzako atalak jorratzen ditu eta
horretan laguntzeko iprentsa hautazkoak lan asko egiten du. Beste mintegi
guztietatik egindakoak publikatzen dira: ariketak, hausnarketak, iritziak,
proiektuak, ekitaldiak, eta abar. Bitartez, sarean dabilenak,interesa duenak,
bisita dezake euskaraz egindako Lauaizetako aldizkari digitala. Hiruhilero
egiten dugu. 2012an sortu genuen, denon artean, 0 zenbakia. Azken hau
24 zenbakia da, 25. alea. Oporrak ondo pasa!

MARRAZKIAK

Plastika eta Ikusizkoen Hezkuntzaren barnean marrazkia ideia lantzeko tresna bihurtu da. Zaila da, gaur egun, marrazkia paperean izatea proiektu plastikoaren azken emaitza. Ideia da ardatza eta helburua, eta hau gauzatzeko hainbat hizkuntza eta euskarri aukera ditzakegu.

18/19 PLASTIKA HAUTAZKOAK

Blog honetan ikus ditzakezu urteetan eginiko lanak, Lauaizetan eskainitako Plastikako mintegiari dagozkion hautazkoei buruz jakiteko.

ARTE GARAIKIDEA EZAGUTZEN: ARTE LAN ANIMATUAK

Artea ezagutu eta ulertu ahal izateko, ikasle bakoitzak hiru arte lan aukeratuko ditu; batetik, XX. Mendeko abangoardietako arte lan bat eta honekin animazioa egingo du. Horretarako, #Gimp irudi editore digitala #Ubuntu sistema eragilean erabiliko du. Animazioak zenbat eta esanahi gehiago orduan eta puntuazio altuagoa izango du; bestetik, kolore biziko(XX. mendekoa) eta kolore apaleko(XIV-XIX. mendekoak) bi lan hautatuko ditu eta 10 kolore sailkatuko ditu, zirkulu kromatikoaren ordenaren arabera, tenperaturaren arabera eta argiaren arabera.

3DBH. MOZORRO DIGITALAK.

Inauteriak joan dira, Martxoak 8 ere eta Korrika badator. Mozorro festa herri guztietan ospatzen dugu, Tolosan nola ez, eta modu berezian Nafarroan. Guk plastika arloan txertatzen dugu gaia eta hainbat modutara landu izan dugu. Oikoena, zinema eta musika eremuko pertsonaiez mozorrotzea da, modu digitalean. #Gimp irudi editore librea erabiliz, kopiatu eta itsatsi eginez. Ñabardura, saturazioa, distira eta kontrastea, kolore-balantzea, eskala, kokapena eta biraketa lantzen ditugu, beste gehiagoren artean. Lanak ikusteko KLIKATU.

SAREAN EUSKARAZ ZER BERRI 3. ZER OTE DA ARTE GARAIKIDEA?

#ZER DA ARTE GARAIKIDEA? liburua aurkeztera natorkizue. #Txemi Valdecantos, 2014.

Beste behin aurkitu dugu sarean eta euskaraz atalerako altxorra. Euskaraz hitz egin gutxi eta irakurri bat ere ez egiten duten gazteen artean goza dezaten. Ikasleentzat zuzendutako liburua da, Arte Garaikidea ulertzeko gakoak argitzen dituena. Zenbatek baztertzen du Artelan bat ulertzeko lanik hartu gabe? Zenbat aldiz marrazteko erraza edo zaila den eztabaida antzuarekin bueltaka? Bazter guztietan dabilen ume horrena, “ume batek egin lezake”...Lauaizetakoek liburutegian daukazue zain, merezi du...

IKUS-ENTZUNEZKO TAILERRA.IET: ESZENAK GRABATZEN

Eszenak egiten hasiko gara, talde lanean eta ardurak banatuz: aktoreak, soinu efektuak, musika, argiaren trataera, interpretazioa, bideo grabaketa, post-produkzioa, azpitituluak, publikazio eta dibulgazioa. Pausoak:

• Grabaketa estudioan edo kalean: bideoa, chroma, audioa zuzenean, plano egiturak
• Edizioa: bideoa(openshot), audioa(audacity, openshot), azpitituluak( inkscape/openshot, youtube, plastikabloga,...sare sozialak eta ikastetxeko webgunea

CYBER ROBOTA 3DBH DISEINUAN

Oporretatik bueltan 3DBH DISEINUAN egingo dugun proiektuaren aurkezpena doakizue hemen. #Blender Fundazioaren lan itzela goraipatzeaz gain, komunitatearen partekatze lan aberatsa aipatu behar da, software 2.0 eta copyleft filosofiarekin. Honako laburmetraia gaia izanik zera egingo dugu: eszena bat, alienigena edo cyber robotarekin partekatuko duen gizakiaren eszena, asmatutako gidoiarekin, fase hauek egitasmo berdinean uztartuz...chroma eszenak, robotaren diseinua eta animazioa, musika eta audio efektuak eta muntaiaren publikazioa youtuben, titulu eta abarrekin.

Duela 2 urte, #3DBH Diseinuan ere, froga egin genuen #chroma eta Blender erabiliz, gizakia eta espazio ontzien arteko abenturak. Hemen ikus dezakezue froga

TATUAJEAK ARTE LANETAN. 4DBH PLASTIKA

#Degas artistaren Artelana da hau. Internetetik irudia jaitsi eta gimpen I #LOVE PLASTIKA jarri diogu tatuaje gisa bizkarrean.
#Inpresionismoa mugimenduaren partaide.

Ikasleak Artelana aukeratu beharko du Interneten nabigatuz: #googleartproject, etab. Erabiliz.

A3 formatoan inprimatuko dugu zuri eta beltzean eta harkatz, boligrafo edo tintaz TATUAJEA ERANTSIKO DIOGU.

#Nikolas Amiard sortzaileak egin du horrelako lana eta beste ikasturteetan tatuajeak digitalki landu baditugu ere, Nikolasen lanaren ANTZEKOA egitera goaz.

LAUAIZETA GAMES: JOKOEN PLATAFORMA

#BLENDER eta #SCRATCH erabiliz lehenengo bideo jokoak sortzen hasi gara 3DBH DISEINUA ikasgaian. Orduak eta izerdiak etxean botatzea beharrezkoa da horrelako egitasmoa aurrera eramateko. Interneten aurki daitezke erraz, #youtuben batez ere, joko hauek sortzeko bideotutorial eta jarraibideak. Behin ideia edukita, proiektua norberak eraman behar du aurrera eta #irakaslearen lana, bidea erraztea izango da, koordinatzea, aholkatzea. Proiektu eta ideia bakoitzak berariazko arazo, ideia eta ezaugarriak garatuko ditu. Denak antzekoak, denak ezberdinak.



Emaitzak baditugu. Plataforma sortzea falta zaigu jokoak txertatzeko, jendeak erabil ditzan. Laster publikatzea da gure nahia. Hiru sortuak daude, jada,  bi Blender erabiliz eta bat Scratch programarekin. Egileak 3DBHko Joseba Oncala, Gorka Arriola eta  Martin Castro. Agian gehiago buka ditzakegu.



2DBHko #IKUS-ENTZUN Tailerrean Jokoen Plataformaren Titulu animatua sortzen ari gara. Saguzaharraren #GIF animatua da eredua...

SANTO TOMAS TXISTORRA POSTUA LAUAIZETA 2015 PLASTIKA LANEAN

Abenduak 18 honetan, oporrak, eta 21ean Santotomas festa eguna Euskal Herriko bazter guztietan. Txistorra eta azoka, txerriari begira. Udazkena joan eta harrera neguari. Erlijiorik gabeko eguna izen erlijiosoarekin. Lauaizetako 4dbhkoak han izango dira, Donostiako santoto jaietan murgildurik, txistorra postua jarrita, Gipuzkoa plazan. Animatu eta azaldu bertara! Iaz postu dotoreenaren saria jaso genuen, ea aurten ere irabazten dugun. Hemen bertarako prestatu dugun muntaia... Argazkiak ikusteko klikatu

COLLAGE TEKNIKA: ARGILUNA ETA FORMA. 4DBH PLASTIKA.

Collage teknika XX. mendearen hasieran erabiltzen hasi zen Picasso, besteak beste. Teknika honek testura, forma eta euskarri materialak modu azkar eta berezian uztartzen ditu. Lortzen diren emaitzak, askotan nahi gabekoak, indartsuak dira DBH garaian marraztera ohituak diren ikasleen artean. Trazutik aska gaitezke eta planoekin konbinatuz aukera anitzak eskura ditzakegu azken konposizioaren bila gabiltzala.

Lanpara aitzakia, collage teknika erabiliz konposizioak bilatu nahi izan ditugu, 3 kolore nahastuz eta argiluna eta formen arteko nahasketekin lana burutuz. Lan guztiak, beti bezala, IRUDI BILDUMA atalean daude ikusgai.

IPUIN DIGITALA PRESTATZEN: PELIKULETAN SARTU. 1DBH PLASTIKA

IIpuin digitalak egiteko asmoarekin, eszenak egiterakoan sormena aberasteko youtubetik hartutako pelikula zatietan sartu gara chromak eginez, #openshot #software librea erabiliz. Marrazkiak egiten ari gara, eszenak eta pertsonaiak marrazten, nahiz eta Euskara arloan oraindik ez duten ipuina garatu. #IKTak ematen dizkiguten baliabideak erabiliz, azkarragoa da eszenak marraztu beharrean, Interneten bilatu eta aukeratzea. Ikasleak pelikulan sartzerakoan, ondo pasatzen dute, antzerki apur bat eginez eta landutakoa errazago barneratzen dute. Gainera, audioa, plano ezberdinak, erritmoa eta narrazioak partekatzen ditugu denon artean, horrela, denok gehiago ikasiz.

Azkenean, istorioa Euskara arloan definitzen dutenean, ipuin digitala bihurtzeko, euskarri egokiena erabiliko dugu. SCRACHT programarekin aurreikusi dugu. Beste aukera GIF animatuak eta BIDEO EDIZIOA nahasturik egitea izango da. Eszenak eta pertsonaiak gure marrazkiak izango dira.

BIDAIAK EGITEA BETI DA ABERASGARRIA. 1DBH ARANTZAKO ATERPEAN.

Azken ikasturteetan bezala, urriak 14-15-16 egunetan, Arantzako Aterpera joan gara 1DBH ia 100 ikasle eta dozena erdi irakasle, 2 egun igarotzera, Nafarroako txoko horietan barneratu eta elkar hobeto ezagutuz ondo pasatzera. Urte amaierako Iprentsan, abendukoan, honi buruz jardungo dutelakoan ez gara hemen luzatuko...
1DC taldeen argazkiak ikusteko (Mikelen Tableta)...KLIKATU

XX. MENDEKO ABANGOARDIAK

 

XX. mendeko #Arte #abangoardiak ezagutzeak gure hizkuntza plastikoaren aukerak aberasten lagunduko digu. Argazki makina asmatu zutenean, Industri Iraultzarekin batera, bide berriak ireki zituen Arte adierazpen eta mugimenduetan. Bide berriak jorratzeko aukerak ireki zituen eta Artearekiko gogoetak biderkatzen joan ziren. XIX. mendeko iraultzek eta gizarteak jo zituen aldaketak XX. mendean zehar, bide egin zuten aldaketak geroz eta bortitzagoak izan zitezen: errusiar iraultza, gerrate mundialak, ekonomia eboluzioak, etab. Guk, Arte abangoardiak ezagutzeko erreproduzituko ditugu, koloretako arkatzez kopiatuz eta analisi eta hausnarketak sortuz. Gehiago ikasteko KLIKATU artelanen tituluretan eta #Wikipedia entziklopedia digitalera eramango zaitu, dagokion gaira...

1 ABSTRAKZIO LIRIKOA. KANDINSKY

2KUBISMOA

 3 KONSTRUKTIBISMOA

 4 EXPRESIONISMO ABSTRAKTOA. DRIPPING

 5 DADA

 6 POP ARTEA

 7 SURREALISMOA

 8 CHRISTO

 9 DADA

 10 EXPRESIONISMOA

 11 FUTURISMOA

12 MINIMAL

                                 

 13 MIRO

 14 FAUVISMOA

 15 NEOPLASTIZISMOA

 16 POP ARTEA

 17 KLEE

 18 KUBISMOA

63 DONOSTIAKO ZINEMALDIA ETA IRUDI DIGITALA

Inguruan bizi dugunarekin lan egiteari interesgarria deritzogu. Egunerokotasuna ezagutu eta ulertu. Europan gertatzen ari den giza migrazioen gaiari heldu aurretik, Donostiako Zinemaldiarekin ere hasi dugu ikasturtea 3DBH Diseinu hautazkoan. Twitter erabiliz gero @sansebastanfes Lehenengo lana Donostia eta Zinema uztartuz digitalki irudi berria sortzean datza, Gimp software librea erabiliz.

erabilitako irudiak google ruditik

PROIEKTUKA LANEAN: PLASTIKA 4 DONOSTIAKO ZINEMALDIAN

Proiektua xede lan egingo dugu. Donostiako Zinemaldiak garrantzi eta oihartzun handia duenez hautatu dugu proiektuaren ardatz gisa. 

Donostia Sariak ikertuko ditugu zinema genero eta zinema gaiak ikasteko hari gisa. DBH-ko ikasleak ezin dute adinak ematen duen zinemaren ikuspegi ezberdinak ikusi eta ikasteko, baina ardatz batzuk ikastea garrantitsua izan liteke. Gaitasunak eskuratuko ditu ikasleak proiektuan barneratu ahala. Giza-Artea gaitasuna landuko du Zinemari buruzko ikasketan eta proiektuaren inguruan aztertu eta bereganatuko dituen hizkuntza plastiko eta ikusizkoen hezkuntzari dagozkion atalak: formatua, teknikak, kolorearen trataera, testura, konposizioa, adierazpena, etab. IKT gaitasuna eskuratuko du diseinu eta konposizio softwarea erabiliko duelako, web eremuan murgildu eta euskarri digitalean arituko delarik. Hizkuntza-komunikazioa gaitasuna landuko du ere, irakurri eta entzundako informazioa jaso eta landu ondoren idatzizko lanak ekoiztuko dituelako, neurri txikian, baina ondorioztatutako hausnarketa eta analisiekin (wikipedia eta antzekoetatik jaso eta norberaren blogean publikatuz). Autonomia gaitasuna landuko da ikasle bakoitzak bere lana ikertzeko orduan eta hartutako arduren kudeaketan. Ikasleak lan desberdinak egingo ditu, hala nola, mapa digital interaktiboak, Donostia eta pelikula, korronte, aktore, garai eta zinemagile ezberdinak munduan kokatzeko, azaltzeko eta elkar lotzeko. Mapa kontzeptualak, marrazkiak, kartelak eta multimedia ariketak.

Hau egiten dugun bitartean, paraleloki, Arte Garaikidea zer ote den argitzen saiatuko gara Plastika gelan, modu zorrotz eta dibertigarrian eta emaitzak ikasleak blogean publikatuko ditu, GIF animatuetan. 

Egingo ditugun ariketak:

• Marrazki Teknikoa: angeluak eta paralelotasuna
• Kolorearen tenperatura, argitasuna eta ñabardurak. Youtube, Gimp eta Inkscape programak erabiliz
• Artearen Historia: Neoplastizismoa, Picasso eta Rubens
• Paisaiaren marrazkia koloretan eta buruz eginda
• Paisaiaren lanketa ordenagailuz lagunduta
• 3D Diseinua Blender programa erabiliz
• Marrazki argia eta bolumena landuz tintaz
• Informazio bilketa eta sintetisazioa Zinema gai hartuta, berariazko web guneak eta wikipedia erabiliz, azkenik Blogean publikatuz
• Giza erretratoa, Zinemako Donostia sariak eta besteak
• Bistak eta isometrikoa. Oteizaren eskultura analizatu, eskuaira eta kartaboiez, zein Blender programa erabiliz
• Mapa interaktiboa talde lana bultzatuz, aurretik sortutako lanak txertatuz

Erabiliko dugun softwarea, librea eta zoragarria: 

HELBIDE ETA ESTEKA BATZUK:

• http://www.blender.org/
• https://www.google.com/culturalinstitute/project/art-project
• https://inkscape.org/en/
• http://www.gimp.org/
• http://librecad.org/
• https://www.libreoffice.org/
• http://www.ubuntu.com/
• http://www.openshot.org/
• http://audacityteam.org/
• etab...

ARGAZKI LEHIAKETA: ARKITEKTURA. 2DBH PLASTIKA

Arkitektura lantzen aritu gara eta ia ez gara ikasgelatik atera, lan eta lan, birtualki ez bada izan. Bada garaia, udaberria lagun, hortik zehar ibiltzeko. Horretarako, argazki lehiaketa baina hobeagorik? Lehiaketa, baldintzak zehazteko da. Norberak bere buruarekin duen lehia baino ez dugu sustatu nahi. Elkarrekin ibiliko gara, elkarren arteko lana eta laguntza beti bultzatuko dugu. Denon artean, bozketa antolatu eta argazki hoberenak hautatuko ditugu, hiru guztira, maila bakoitzeko. Mugikorrak erabiliko ditugu argazkiak ateratzeko eta bi bakarrik bidali behar dira mikelplastika@gmail.com helbide elektronikora. Horrela: ikasleak Lauaizetan duen postatik, IZENBURUAREKIN eta maila adieraziz...1 ARKITEKTURA 2 DONOSTIA HIRIA. Aste honetan joango gara, eguzki ala euri, argazkiak atera eta bidali. Ondoren, oinez ala Mugirekin, Lauaizetara buelta.

ARGAZKIAK HEMEN