IKTak PLASTIKAN: GORDE HONELA ALA ESPORTATU HONELA.

 Lanak digitalki ordenagailuan  egiterakoan fitxategiak GORDETZEA oso garrantzitsua da. Hori egiten badugu proiektuaren atal guztiak, egindako lan guztia, une oro eralda dezakegu, ñabardurak berrikusi, hainbat parametro aldatu, proiektua hautsi gabe. Behin erabaki dugunean publikatu edo norbaiti bidali behar diogula, orduan ESPORTATUKO dugu eta fitxategi unibertsaletan, hau da, edonon, berariazko programarik gabe irakurri edo irekiko direnak: dokumentuak .pdf, irudiak .png eta bideoak .mp4.

LAUAIZETA BEGIRADAK NAZIOARTEKO ZINEMALDIAN.

#BEGIRADAK Nazioarteko Zinemaldia martxan da, jada. Sevilla, Madril, Brasil, Donostia eta beste txokoetako lanak izango ditugu ikusgai. #IKERTZE-k antolatzen du. Epaimahaiak aurkeztutako filmen artean batzuk hautatu eta proiektatzen ditu egun hauetan, Trueba antzokian eta Aquariumean. Hainbat atalen artean eskola mailan egindakoak daude ere eta Lauaizetako lan bat hautatu dute, bigarren hezkuntza mailan. Metraje laburreko film hau duela hiru urte egin genuen 3. DBH mailan, Diseinu hautazkoan. Ikasturte amaieran ikusi ahal izan genuen Intxaurrondoko Kultur Etxean, beste lanak, musika eta antzerkiarekin batera. Batxilergoa eta Zikloak egiten ari dira egileak gaur egun: Joseba Oncala, Gorka Arriola, Martin Castro eta Xabier Cuellar. 2. zatiaren zain gauden bitartean, berrikusi dezakegu filma HEMEN.

LAUAIZETAKO POPCORN TIME

 
Argazki kamera asmatu baino lehen pinturazko erretratuak egiten ziren. Hori da ideia. Horrelakoak aukeratu eta liburu, telesail, film eta antzerki kartelak sortu ditugu, gure aurpegiak txertatuta. #Gimp irudi editorea erabili dugu, #ubuntu sistema eragilean (#software librea/opensource). Bilduma osoa ikusgai duzue hemen.

18/19 PLASTIKA HAUTAZKOAK

Blog honetan ikus ditzakezu urteetan eginiko lanak, Lauaizetan eskainitako Plastikako mintegiari dagozkion hautazkoei buruz jakiteko.

IKUS-ENTZUNEZKO TAILERRA. EFEKTU BEREZIAK.

Chroma efektua erabiliko dugu, koadro animatuak egiteko. Hasteko, gidoia egingo dugu; jarraian, gaztelu edo jauregiaren bideoa aurkitu eta deskargatuko dugu; hura egindakoan, oihal berdearen gainean geure buruak grabatuko ditugu, koadroan txertatzeko; azkenik, #openshot bideo editorea erabiliko dugu bideoak uztartu eta azken lana burutzeko; nola ez, azken lanari musika, izenburua eta gainerako zehaztasunak erantsiko dizkiogu.

PALEOLITOA. PROIEKTUA ELKARLANEAN. TALDE LANA.

Paleolitoa lantzen hasi gara #Plastika arloan Gizarteko mintegiarekin elkarlanean. 4, 3 eta 2 DBHko beste taldeek hainbat proiektu landuko dituzten bitartean, 1DBH taldeetako ikasle bakoitzak #Euskal Herriko lau kobazulo nagusietatik hartutako marrazki bana erreproduzituko du eta #Lauaizeta ikastetxeko korridoreetako hormetan itsatsiko ditugu. #Historiaurrea ezagutuko dugu pixkat, marrazkiaz baliatuz, wikipediaz eta #Ekainberri bisitatuz, #birtualki eta bertaratuz txangoa eginez. Lau kobazuloak hauexek dira:

• #Ekain
• #Altxerri
• #Santimamiñe
• #Izturitze

Ikasle bakoitzari lau kobazuloetako irudi bana esleituko zaio. Ordenagailuan aurkitu eta, berriz irudikatuz, koloretako marrazkia gauzatu eta izendatuko du. Ondoren, sailkatutako kobazuloaren irudi-errenkadan kokatuko du eta itsatsiko du neurri handiko zelofana erabiliz.

3 DBH A taldeak, #trikuharri eskultura egingo du, kartoia birziklatuz, talde lanean. #Oteizaren eskultura megalitikoaren teoria aztertuko dugu.

4 DBH taldeak, korridore zatia hartu eta kobazuloan bihurtuko du. Bertan, sabaia estalaktitaz josia izango da, bolumenak paperez eginda. Hormetan harri testura koloreztatuko da eta animalien marrazkiak ere agertuko dira. Espazio sakonera irudikatuko da, hormetako papera marraztuz, argia egokituz eta audioa gehituz: ur tantak- #txalaparta, giza ahotsak- #Laboaren musika, animalien ahotsak eta abar.

O

1 DBH artisautza taldeak, lehortutako buztin zatietan fosil eta antzinako objektuak erliebean zizelkatuko ditu.

Ikasleen lanak ikusgai hurrengo estekak klikatuz:

• 1DBH plastika. Kobazuloetako pinturak. 
• 4DBH plastika. Kobazuloa.

IKUS-ENTZUNEZKO TAILERRA.IET: ESZENAK GRABATZEN

Eszenak egiten hasiko gara, talde lanean eta ardurak banatuz: aktoreak, soinu efektuak, musika, argiaren trataera, interpretazioa, bideo grabaketa, post-produkzioa, azpitituluak, publikazio eta dibulgazioa. Pausoak:

• Grabaketa estudioan edo kalean: bideoa, chroma, audioa zuzenean, plano egiturak
• Edizioa: bideoa(openshot), audioa(audacity, openshot), azpitituluak( inkscape/openshot, youtube, plastikabloga,...sare sozialak eta ikastetxeko webgunea

GURE IKASLE IZANDAKOEN JARRAIPENA: KONTZERTUA

Gure ikaslea izandako Ekaitz Tejedorrek diseinatu du honako Kartel hau. Dotorea. Ekaitz musikazale eta musikaria da, eta Kartela benetakoa denez, Errenterian izango den kontzertura gonbidatzen gaitu.

SAREAN ETA EUSKARAZ ZER? BERRI ETA IRADOKIZUNAK 2

#TabakaleraArte garaikidearen Zentroa martxan dago dagoeneko, nahiz eta eragile batzuk eta espazio ezberdinak ez dauden oraindik bistan. #Arte garaikidea ulertu eta hausnarketak egitea erraza ez bada ere, hemen murgiltzera gonbidatuak gaude, donostiar, gipuzkoar, euskaldun eta munduko nahi duen oro. Gune dinamikoa izaki, garaian garaiko momentu, jende, proiektu eta espazioak erritmo eta helburuen arabera izango dira besteak baino emankorrago eta aberatsagoak. Eraikin berrituan, bisita dezakezue barneko mamia , nahi aldiz, Donostiako #Egia auzoan, merezi du. Bere #webguneak erakusten digu, hilabetero, proiektuen xede eta datak.

ARTE BILDUMA: GIF ANIMATUAK 4DBH PLASTIKAN

#GIMP edizio grafikoa egiteko software librea erabili dugu lan hau egiteko. Arte lan famatuak ezagutzeko asmoarekin, hauetako bat aukeratu eta animatu dugu GIF moduan, geruzak bikoiztuz eta aldaketak eginez...Oraingoz 4 lan daude bukatuta....KLIKATU

IPUIN DIGITALA PRESTATZEN: PELIKULETAN SARTU. 1DBH PLASTIKA

IIpuin digitalak egiteko asmoarekin, eszenak egiterakoan sormena aberasteko youtubetik hartutako pelikula zatietan sartu gara chromak eginez, #openshot #software librea erabiliz. Marrazkiak egiten ari gara, eszenak eta pertsonaiak marrazten, nahiz eta Euskara arloan oraindik ez duten ipuina garatu. #IKTak ematen dizkiguten baliabideak erabiliz, azkarragoa da eszenak marraztu beharrean, Interneten bilatu eta aukeratzea. Ikasleak pelikulan sartzerakoan, ondo pasatzen dute, antzerki apur bat eginez eta landutakoa errazago barneratzen dute. Gainera, audioa, plano ezberdinak, erritmoa eta narrazioak partekatzen ditugu denon artean, horrela, denok gehiago ikasiz.

Azkenean, istorioa Euskara arloan definitzen dutenean, ipuin digitala bihurtzeko, euskarri egokiena erabiliko dugu. SCRACHT programarekin aurreikusi dugu. Beste aukera GIF animatuak eta BIDEO EDIZIOA nahasturik egitea izango da. Eszenak eta pertsonaiak gure marrazkiak izango dira.

PRODUKTUAK BIRZIKLATZEN: PUBLIZITATE KARTEL DIGITALA

ARGAZKIAK (KLIKATU)

Produktuak birziklatzen eta diseinaitzen ari gara 3DBH DISEINUAN eta #PUBLIZITATE kanpañarako #KARTEL DIGITALA sortuko dugu produktuarekin. Software librea erabiliko dugu horretarako(Inkscape eta Gimp, Ubuntu Linux gainean) eta baldintza hauek jarraitu beharko ditu ikasleak gauzatzerakoan:

• KOLOREA kontuan izatea
  Monokromia, harmonia, kontrastea, bizitasuna, tenperatura,...
• IKASLEAK modelo gisa parte hartzea argazkian
  Produktuaren araberako erabilerarekin
• PUBLIZITATEAN orokorrean erabili ohi den erosketarako esaldia erabiltzea
  Edozein produkturentzat balio lezakeena(erosi, frogatu, eskaintza, hemen,...)
• PRODUKTUAREN berariazko esaldi deskriptiboa erabiltzea
  Tipografia kontuan izan produktuaren izaera eta merkatuarekiko
• IKUSIZKOEN HIZKUNTZA kontuan izatea
  Konposizioa, adierazpena, erritmoa, testura, argia,espazioa, izakera,...

2DBH PLASTIKA PROIEKTUKA LANEAN: KOMIKI BIDEOAK

Komiki bideoa 2DBH Plastikan egiten ari garen proiektu lana da. Elkarrizketa bidez Hizkuntza gaitasuna lantzen da, bideokameraren aurrean taldeak landu duen istorioa hitzez kontatu behar dute. Matematika gaitasuna landuko dute ikasleek, geruza desberdinekin lan egitean, bideo eta irudi klipak x eta y ardatzean antolatzerakoan, gardentasunaren ehunekoak kalkulatzerakoan eta dimentsioak, garaiera, zabalera zein denbora parametroak lantzerakoan. Giza Arte zientziak eta Hiritartasuna gaitasunak lantzen ditugu, komikiaren istorioa kokatzean, garai ezberdinak eta gizarte eredu eta egoerak ikertu eta erabiltzean. Ikasten ikasi eta autonomia gaitasunak lantzen dira, etxean interneten ikerketa lana egin behar izan dutelako, istorioaren haria garatzeko eta behar dituzten edukiak aurkitzerakoan. IKT gaitasuna nola ez, asko lantzen dugu proiektu honetan, egitasmoa azaldu eta jarraitzeko Plastikako bloga erabiliz, lanak bertan publikatuz, audio berriak sortuz, audio narrazioak eta musika, audioa/bideoa/irudiak internetetik jaitsiz, testu digitalak, irudigintza eta bideogintza digitala, dokumentazioa eta filmografia, diseinu grafikoa, bideo edizioa eta postprodukzioa, etab luzea...Honako programak erabiliz: dirpy, savefrom, audacity, gimp, inkscape, openshot, libreoffice-xuxen, pantailakapturatzailea/ubuntu, googleearth, dafont, blender, firefox/chromium,...

KULTURAZ ABERASTU, KULTURA BILATU

ZIRKULU KROMATIKOA. KOLOREA.

Argiluna landu dugu arkatzez, boligrafoz eta azkenik akuarelaz, 2DBH plastikan. Argiluna landu ondoren eta kolorea beti lan guztietan presente dagoenez, KOLOREAREN SAILKAPENAK ETA TEORIA landuko dugu, ZIRKULU KROMATIKOA eginez.

Bai Gimpen eta bai Inkscapen milioika kolore klik batera.

Kolore gurpila saguarekin mugitu eta koloreak bilatu.

Koloreak zurira eta beltzera eralda daitezke.

Gama kromatiko guztia. Ñabardura, saturazio eta argitasuna kontuan izanik.

Ikasleak jolasean kolorearen teoriaren kontzeptuak beregana ditzake. Armonia eta kontrastea kolore argitasunaren arabera, eta baita ere, kolorearen tenperatuararen arabera, kolore hotzak eta beroak konbinatuz.

Kolore nagusietatik bigarren mailako eta hirugarren mailako koloreak lortzeko ehunekoak erabil daitezke.

Software librea eta oso indartsua, aurrerakoia, euskaraz dagoena. Argi koloreak zein pigmentu koloreak bereiztuz(CMYK). 

IKT baliabideak informazioa azkar eta modu dinamikoan partekatzeko aukera ematen du. Internet liburutegi digital zabala eta irekia.

Kolorearen teoria ikastea nahiko atsegina da ikasleentzat eta erraz barneratzen dute. Zirkulu kromatikoa egitea atsegina gertatzen zaie. Blog sarrera honetan, zirkulu kromatikoa nola egin azaltzen saiatuko gara, IKT baliabideak aplikatuz eta ikaslearengan aukera guztiak irekiz: paperean gauzatutako zirkulu kromatikoa egingo dugu, pigmentu kolore moduan. Horretarako ikasleak tenpera, koloretako arkatzak, akuarela eta aldizkariekin collage teknikak aukera ditzake. Baina, lehenago ikasleak kolorearen teoria nagusia bilatuko du wikipediara edo beste webgunetara joz. Behin teoria irakurrita Gimp eta Inkscape programak erabiliz, modu digitalean, kolorearen sailkapena eta nahasketa ezberdinak ikertuko ditu, klik pare bat eginez, kolore gurpilak begiratuz. Dena argi eta garbi ulertutakoan, musika ona jarri eta eskuz pintatzera...

Hurrengo bideoaren azpitituluak euskara, gaztelera eta inglesa hizkuntzetan aukera daiteke.