PROIEKTUKA LANEAN: PLASTIKA 4 DONOSTIAKO ZINEMALDIAN

Proiektua xede lan egingo dugu. Donostiako Zinemaldiak garrantzi eta oihartzun handia duenez hautatu dugu proiektuaren ardatz gisa. 

Donostia Sariak ikertuko ditugu zinema genero eta zinema gaiak ikasteko hari gisa. DBH-ko ikasleak ezin dute adinak ematen duen zinemaren ikuspegi ezberdinak ikusi eta ikasteko, baina ardatz batzuk ikastea garrantitsua izan liteke. Gaitasunak eskuratuko ditu ikasleak proiektuan barneratu ahala. Giza-Artea gaitasuna landuko du Zinemari buruzko ikasketan eta proiektuaren inguruan aztertu eta bereganatuko dituen hizkuntza plastiko eta ikusizkoen hezkuntzari dagozkion atalak: formatua, teknikak, kolorearen trataera, testura, konposizioa, adierazpena, etab. IKT gaitasuna eskuratuko du diseinu eta konposizio softwarea erabiliko duelako, web eremuan murgildu eta euskarri digitalean arituko delarik. Hizkuntza-komunikazioa gaitasuna landuko du ere, irakurri eta entzundako informazioa jaso eta landu ondoren idatzizko lanak ekoiztuko dituelako, neurri txikian, baina ondorioztatutako hausnarketa eta analisiekin (wikipedia eta antzekoetatik jaso eta norberaren blogean publikatuz). Autonomia gaitasuna landuko da ikasle bakoitzak bere lana ikertzeko orduan eta hartutako arduren kudeaketan. Ikasleak lan desberdinak egingo ditu, hala nola, mapa digital interaktiboak, Donostia eta pelikula, korronte, aktore, garai eta zinemagile ezberdinak munduan kokatzeko, azaltzeko eta elkar lotzeko. Mapa kontzeptualak, marrazkiak, kartelak eta multimedia ariketak.

Hau egiten dugun bitartean, paraleloki, Arte Garaikidea zer ote den argitzen saiatuko gara Plastika gelan, modu zorrotz eta dibertigarrian eta emaitzak ikasleak blogean publikatuko ditu, GIF animatuetan. 

Egingo ditugun ariketak:

• Marrazki Teknikoa: angeluak eta paralelotasuna
• Kolorearen tenperatura, argitasuna eta ñabardurak. Youtube, Gimp eta Inkscape programak erabiliz
• Artearen Historia: Neoplastizismoa, Picasso eta Rubens
• Paisaiaren marrazkia koloretan eta buruz eginda
• Paisaiaren lanketa ordenagailuz lagunduta
• 3D Diseinua Blender programa erabiliz
• Marrazki argia eta bolumena landuz tintaz
• Informazio bilketa eta sintetisazioa Zinema gai hartuta, berariazko web guneak eta wikipedia erabiliz, azkenik Blogean publikatuz
• Giza erretratoa, Zinemako Donostia sariak eta besteak
• Bistak eta isometrikoa. Oteizaren eskultura analizatu, eskuaira eta kartaboiez, zein Blender programa erabiliz
• Mapa interaktiboa talde lana bultzatuz, aurretik sortutako lanak txertatuz

Erabiliko dugun softwarea, librea eta zoragarria: 

HELBIDE ETA ESTEKA BATZUK:

• http://www.blender.org/
• https://www.google.com/culturalinstitute/project/art-project
• https://inkscape.org/en/
• http://www.gimp.org/
• http://librecad.org/
• https://www.libreoffice.org/
• http://www.ubuntu.com/
• http://www.openshot.org/
• http://audacityteam.org/
• etab...

GURE MARRAZKIAK KARTEL BATEAN BERERABILITA

#gureetxea eta #janintx egistamorako Intxaurrondoko Kultur Etxean egindako erakusketako gure marrazkiak erabili dituzte kartel hau egiteko

EKITALDIRAKO PIZTIAREN BERRIAREN JARRAIPENA

Azken 2 urteetan Intxaurrondoko Kultur Etxean egin izan dira ikasturte amaierako Ekitaldi Kulturalak: 1dbhko antzerkia, 2dbhko bertso saioa eta maila ezberdinetako musika eta dantzak. Aurten Plastikatik ere parte hartu dugu, ikus-entzunezko edukiekin eta guztiaren haria jarraitzeko aurkezle-antzerkiarekin...

Ekitaldi osoa ekaineko Iprentsan publikatuko da. Hemen, guri zegokigun PIZTIA-ren kazetari lanaren zatia publikatuko dugu. Interaktiboa da, bolumena aldatzen joan beharko duzu eta...

Oporraz gozatu!!!

ARGAZKI LEHIAKETA. IRABAZLEAK. 2DBH PLASTIKA

ARGAZKIGINTZA.Gaztelugatxe(Mikel Rodriguez).

Mundakan izan ginen 2DBHko ikasleak, “bungalof!?”-etan antolaturik, eta itsasontzian ibili, Gernikan egon, eta Urdaibai ikusiz gain, primeran pasa genuen. 

ARGAZKIGINTZA.

Momentuak sortzen dira: 

Kitarra soinuak prestatzen ikastetxean edozein bazterretan...

Zintzilik dagoen kasleren bat...

Uxue eta Martinen urte betetzeak, piruleta urdinak banatu, Soumyaren elastikoaren kolorea....marrazten Sagastieder Plastika orduetan...

ARGAZKI LEHIAKETAREN IRABAZLEAK

2A, 2B eta 2Dk iritzia eman dute eta irakasleak azken erabakia erabiliz hauek dira irabazleak. 

Aitor Elias

Joseba Oncala

Iker Moreda

 Nora Iturrioz

Joane Barreiro

 Kepa Guerra

3D ANIMAZIOA ETA BIDEOA MUGIKORRAREKIN. 2DBH PLASTIKA

3D landu dugu ikasturtean zehar kartoia, papera, kola eta alanbrea erabiliz. Baitare argiluna landuz, kolore zein zuribeltzean. Espazio ontziak diseinatu ditugu digitalki 3D moduan, #Blender software librea erabiliz. Programa honekin landu dugu espazioa eta tridimentsionalitatea ere karanbola zirkuitoak egiteko. Mugikorrarekin bideoak egin ditugu gainean espazio ontziak hegan jartzeko, bideo edizioaren laguntzaz. Ikasturte amaiera heldu da eta lan asko egin dugunez, indar gutxirekin iritsi gara. Ondorioz, zera adostu dugu: eredua ikusi, ulertu, ikasle baten espazio ontzia publikatu eta hurrengo ikasturtean animazio osoa egin(3 minutukoa).

KAMISETAREN DISEINUA. 3DBH PLASTIKA

Kamiseta diseinatuko dugu. Nola? Modu digitalean. Baldintzak hauek dira: musikaria gaia eta karikatura izatea.

#GIMP erabiliz, internetetik deskargatutako irudiaren karikatura egingo dugu, DESITXURATZEA agindua erabiliz. Ikasle bakoitzak, erabaki behar du, karikaturaen desitxuratze faseen egituraketa: kopeta, hilea, sudurra, etab...pertsonaiaren arabera.

Behin, karikatura egindakoan, IRAGAZKIAK atalean GMIC plugina erabili eta eskuzko marrazki itxura emango diogu.

Ondoren, eta GIMP erabiliz, irudiaren silueta egingo dugu.

Kamiseta bat internetetik deskargatu eta INKSCAPE inportatuko dugu. Bertara, karikaturaren silueta ekarriko dugu.

Bukatzeko, DAFONT webgunea erabiliz tipografia aukeratu eta diseinua burutuko dugu.

HORMAIRUDIA EGIAN. EUSKARAZ EGUNA. OLATUTALKAK 2016

#olatutalkak #EgiaEuskaraz Iaz parte hartu zuten ikasleek ere, Egiako Euskaraz Egunean eta Olatu Talkak ekimenean. Aurten, Hormairudia osatu dute, bigarren fasea pintatuz. Zorionak! ARGAZKI GUZTIAK HEMEN

ZER IKASI DUGU? EBALUAZIO ETA ANALISIA. 4DBH PLASTIKA

Ikasturtea amaitzera doa. Ikasleak zer ikasi duten galdetzeko ordua, hausnarketa, analisia, ebaluazioa eta ondo pasatako momentuen oroitzapenak. Jarduera batzuk ondo ateratzen badira ere, batzuetan, faktore ezberdinak medio, gaizki ateratzen dira. Energia positiboa eta negatiboaren arteko talka. POP ART eta diseinu digitala uztartuz planteatutako jarduera hau adibide egokia izan daiteke. Ikasturte batzuetan erantzun ona jaso zuen eta aurten, ordea, ez. Italiara ikas bidaia egin aurretik, Firenze eta Venezia, bertako Arte adierazbide ospetsuetakoa erabiliz, Brunnelleschiren kupula, irudi saiakerak egitea zen ariketa, Andy Warholen ikonoen lanketa moduan.

HAUTAZKOAK AUKERATU 201516 IKASTURTERAKO

HAUTAZKOAK aukeratu behar dira. Informazioa ahalik eta gehien izate arren, hoberena da azken ikasturteetan egindako lanen ibilbidea ikustea. Horretarako, bisitatu blog hau eta ETIKETAK erabiliz maila eta eremu ezberdinak sailkatu daitezke>

• 2DBH ikusentzun

• 3DBH diseinua
  
  

• 4DBH plastika
  
  

ESPAZIOA ETA FORMAK LANTZEN> PARAMETRO FISIKOAK. #BLENDER

Donostian zehar argazkiak ateratzen ibili ondoren, #Blender programa erabiliz jardun gara. Espazio tridimentsionala landuz, esfera, prisma, plano eta beste formak eraldatuz, mugituz eta biratuz. Konposizioa diseinatu dugu,karanbolak eginaz pilota zuloan sartzeko. Horrela gerta dadin, grabitatea eta antzeko parametro fisikoak erantsi dizkiegu elementuei. 

ARGAZKI LEHIAKETA: ARKITEKTURA. 2DBH PLASTIKA

Arkitektura lantzen aritu gara eta ia ez gara ikasgelatik atera, lan eta lan, birtualki ez bada izan. Bada garaia, udaberria lagun, hortik zehar ibiltzeko. Horretarako, argazki lehiaketa baina hobeagorik? Lehiaketa, baldintzak zehazteko da. Norberak bere buruarekin duen lehia baino ez dugu sustatu nahi. Elkarrekin ibiliko gara, elkarren arteko lana eta laguntza beti bultzatuko dugu. Denon artean, bozketa antolatu eta argazki hoberenak hautatuko ditugu, hiru guztira, maila bakoitzeko. Mugikorrak erabiliko ditugu argazkiak ateratzeko eta bi bakarrik bidali behar dira mikelplastika@gmail.com helbide elektronikora. Horrela: ikasleak Lauaizetan duen postatik, IZENBURUAREKIN eta maila adieraziz...1 ARKITEKTURA 2 DONOSTIA HIRIA. Aste honetan joango gara, eguzki ala euri, argazkiak atera eta bidali. Ondoren, oinez ala Mugirekin, Lauaizetara buelta.

ARGAZKIAK HEMEN

PRODUKTUAK BIRZIKLATZEN: PUBLIZITATE KARTEL DIGITALA

ARGAZKIAK (KLIKATU)

Produktuak birziklatzen eta diseinaitzen ari gara 3DBH DISEINUAN eta #PUBLIZITATE kanpañarako #KARTEL DIGITALA sortuko dugu produktuarekin. Software librea erabiliko dugu horretarako(Inkscape eta Gimp, Ubuntu Linux gainean) eta baldintza hauek jarraitu beharko ditu ikasleak gauzatzerakoan:

• KOLOREA kontuan izatea
  Monokromia, harmonia, kontrastea, bizitasuna, tenperatura,...
• IKASLEAK modelo gisa parte hartzea argazkian
  Produktuaren araberako erabilerarekin
• PUBLIZITATEAN orokorrean erabili ohi den erosketarako esaldia erabiltzea
  Edozein produkturentzat balio lezakeena(erosi, frogatu, eskaintza, hemen,...)
• PRODUKTUAREN berariazko esaldi deskriptiboa erabiltzea
  Tipografia kontuan izan produktuaren izaera eta merkatuarekiko
• IKUSIZKOEN HIZKUNTZA kontuan izatea
  Konposizioa, adierazpena, erritmoa, testura, argia,espazioa, izakera,...

3D DISEINUA ETA ANIMAZIOA: BLENDER

Korrupzioa dela eta eraikin batzuk ilegalak dira, kostatik hurbilegi egoteagatik, edo babestutako eremuetan eraikitzeagatik...Arkitektura lantzen gauden honetan, espazioa landuz eta #blender erabiliz, eraikinak bota ditugu.

Indar dinamikak landuz, jolasean, "domino efektua" edo "tximeleta efektua" delako fenomenoen saiakerak egin ditugu, espazio tridimentsionala ikertuz eta konposizioak frogatuz.

PRODUKTUAK DISEINATZEN. BIRZIKLAPENA

Kontsumo giroan murgilduta bizi garenez, produktuak diseinatzera jo dugu. Produktuak eta euskarriak hauek eraman edo gordetzeko. Etxean hasten da gure esku dagoen lana. #Birziklatuko ditugun ontzi eta poto guztien artean 3 aukeratuko ditugu eta Plastikara ekarri: neurri, forma eta material ezberdinekoak izango dira. Lanean hasteko, kafe kapsulen kaxak beste produktuan bihurtu ditugu. Lanak HEMEN.

ILUSTRAZIOA GAZTELERA ARLOKO TESTUENTZAT. LIBURUAREN ASTEA. 2DBH

#Liburuaren egunaren inguruan Gaztelera arlokoek elkarlanera gonbidatu gaituzte eta onartu dugu. Beraiekin, ikasleek testua aukeratu dute eta Plastikan ILUSTRAZIOA gehitu. Emaitzak, bukatu ahala, KLIKATUZ ikusi ahal izango dituzu. Plastikan lortu nahi izan diren helburuak hauek izan dira:

• Akuarela erabiliz, marrazkirako bide berriak irekitzea, nahiz eta marrazkiaren joan etorriaren(akuarela eta ur asko) kontrola, guztiz gure esku ez egon.
• Kromatikoki, akuarelak gardentasunean nahasten direlarik, aberastasuna bermatzea, monokromatikorantz hurbilduz eta naturan ez dauden koloreak frogatuz.
• Adierazpena indartzea, akuarelaren ura paperaz xurgatuz testura ezberdinak lortuz.

Erabili dugun papera A3 neurriko arrunta izan da, aurrekontuen erabilera jasangarriagatik. Akuarelazko papera erabilz gero, emaitzak hobeagoak izango lirateke(ikuspegi teknikotik).

BLENDER. DISEINUA 3D: AULKIA

4DBH Plastikan #Marrazketa Teknikoa landu dugu: arku kapaza, bistak, eta angeluen eragiketak. #Diseinua 3D programa librea den #Blender paregabea erabiliz aulkia sortu dugu 20 minututan, azalpenak tarteko.

PLASTIKAN ARKITEKTURA LANTZEN 2DBH

Arkitektura lantzen ari gara, talde lanean eraikin ezaguna maketa batean islatuz. Zerrendatu genituen 2 dozena, Euskal Herrikoak, eta zozketaz banatu. Ikasle taldeak interneten bilatu behar izan du eraikina eta non dagoen eta zein funtzio betetzen duen identifikatu. Ondoren, GoogleEarthen aurkitu du eta eraikina 3D moduan jarri ondoren( 3D Building geruza klikatuz), pantaila argazkiak atera dizkio, eraikina ondo analizatzeko. Goiko bista prestatu eta argazkia atera ondoren, PNG artxibo irudia #Inkscape programan inportatuko du eta oinaren marrazkia lortu. Irudi hori, talde lanean, formatu handiko kartoian marraztuko da.

Talde lanak ikasketa prozesua aberasten badu ere, tarteka, bakarkako lanak egingo ditugu. Taldeko partaide bakoitzak, taldearen eraikina marraztuko du arkatzez, eta ondoren akuarelaz koloreztatu.

 Horrela, bakoitzaren lanak, ikerketa eta behaketa lanak, ibilbidea aberastuko dio talde laneko egitasmoari.

Maketa helburu, oinaren ildotik hormak altzatuko ditugu eta teilatuarekin itxi. 

Hau dena egiteko erabiliko ditugun materialak izango dira: arkatz, erregela eta errotulagailuak planoa kartoi handian marrazteko. Kartoia, birziklatua, ona eta doan, maketaren oinarri eta egituraren material nagusia. Tenpera eta akuarelak maketa pintatzeko. Papera eta birziklatutako hainbat material, maketaren azken ukituak eskatuko balute.

Gero, hormak pintatu eta atonduko ditugu. Azkenik, denboraren arabera, ingurunea zehazten joango gara.

KORRIKA 19. MARTXAN, LAUAIZETA MARTXOAK 22 GOIZEKO 9 ALDERA