3DBH DISEINUA: KULTURA ASTEA 2012. KARTELA

Data zehatza jakin aurretik, maiatzak 21-25 izango delako, diseinu grafikoa maiatzean ospatu behar dugun Kultura Asteko kartela landu dugu, Aurtengoan Euskal Kirola da gaia. Lanak ikusgai 3DBH-ko ikasleen blogetan dituzue. Hemen jarraian ikus ditzakezuen lanak Abaldek egin dtu, maisutasun handiz eta software librekoa den Gimp irudi editatzaile progama erabiliz.

4DBH PLASTIKA.DISEINU GRAFIKOA: MOZORROEN APLIKAZIOAK

 Martxoak aldera bukatu genituen eta ikasleen blogetan ikusgai egon badira ere, hemen dituzue adibide pare bat, inauteriak zirela eta ikastetxean mozorroak pentsatu, eskulanean mozorroak egin, mozorrotu, argazkia atera eta ordenagailuz eta GIMP irudi editorea erabiliz eginiko DISEINU GRAFIKOKO aplikazioren bat: liburu azala, kartela,...Denak ilusgai PICASAko Plastikako betiko LANAK gunean...

DISEINUA 2D ETA 3D:SOFTWARE LIBREA

LIBREOFFICE programa ofimatikako programen bilduma da OPENSOURCE komunitateak garatua, doanekoa eta oso ondo funtzionatzen duena. Aurrerapenak eginez marrazki teknikoa lantzeko, oraingoz 2D-n lan egiteko bakarrik, baina DBH-rako oso egokia den programa dakarkigu hemen, LIBRECAD. Hau ere doan eta eskuragarri. Windowsen edo Linuxen erabil dezakezu, instalatzeko oso erraza. Libreoffice euskaraz dagoen moduan, Librecad oraindik ez...pena!

Behin 3D diseinua eta animazioa lantzeko opensourceko beste programa ospetsua erabiliko dugu: BLENDER. Objektuak diseinatu, barne diseinua, arkitektura eta animazioa gure esku...pixkat ikasi eta puska dibertitu!

4 DBH PLASTIKA PAISAIARI BEGIRA

Irudimena eta marrazkia. Nahiz eta edozein hizkuntza plastiko erabili, nahiz eta garrantzitsua den marrazteko modu eta kontzeptu “esteriotipatuak” gainditzea, ulerterraza eta atsegina den marrazki “arruntera” itzuli gara ariketa honetan. Irudi lagungarririk gabe, “buruz” pentsatu eta marraztu: fondoa marroia, lehenengo marrazkia beltzez eta gero zuriz. Formatua A3 baina handiago.

MUSEOAK BIRTUALKI BISITATUZ

Museoak Artea hiltzeko lekuak omen dira diote batzuek. Besteek, Bilboko Guggenheim kasu, intelektualarena egin pixka bat, inguruneaz gozatu, piperrik ulertu ez, argazkiak atera eta oporrak biribildu. Ikertzaileak berriz esan dezakete bertan biltzen diren lanak gizarteari hurbiltzeko, ideiak zabaltzeko, lanak ulertzeko baliagarriak direla. Administrazioarekin loturik presupuestoak direla, politika, itxura, diru estalketa, nahasketa, interes pribatuak, hel diezaiokegu analisiari ikuspuntu ezberdinetatik.
Museoak museo sarrerarik ordaindu gabe, interneteko kuotaz gain, bisita ditzakegu museo mordo bat on line gaudenez artproject egitasmoan. Pena ez dagoela euskaraz. Bertan, arte lan ugari ditugu ikusgai, erresoluzio handiaz, eta museotik barrena joan gaitezke birtualki bisitatuz. Azkenetakoa jarri dutena Bilboko ArteEderretako Museoa da.

4 DBH PLASTIKA. AZKEN TXANPA IKASTURTEA AMAITZEKO

KAIXO BISITARIAK!

Esan bezala Plastikan IKT inguruan lanean aritzeko softwareen zerrenda jarriko dizuet. Ia denak 2.0, copyleft edo creative commons dira, libreak. Hauek jaisteko, instalatzeko edo zer eta zertarako diren sakontzeko google bilatzailean jarri eta aukera pila izango dituzue. Bestela lasai galdetu...

• CAMSTUDIO: pantailakoa grabatzeko.
• GIMP: irudiak egin eta argazkiak ere editatzeko.
• INKSCAPE: maketatu eta sormena modu bektorialean.
• COMIC LIFE: komikiak erraz egiteko.
• LIBREOFFICE: testuak prozesatzeko.
• XUXEN: testuak euskaraz zuzentzeko, luzapena.
• BLENDER/SKETCHUP/3DMAX: 3D diseinua eta animazioa
• AUTOCAD: marrazki teknikoa ordenagailuz, 2D eta 3D
• FLASH: animazioak web eremurako.
• VOZME: testua audio bihurtzeko.
• AUDACITY: audioa sortu eta editatzeko.
• MOVIEMAKER: bideoa editatzeko.
• YOUTUBE: bideoak bilatu eta online gordetzeko.
• A TUBE CATCHER: youtube-tik bideoak jaisteko.
• X MEDIA RECODE: artxibo motak aldatzeko.
• 7-ZIP: konprimitzailea.
• PICASA: irudiak on line gordetzeko.
• DOCS: dokumentuak elkarrekin landu, on line gorde, aurkezpenak, galdera sortak,...
• PREZI: aurkezpenak on line egiteko.
• IMPRESS: aurkezpenak egiteko.

NOLA LANDU GAITASUNAK PLASTIKAN

2 DBH IKUSENTZUNEZKO TAILERRA

3 DBH DISEINUA CINEMAGRAPH LANTZEN

3 DBH DISEINUA GIF ANIMATUAK ETA KARTELGINTZA

Uzta jasotzeko garaia heldu zaigu, ez nota jartzearena bakarrik. Lan guztiak dira errespetagarriak  baina lan txukunak benetan gustura dasta daitezke behin eta berriz. Hemen ditugu adibide 
batzuk...

4DBH PLASTIKA MOZORROAK

En Tolosa inauteriak...!!! zioen Kortaturen abestiak. Hemen, Donostian ere ospatu ditugu. Kartel, laburmetrai , antzerki edo bideojokoaren azala diseinatuko dugu, eskulanez baliatuz eginiko mozorro irudiekin. Argazkiak betiko LANAK GUNEAN. Ondo pasa lanean!!

Pere Marquès: Ponencia cursos de verano EHU. El buen uso de las TIC en el aula

Pere Marquès: Ponencia cursos de verano EHU. El buen uso de las TIC en el aula

Análisis:Las TIC en el aula, adecuàndonos a los tiempos, supone una ayuda en el aprendizaje, siempre que se garantice el control del aula respecto al alumnado, tanto de disciplina como de motivación. En un centro con su correspondiente infraestructura y mantenimiento, con apoyo de los gestores y responsables, las TIC nos traen un sin fin de posibilidades para el aprendizaje en el aula. Con inmensa información a un clic de distancia, que disponiendo de recursos didácticos los convertimos en contenidos y competencias adquiridas. Con mètodos que ayudan a compartir, impulsar la autonomìa, la transparencia en la evaluación, pueden ayudar a lograr los objetivos académicos de un modo más fácil, útil y eficaz, disminuyendo el fracaso escolar y ayudando a dar soluciones a la diversidad.

PLASTIKA

AIETEKO BAKEAREN ETXEA

Giza eskubideak errespetatzea eta bakea lortzea gurean hain beharrezkoa zaigunean, Aieteko Bakearen Etxetik lehiaketak eta erakusketak antolatu dituzte gai hauen inguruan. Arte kontzeptuala haria izanik gai hauek landu ditugu. Talde lanean, aurrenik ideiak pilatu, ideiei jira eta bira sintesia aurkitu arte. Ondoren, irudiari lotu eta A3-ko formatura egokitu, argazkiari garrantzia emanez.

4 DBH GIZA IRUDIA LANTZEN

Bigarren ebaluazioaren azken txanpan sartu garen honetan lanak aurkeztu eta bakoitzak bere blogean publikatzeko garaia heldu da. Aieteko Bake Etxetik luzatutako gonbitea dela eta programazioa zertxobait aldatu dugu, baina tira, dena egiten saiatuko gara. Giza eskubide eta bakearen inguruko lanak asteazkenerako amaituko ditugu. Aurpegiena, zintzilik daude Picasako betiko gunean. Mozorroa egiten hasiko gara eta etxean egin behar ziren argazkiak ere blogera igo...

3 DBH 2 EGUN MAULEN

Argazki guziak biltzen ditugunean adostuko dugu nori dagokion Mauleko bidaiaren kronika idaztea. Bitartean argazkiak jasotzen joango gara...

Mauleko gazteluan ostegun arratsaldean

 Egoitza gauez eta flasha erabili gabe, igertzen da ezta?

 Joan etorriko eskailera maitea...

Mendi bueltaxka ostiral goizez...

2 DBH IKUS ENTZUN TAILERRA: ANIMAZIOA

Bi lan egin behar ditugu. Batetik, paper eta kartulinaz marrazkiak egin, moztu eta konposizioak sortu ahala argazkiak atera animazioa burutuz. Bestetik, Gimp irudi editorea erabiliz geruza ezberdinekin ordenagailuan bertan marraztu eta animazioa sortu. Denbora izanez gero publizitatea landuz iragarkien ekitaldia egingo dugu. Klikatu irudian martxan jartzeko.

AMODIOZKO GUTUNAK LAUAIZETAN

Euskara batzordeak proposatuta Lauaizetako I. Amodiozko Gutun Leihaketa antolatu da. Bi maila izango dira, ikasleen artekoa eta helduena ( gurasoak, irakasleak, eta irakasleak ez diren Lauaizetako langileak). Gutunak euskaraz. Noizko esango dugu, hasi pentsatzen...

BIRZIKLAPENA, TALDE LANA, GIZA IRUDIA

Urte hasieran propagandazko egutegiak jasotzen ditugu aurrezki kutxetatik. Plastikako ikasgaian paperean neurri erraldoiko marrazkiak egiten ditugu, egutegiko giza irudiak zatika edo guztiz eraldatuz, esanahia eta hizkuntza plastikoa talde lanean eztabaidatu eta adostuz.

4 DBH PLASTIKA NOTAK NOLA

Plastikako notak horrela izango dira: eguneroko lana ebaluatuko da ikasgelan eta ikasleak blogean jarriko dituen lanak ere. Egindako lanak eta prozedurak %70 eta jarrera %30. Ikasgelan azalpenak emango dira.

ARGAZKIGINTZA DIGITALA: ARGIAREN AZTERKETA

Ikasle bakoitzak bere blogean 3 argazki jarriko ditu, etxean ateratakoak eta euskara txukunean bakoitzarekiko zerbait idatzi, euskaraz eta irudiarekiko zer adierazpen maila duen, sinbologia, poetika, erretorika,...Argazkien lan hau bukatzeko epea OTSAILAK 12. Lan honek notaren %10 balio du, 10 puntutik 1 puntu.

1. ILUNTASUNA
2. ARGI INDARTSUA, ITZAL GOGORRA
3. ARGI LEUNA, ITZALIK EZ ETA AZAL LEUNAK.

AIO! TXISTOR FESTA, HATOR DANBORRADA!

Txistorra jaten bukatu genuen urtea eta etorri gara indar berrituak. Hasi ere ez gara egin eta danbor hotsak datoz Donostialdeko auzoetatik. Azpeitikoak ere entzuten dira. 2012 honetan Euskara Batzordekoek Lauaizetako atarian egunero euskarazko testuak jartzea erabaki dute, euskarazko irakurketa ohitura bihurtuz, Argiako egutegiaren egunerokoak bi aldetatik neurri erraldoian.

3 DBH OSOA ZURRIOLAN LAND ART + MARISCAL KURSAALEAN

Azterketak amaitu ondoren, zeharkako jarduna egitea proposatu genuen Plastika mintegitik. Talde lanean aritzeko, aurrez prestatu gabeko marrazki erraldoiak egitea Zurriolako hondartzan, eta aldi berean eta txandaka Kubo Kursaalean zegoen Mariscal artegile kataluniarraren erakusketa ikustea. 3 dbh osoa jeitsi ginen Lauaizetatik 10:30ak aldera eta 13:00tan amaitu Zurriolan. 

LAUAIZETAKO IPRENTSAREN 1. ZENBAKIA

Aurreko ikasturtearen udaberrian zero alea atera genuen eta oraingoan 1 zenbakia. Editoriala uzten dizuet...sartu webgunean eta gozatu!


 http://www.euskalnet.net/lauaizeta/iPrentsa1/1zenbakia.htm

Editoriala
Gure aurkezpen 0 zenbakian genioen bezala, eskolaprentsa proiektu 

honetan ikasturtean hiru ale argitaratzeko

asmoa genuen. Asmoa gauzatzen hasi da eta hemen da beraz,

iPrentsa Lauaizetako Aldizkari Digitalaren lehen zenbakia.

Bidea ibiltzen egiten omen da, eta hori da gure nahia, polikipoliki ibiltzea bidea sendo egin ahal izateko.

Asko dugu hobetzeko, antolaketa aldetik, ekoizpen

aldetik..., eta horretan gaude, hori baita gure erronka,

kalitatezko eskola-prentsan aurrerapausoak ematea alegia.

Horretarako denon parte hartzea ezinbestekoa da, denok

baitugu lekutxo bat proiektu honetan: ikasleok, gurasook eta

irakasleok, denok baikara idazle, kazetari, margolari, bertsolari,

ekoizle... edo/eta irakurle.

Garai hauetan aldaketak datoz Lauaizeta Ikastolara,

ikasturte honetan Eskola 2.0 egitasmoa Derrigorrezko Bigarren

Hezkuntzako lehen mailan ezarri da. Horrek lan egiteko eta

ekoizteko moduan aldaketak eragingo ditu eta seguraski

iPrentsa izango da aldaketa guzti horien onuradunetako bat. 

2011.urtea bukatzen ari da, eta ez dugu erakusleiho honek

eskaintzen digun aukera hau galdu nahi iristear dagoen urte

berria atzean utziko duguna baino hobea izan dadila zuei

guztiei, Lauaizeta Ikastola BHI-ko komunitate osoari, opatzeko.

Hala bedi!