4DBH MARRAZKETA GEOMETRIKOA: ARKU KAPAZA

Arku kapaza, izenak esaten duen bezala, arkua da, leku geometrikoa, non konstante mantentzen den AB zuzenarekiko angelua arku guztian zehar. Italia eta oporretatik bueltan, #4DBH--ko programazioko kurrikulumean sartzen diren #MARRAZKETA TEKNIKO edukiAK lantzen joango gara, ESKUAIRA ETA KARTABOIA, KONPASA eta #LIBRECAD marrazki teknikoa modu DIGITALEAN lantzeko software libre eta potentea erabiliz. Jarraian ikus ditzakizue grafiko marrazkiak, #WIKIPEDIATIK hartutakoak dira:

90º angeluaren arku kapaza.

Arku kapaza erabiliena, 90º ekoa da, Talesen 2. Teoremarekin erlazionaturik dagoelako. Kasu honetan, arku kapaza zirkunferentzia da, AB zuzena honen diametroa delarik.

GEOGEBRA (esteka honek wikipediara eramango zaitu, euskaraz ez dagoenez, gazteleraz).

Geometria eta aljebra konbinatzen dituen #software librea da. Software matematikoa da, #Markus Hohenwarterrek sortua eta gaur egun ere garatzen jarraitzen duelarik. #Html5 eta #Javascript dela eta ikusleak grafikoan parte har dezake.

GARAZI ETA JUNE LAUAIZETAN BISITAN

Aurreko blog honetako post-ean iragarri bezala, Zizurkiletik jaso genuen, “ Nigan sinistu” genero indarkeriari buruzko bideo labur metraje zoragarriaren egileen bisita Lauaizeta ikastetxean, Martxoak 8aren harira. Talde handiagoaren ordezkari bi, June eta Garazi, gurekin izan ziren beraien lana berrikusi eta horrelako lan ona egiteko gakoak azaltzen. Egitasmo aberasgarria, gure ikasleei irakaste-prozesuan iturriak aberastuz eta zeharkako prozedurak bilatuz. Eskertu hemendik bi gazteei etortzeagatik eta bideo lanagatik.

Hurrengo bideoa sortutakoan, berriz gonbitea luzatuko diegu eta ea, ordurako, hamaiketakoa beroa eskain diezaiekegun...

HITZALDIA MARTXOAK 8: IKUS-ENTZUNEZKOEN HIZKUNTZA

Martxoak 8, emakume langilearen eguna dela eta, Plastikatik hitzaldi modukoa antolatu dugu, beste lankideekin batera martxoak 13 ostiral honetarako, Lauaizeta ikastetxean. Genero indarkeria gaia medio, 4DBH-n dabiltzan Zizurkilgo neska kuadrilla batek bideo labur metrajea sortu zuen, sekulako adierazpen eta indar bisualarekin. Egileekin kontaktatzea erraztu ziguten eta gonbidatu genituen elkarrekin bideoa berrikusi eta hari buruzko gogoetak partekatzea, bideoaren egileak eta gure ikasle batzuen artean.

  

         

TIRA KOMIKOA IPRENTSA 11 rako

PLASTIKA 4 DBH: PANPINA ERRALDOIA

#Korrika2015 martxoaren 22an pasako da Donostiatik. Egun horretan bertan doaz 4DBHkoak ikas bidaiara Italiara. Korrikari harrera egiteko #panpina #erraldoia egingo dugu talde lanean. Lehenik, ideia pentsatu eta diseinua zehaztuko dugu, planifikazioa adostu behar dugu. Zer egin, nola eta zertarako. Kanpoko pertsonaiaren itxura aldakorra bada ere, zehazteke dagoena, panpinaren barruko egitura berdina izango da. Hots, barruko egitura egiten hasiko gara, kanpoko itxura erabakitzen goazen bitartean. #Birziklapena da #proiektu honetako gaietako bat. Etxean sortutako hondakin batzuekin(papera, kartoia, plastikoa,...) sortuko ditugu panpinaren testura eta formak. Egituraren “hezurrak” #banbu adarrak izango dira.

2DBH PLASTIKA-BIDEO KOMIKIAK: EMAITZAK BADATOZ

Lanak biltzen hasi gara, #KOMIKIBIDEOAK, komikiak bideo-trailer moduan kontatuak. Helburu nagusia, istorio bat kontatzea izan da, audioa, irudia, hizkiak eta bideoak uztartuz. Ikasleen gaur egungo informazio-kultura-aisialdi eremua #kontsola, #internet, #smartphona, #bideo jokoetatik dator kopuru handi batean. Interneten ikusten diren bideo jokoen trailerrak hartu ditugu eredu gisa. Horregatik, garaia, kokapena, pertsonaiak aurkeztu nahi izan ditugu egoera konkretu batean, istorioan sakontzen jarraitu gabe, bukaera jakin gabe, expoilerra ekidinaz.

Trailer guztietan, audio efektuak, titulua, melodia, testua, irudi siluetak, irudi fondoak, animazioa sartu ditugu. Adibidez, #MUTATION lanean, begi handiaren animazioa 3 irudiekin egin du J. Oncala ikasleak. Begia itxia internetetik jaitsi eta irudi editorearekin, moztu eta koloreztatu ondoren, animazioa lortuz. Beste helburu nagusia TALDE LANEAN aritzea izan da. Ikasle batzuek, ordea, talde lanean aritu dira, elkarrekin ideiak adostuz, eta elkarri lagunduz, baina banakako lanak aurkeztuz.

Iaz digitalki landu genuen komikia, baina komiki formatua jarraituz eta zuri beltzean. IKASLEEN LANAK atalean daude ikusgai, edo iazko IPRENTSA 8. zenbakian.

Komikiaren betiko formatua aldatu dugu. Eszenak, planoak, narrazio testuak, bokadiloak, onomatopeiak, eskuzko zein modu digitalean eginiko marrazkiak,...Zein izan da arrazoia? Sormena eta talde lana. Marrazkiak egitea atsegina bada, ideia sakonduz marrazkiak gidoiari lotuta egiteak, 2DBH mailan, luze egin daiteke. Digitalki, goiko irudian ikusgai, abantailak ikusi genituen komikia egiteko atal batzuetan: biñetak, bokadiloak, testu ezberdinak, irudiak internetetik eraldatuak, kopiatu-itsatsi erraztasuna, zoomak egitea klik batean, etab. Baina, iaz, modu digitalean eginda, luze egin zitzaigun azken biñetara heltzea. Aurtengo Komikia, bideokomikia, trailer gisa lantzean, eremu asko jorratzen dituen proiektua burutu dugula uste dut. Hobea edo ez, ikasleei galdetuko diet ea zer pentsatzen duten...

LANAK BADATOZ PIXKANAKA...

2DBH PLASTIKA PROIEKTUKA LANEAN: KOMIKI BIDEOAK

Komiki bideoa 2DBH Plastikan egiten ari garen proiektu lana da. Elkarrizketa bidez Hizkuntza gaitasuna lantzen da, bideokameraren aurrean taldeak landu duen istorioa hitzez kontatu behar dute. Matematika gaitasuna landuko dute ikasleek, geruza desberdinekin lan egitean, bideo eta irudi klipak x eta y ardatzean antolatzerakoan, gardentasunaren ehunekoak kalkulatzerakoan eta dimentsioak, garaiera, zabalera zein denbora parametroak lantzerakoan. Giza Arte zientziak eta Hiritartasuna gaitasunak lantzen ditugu, komikiaren istorioa kokatzean, garai ezberdinak eta gizarte eredu eta egoerak ikertu eta erabiltzean. Ikasten ikasi eta autonomia gaitasunak lantzen dira, etxean interneten ikerketa lana egin behar izan dutelako, istorioaren haria garatzeko eta behar dituzten edukiak aurkitzerakoan. IKT gaitasuna nola ez, asko lantzen dugu proiektu honetan, egitasmoa azaldu eta jarraitzeko Plastikako bloga erabiliz, lanak bertan publikatuz, audio berriak sortuz, audio narrazioak eta musika, audioa/bideoa/irudiak internetetik jaitsiz, testu digitalak, irudigintza eta bideogintza digitala, dokumentazioa eta filmografia, diseinu grafikoa, bideo edizioa eta postprodukzioa, etab luzea...Honako programak erabiliz: dirpy, savefrom, audacity, gimp, inkscape, openshot, libreoffice-xuxen, pantailakapturatzailea/ubuntu, googleearth, dafont, blender, firefox/chromium,...

IKUS-ENTZUN PLASTIKA 2DBH: GIF ANIMATUAK

Ikus-entzun tailerrean GIF animatuak egiten ari gara. #Inkscape erabiliz, marrazki bektorialekin egindako animazioa, eta #Gimp erabiliz animazioak bitmap irudiak erabiliz. Jarraian, ikasleek egindako bi lan, Godzilarena Josebarena eta bestea Anerena.

GIF ANIMATUAK kalitate gutxiko irudi artxiboak dira, Ez dute soinurik ametitzen, ezta ere gardentasunik, ezin zaie hasierako formatua aldatu, etab. Baina, gaur egun indar handia hartu dute, sare sozial eta web guneetan animazio sinpleak jartzeko. Guk tailerrean, GIF animazioa egin ondoren, soinua eta tipografiak erantsiko dizkiogu, MP4 bideo artxiboa bihurtuz, youtube web gunera igoko dugu eta bertatik publikatu.

INKSCAPE

GIMP

GIF

Godzillaren lan honetan, ikasleak 3 irudi sortu ditu inkscapen. Bat munstroa, bi tankea eta hirugarrena hiria. Hauek mugitu ahala, irudi artxiboa esportatu behar da, karpeta berdinean esportatutako irudi artxibo guztiak bilduz. Behin guztiak ditugunean Gimp programan biltzen ditugu, animazio parametroak adostu eta GIF artxibo moduan esportatuko dugu, animazioa lortuz.

Beste animazio honetan, Gimp erabiliko dugu hasieratik. Vesubio sumendia eta Pompei hiriaren istorioa berreskuratu nahi izan dugu. Antzeko zehozer. Ikaslearen argazkia aldatzen joango gara irudi ezberdinak esportatuz. Pintzela erabiliko dugu aldaketak egiteko. Horretarako, ikasi dugu, edozein irudi pintzelarekin errepikatzeko modua. Hautatzeko erremintarekin eremua dudanean, KOPIATU agindua eman ondoren, pintzelarekin hautatu ahal izango dut. Adibidez, armiarma errepikatu nahi badut argazki batean, zera egingo dut: armiarma kopiatu eta pintzelarekin hautatu eta pintzelkada bakoitza armiarma izango da, pintzela aldatu arte.

ARTE ABANGOARDIAK 4 DBH PLASTIKA

Inauteriak aitzakia mihise gaineko pintura egin dugu, koloretako tenperak, pintzelak eta bertikalki pintatuz, zutik horman pintatuz eta distantziara begiratuz. Mozorro aukeren artean, pertsonaia hautatu dugu pintatzeko. Prozedura, argiaren araberako kolorearen ñabardurak bilatzean oinarritu da, argitasuna eta itzaldurak kolorearen tenperatura bero eta hotzarekin konbinatuz. Pintzeladak, askea izatean, adierazpena areago dezake eta lasaiago pinta dezakegu, ikuspegia urruntzean, hurbiletik zakarra dirudienak, urrunetik ongi funtzionatzen baitu, kasuak kasu.

Kolorea modu askean eta adierazpen maila asko indartuz jardun duen Arte mugimenduetatik aitzindarietakoa Faubismoa izan da. Analisi lana egin behar dugu orain. Ikasle bakoitzak abangoardiako Arte mugimendu bana aukeratuko du eta bizpahiru irudiz baliatuz ahozko azalpena emango du. Irudi hauek eta esteka parea ikasleak norberaren Blogean publikatuta izango du.

IKUSI GEHIAGO IKASTEKO ABANGOARDISMOAREN ADIERAZPENAK WIKIPEDIAN

KOMIKI BIDEOA: OPENSHOTEN MUNTAIA HASI

Argazkiak, marrazkiak, irudi digitalak, fondoak, audio efektuak, banda sonorak, bideoak, tipografiak, tituluak, azpitituluak,....istorioa egiten eta muntatzen hasiko gara...

KULTURAZ ABERASTU, KULTURA BILATU

INAUTERIAK BADATOZ

ARGAZKIAK HEMEN

Inauteriak badatoz. Garaian garaikoa, pertsonaiak bilatu eta mihise kuadroa pintatzen ari gara, mozorrotzeko balioko lukeen pertsonaien bila. Atsedenak beharrezkoak direnez, hauen isladatxoa jarri dizuegu ere...

3DBH DISEINUA: BIDAI AGENTZIA

Denbora animazioa ateratzen zaigu sarri ordenagailu zein tramankulu digitaletako pantailan...Guk 3 diseinatuko ditugu: matxura, on/off eta aipatutako denbora...

IKASLEA: "Bidai agentziara hurbildu nintzen, eta han lanean nengoela amestu. Zein bidai egingo nuke munduan zehar?"
Presupuesto librea....Plastikaren abantailak....

Egin beharreko lana, bideoan lotu, youtubera igo eta blogean publikatu behar dena.

• Hiria edo lekua aukeratu
• Bertako musika
• Erritmo musika
• Soinu efektuak
• Youtubeko bideoak
• Interneteko argazki irudiak
• Marrazkiak
• Animazioak
• Hitz laguntzaileak
• Google Eartheko 3D bideoak
• Kredituak
  
  

INAUTERIAK PINTATZEN. 4DBH PLASTIKA

ARGAZKIAK HEMEN

3 eta 4 DBH Plastikan #marrazkia eta #pintura uztartuko ditugu #inauteriak gaiari heltzeko. Propagandako egutegi erraldoiak hartu eta birziklatu ditugu mihise moduan funtziona dezaten. Ikasleak, banaka edo taldeka, interneten nabigatuko du eta pertsonaia aukeratu beharko du mozorroa marrazteko. Behin irudia aukeratuta, mihisean marraztuko du, marrazkia kokatuz eta ardatz nagusiak zein puntu interesgarrienak markatuz. Tekniken artean hautatu behar da ondoren: tenpera, collage ala biak nahastuta. Hortik aurrera, lana egin eta disfrutatzera. 

KOMIKIA: KONTAIDAZU ISTORIO BAT!

Programazioa jarraituz, #komikia lantzen dugu 2DBH Plastikan, bigarren ebaluazioan. Bertan, helburu nagusia, istorio bat kontatzea da. 14-15 ikasturte honetan, talde lanean ekingo diogu erronka honi. Batetik, ikaskideekin lan egiteko gaitasuna indartu nahi dugu, ideiak partekatu eta elkarrekin garatzeko guneak bilatuz. #Plastikari dagokionez, hizkuntz komunikazioa landuko dugu, #istorioa adierazteko, kameraren aurrean ahozkotasuna landuz eta taldean, pertsonaien izaerak eta gidoia zehazterakoan. Gizarte gaitasuna landuko da ere, istorioa gertatzen den garaia eta gizarteak ikertuz. IKT gaitasunean sakonduko dugu, nola ez, internetetik ikus entzunezko edukiak sailkatuz, analizatuz, berrerabiliz, ikertuz. Smartphonak, gelako ikasle bakoitzaren ordenagailuak, aurikular eta mikrofonoak, chroma eta software librea(#gimp, #inkscape, #audacity, #openshot, etab) erabiliz, ikasleak musika eta audio efektuak sortuko ditu. Giza argazkiak atera eta grafikoki eraldatuko ditu, pertsonaien aurpegiak lortu eta gorputz erak marrazteko. Aplikazioak eta youtubeko bideoak erabiliko ditu, behin digitalki birmoldaturik, lekuak, akzio eszena etab lortzeko.

Komikia, Arte ataletako 9. tzat hartu izan da : Pintura, Eskultura, Arkitektura, Musika, Literatura, Dantza, Zinema, Poesia eta Komikia. Oso zabala eta mardula da bere ekarpena Historian zehar: kobazulotatik hasi, egiptiarrak, erromanikoa, undergrround, #PernanGoñi, etab luzea...

GURE TXERRIA GARAILE!!

Berri freskoak Donostiako Konstituzio Plazatik. Lauaizetak(4DBH) Txistorra Postuen Lehiaketan 1. SARIA irabazi omen dugu!!

4DBH plastika lanean: ikusi

SANTOTOMAS BADATOR!

argazki gehiago

2014ko honetan, abenduaren 21ean, Donostiako Konstituzio Plazako Liburutegi azpiko erdian dagoen arkupean, 3. zenbakian, aurkituko duzue Lauaizetako Txistorra eta edari postua. 4DBHkoek antolatu dute, guraso eta ikasle, ikas bidaia diruz laguntzeko. Plastikako talde batek, txerri arrosa erraldoia egin dugu postua atontze arren. Santotomas badator! Ondo pasa, pasa gabe eta bisitariak pasa zaitezte Lauaizetako postutik giro paregabea izango baita!

SANTOTOMASAK LAUAIZETAN 2014: TALDE LANEAN JATOR!

4dbh plastika argazkiak

SKYLINE: MUNDURA BIDAIATZEN. 3DBH DISEINUA

Beldur eta Fantasiazko irudi muntaiak landu ondoren, kolore plano eta irudi bektorialeko diseinutan murgildu gara. 2014 urtea amaitzear den honetan, azterketen garaia pasa eta egun hauek lanegun atseginak bihurtuz. Hurrengo lan proiektua Bidai agentzien publizitate kanpaina diseinatzea da. Lehenengo lana, munduko edozein hiriren skyline delakoa egitean datza. HEMEN LANAK.

2. eta 4. mailako 2 ikasle anai arrebak, Istanbulen izan dira oporretan, duela egun gutxi. Hagia sophia aitzakitzat skylinearen eredua dugu hemen.

 

jarraian prozedura azaltzen duen bideoa ikus dezakezue

PERRETXIKOAK IKASTETXEKO ZELAIAN

ARGAZKIAK HEMEN 

Perretxikoen lana azken fasean sartu da. Aitzurrarekin zuloa egin eta zelaietan barreiatuko ditugu guztiak, Lauaizetako lau aldetan: ipar, hego, mendebal eta ekialdean. Gaur talde baten lanak instalatu ditugu, bihar beste taldearena eta ostegunean azken bi talderenak. 2DBH plastikakoak denak. Ordenagailuetan bilatzen hasi ginen, Naturreko Eduk pasatako zerrenda, Euskal Herrian izaten diren onddo edo perretxiko ezagunenak, jangarri eta jangaitzak. Gero, koloretako arkatzez marraztu genituen. Jarraian, egiturak eraiki genituen. Egiturari azala jarri genion. Azala koloreztatu. Perretxikoak zelaietan kokatu eta Plastikako blogean publikatu. Zoriondu nahi nituzke ikasleak. Lan itzela egin dute, elkarlanean, taldeak osatu eta eskuz esku lan ona egin eta hobetzeko jarrerarekin, eta saioko azken 15 minutuetan erratza, “fregona” eta “baietakin” bazterrak txukunduz. Eskertu, nola ez, Carmen Palmàs lankideari, aurten Lauaizetako 3. solairua garbitzen duenari. Nahiz eta ahal izan duguna garbitu, hurrengo egunerako sekulako lana egin izan duelako, arraskak, mahaiak, aulkiak, korridoreko zorua, nesken komuna(plastikako gelaren ondoan dagoen "arraska auxiliarra) etab kolaz, paperaz eta pinturaz garbitu izan dituelako modu ezin hobean.

TIRA KOMIKOA IPRENTSA 10: PARTE HARTU!

Azaroak 28an Iprentsa 10 zenbakian argitaratuko den edukia bildu behar dugu. Ale guztietan TIRA KOMIKOA ere publikatzen da . Ikasturte honetan hauxe izango da tira komikoa aukeratzeko metodoa. Lauaizetako ikasle zein gurasok har dezake parte. Neurriak honakoak edo proportzionalak izan behar dira: 201x93 mm gutxi gora behera. Gaia librea. Eskuz marraztu daiteke, edo nahi bada ere, modu digitalean. Edozein tramankulu erabiliz. Euskaraz diren tira komikoak bakarrik hautatuko ditugu (erredakzioan itzuli daitezke). Azaroak 26rako bidali posta honetara, identifikatuz nor zareten, mikelplastika@gmail.com
Epaimahai modukoa osatu eta aurkeztuen artean bat publikatuko da eta, baliteke, beste atal batean guztiak publikatzea (kopuru eta mailaren arabera).

3DBH DISEINUA: LIBURU AZALA

3DBH Diseinuan perretxikoak 3D moduan egin, #Blender erabiliz, eta ikuspuntu ezberdinetatik argazkiak atera eta bakoitzak bere blogean publikatu ondoren, ebaluazioko azken lanarekin hasiko gara: LIBURU AZALA.

• GIMP: liburuan ateratzen diren irudi guztiak sortzeko(moztu, itsatsi, eskalatu, biratu, bikoiztu, koloreak aldatu, pintatu, gardentasuna, iragazkiak...).
• INKSCAPE: azalaren azken diseinua(kolore formak, tipografia guztia, argitaletxea, idazlea, etab).

Aurreko ikasturtean erabili izandako 2 gai ezberdin hartuko ditugu eta nahastu.:

1. oinetako arrosak zituen emakumea
2. piratak
   

ONDDOAK. BOLUMENA. 2DBH PLASTIKA

ARGAZKIAK HEMEN

FANTASIA ETA BELDURREZKO ASTEA 2014. IRUDI DIGITALA

Azken 25 urteetan, udazkenero Antzoki Zaharra eta bere inguruak festa bilakatzen dira fantasiazko eta beldurrezko zinemazaleentzat. Egun batzuetan zehar, urteko genero-film onenak, erakusketak eta bestelako jarduerak elkartzen dira Donostian, eta kaleak kolorez, dibertsioz eta fantasiaz betetzen dira. Hasierako urteetan “friki” eta super zale modukoek jarraitutako zinemaldia zirudienak, arrakasta handiko eta jendez gainezka dabilen egitasmoan bihurtu da. Garai batean, Gipuzkoatik barrena zabaltzen ziren ekitaldiak, hauen artean bitxienetakoa, zineman barruan goiza aldera arte pelikulak ematea zen, 8 bat pelikula jarraian...donosti-kultura.com

Guk gaiari helduko diogu, 3DBH Plastikan, eta irudi digitala landu. Fantasia eta beldurrezko eszena irudia bilatu eta aurkituko dugu interneten. Deskargatu eta gorde. Ondoren, bakoitzaren edo lagunaren argazkia txertatu eta eszenan “sartuko” gara. Hemen bideoa prozedura azaltzen...

Lanak bukatu ahala, ikusgai IKASLEEN LANAK atalean (picasaweb/googleplus)