PERRETXIKOAK IKASTETXEKO ZELAIAN

ARGAZKIAK HEMEN 

Perretxikoen lana azken fasean sartu da. Aitzurrarekin zuloa egin eta zelaietan barreiatuko ditugu guztiak, Lauaizetako lau aldetan: ipar, hego, mendebal eta ekialdean. Gaur talde baten lanak instalatu ditugu, bihar beste taldearena eta ostegunean azken bi talderenak. 2DBH plastikakoak denak. Ordenagailuetan bilatzen hasi ginen, Naturreko Eduk pasatako zerrenda, Euskal Herrian izaten diren onddo edo perretxiko ezagunenak, jangarri eta jangaitzak. Gero, koloretako arkatzez marraztu genituen. Jarraian, egiturak eraiki genituen. Egiturari azala jarri genion. Azala koloreztatu. Perretxikoak zelaietan kokatu eta Plastikako blogean publikatu. Zoriondu nahi nituzke ikasleak. Lan itzela egin dute, elkarlanean, taldeak osatu eta eskuz esku lan ona egin eta hobetzeko jarrerarekin, eta saioko azken 15 minutuetan erratza, “fregona” eta “baietakin” bazterrak txukunduz. Eskertu, nola ez, Carmen Palmàs lankideari, aurten Lauaizetako 3. solairua garbitzen duenari. Nahiz eta ahal izan duguna garbitu, hurrengo egunerako sekulako lana egin izan duelako, arraskak, mahaiak, aulkiak, korridoreko zorua, nesken komuna(plastikako gelaren ondoan dagoen "arraska auxiliarra) etab kolaz, paperaz eta pinturaz garbitu izan dituelako modu ezin hobean.

TIRA KOMIKOA IPRENTSA 10: PARTE HARTU!

Azaroak 28an Iprentsa 10 zenbakian argitaratuko den edukia bildu behar dugu. Ale guztietan TIRA KOMIKOA ere publikatzen da . Ikasturte honetan hauxe izango da tira komikoa aukeratzeko metodoa. Lauaizetako ikasle zein gurasok har dezake parte. Neurriak honakoak edo proportzionalak izan behar dira: 201x93 mm gutxi gora behera. Gaia librea. Eskuz marraztu daiteke, edo nahi bada ere, modu digitalean. Edozein tramankulu erabiliz. Euskaraz diren tira komikoak bakarrik hautatuko ditugu (erredakzioan itzuli daitezke). Azaroak 26rako bidali posta honetara, identifikatuz nor zareten, mikelplastika@gmail.com
Epaimahai modukoa osatu eta aurkeztuen artean bat publikatuko da eta, baliteke, beste atal batean guztiak publikatzea (kopuru eta mailaren arabera).

3DBH DISEINUA: LIBURU AZALA

3DBH Diseinuan perretxikoak 3D moduan egin, #Blender erabiliz, eta ikuspuntu ezberdinetatik argazkiak atera eta bakoitzak bere blogean publikatu ondoren, ebaluazioko azken lanarekin hasiko gara: LIBURU AZALA.

• GIMP: liburuan ateratzen diren irudi guztiak sortzeko(moztu, itsatsi, eskalatu, biratu, bikoiztu, koloreak aldatu, pintatu, gardentasuna, iragazkiak...).
• INKSCAPE: azalaren azken diseinua(kolore formak, tipografia guztia, argitaletxea, idazlea, etab).

Aurreko ikasturtean erabili izandako 2 gai ezberdin hartuko ditugu eta nahastu.:

1. oinetako arrosak zituen emakumea
2. piratak
   

ONDDOAK. BOLUMENA. 2DBH PLASTIKA

ARGAZKIAK HEMEN

FANTASIA ETA BELDURREZKO ASTEA 2014. IRUDI DIGITALA

Azken 25 urteetan, udazkenero Antzoki Zaharra eta bere inguruak festa bilakatzen dira fantasiazko eta beldurrezko zinemazaleentzat. Egun batzuetan zehar, urteko genero-film onenak, erakusketak eta bestelako jarduerak elkartzen dira Donostian, eta kaleak kolorez, dibertsioz eta fantasiaz betetzen dira. Hasierako urteetan “friki” eta super zale modukoek jarraitutako zinemaldia zirudienak, arrakasta handiko eta jendez gainezka dabilen egitasmoan bihurtu da. Garai batean, Gipuzkoatik barrena zabaltzen ziren ekitaldiak, hauen artean bitxienetakoa, zineman barruan goiza aldera arte pelikulak ematea zen, 8 bat pelikula jarraian...donosti-kultura.com

Guk gaiari helduko diogu, 3DBH Plastikan, eta irudi digitala landu. Fantasia eta beldurrezko eszena irudia bilatu eta aurkituko dugu interneten. Deskargatu eta gorde. Ondoren, bakoitzaren edo lagunaren argazkia txertatu eta eszenan “sartuko” gara. Hemen bideoa prozedura azaltzen...

Lanak bukatu ahala, ikusgai IKASLEEN LANAK atalean (picasaweb/googleplus)

EUSKAL MIKOLOGIA 2: PRODUKZIOA AREAGOTZEN!

Perretxikoen ikerketa, marrazketa eta publikazioaren ondoren, maila bakoitzean jarraitu dugu hauen lanketan. 

                 

2DBH Plastikan, esaterako, koloretako arkatzez eginiko marrazkien ostean, talde lanean neurri handiko bolumenak egituratzen hasi gara, onddo forma eman arte. Bukatutakoan, Lauaizeta ikastetxe inguruko zelaietan jarriko ditugu, elurra egin arte. Aurtengo neguan, esaten dutenez, “ezkur asko elur asko”.

3DBH Diseinuan, berriz, 3D diseinuan egindako onddoak Blenderren, koloreztatu ditugu. Testurak sartzerakoan, arazo teknikoak izan ditugu, ordenagailuen txartel grafikoak eta prozesadorean indarra ez baitira nahiko, lan hauetan eroso aritzeko. Hala ere, moldatu gara.

                             

Azkenik, 4DBH Plastikan, 10 perretxiko ospetsuenen marrazki bektorialak egin ditugu Inkscape erabiliz. Ez daude guztiak erakusteko prest, zuzenketa txikiak, izena erantsi, etab. Bukatuta daudenean, guztiak batera publikatuko ditugu BLOG honetan, eta ikusgai ere izango dira IKASLEEN LANAK atalean, picasaweb edo googleplusean.

EUSKAL MIKOLOGIA: UDAZKENEKO LOREAK

Udazkenean, gure inguruan gerta ohi diren bi fenomeno landuko ditugu programazioan txertatuta. Batetik, udazkeneko loreak deituriko mundu mikologikoa: perretxiko edo onddoak. Bestetik, Donostiako Fantasia eta beldurrezko zinemaldia.

Perretxikoak lantzeko garaian, helburua argi izan behar dugu. Helburua, programazioan azaltzen den ikusizkoen hezkuntzan garatze mailan, behaketa, marrazketa eskuz zein digitalki, gure ondare kulturalaz jabetzea eta adierazteko gaitasuna aberastea da.

Belaunaldiz belaunaldi bizitako ohitura zahar hau, perretxikoak biltzearena, gure basoetako paisai zoragarrian aurki daitezke txoko ezkutuetan. Naturarekin bat gozatuz biltzen diren onddoak kultura zaharra da. Arlo zientifiko, artistiko eta gastronomikoetatik zor zaio interesa. Naturak erakusten digun perretxikoen munduan ez da onik eta txarrik. Denak izaki, batzuk jan daitezke eta besteak arriskutsuak dira osasunarentzat (heriotza tarteko). Hona hemen ezagunenak:

* Perretxiko jangarriak:

- Onddo beltza (Boletus aereus)

- Zizahoria (Cantharellus cibarius)

- Susa edo udaberriko ziza (Calocybe gambosa)

- Gibelurdina (Russula virescens)

- Urretxa (Russula cyanoxantha)- Galanperna (Macrolepiota procera)

- Kuletoa (Amanita caesarea)


* Perretxiko jangaitzak:

- Hiltzaile berdea (Amanita phalloides)
- Kuleto faltsua (Amanita muscaria)
- Satan perretxikoa (Boletus satanas)

- Galanperna hiltzailea (Lepiota helveola)

- Hiltzaile goiztiarra (Amanita verna)

2DBH PLASTIKAN arkatzezko kolorez egindako perretxiko hautatuak hemen:

3DBH DISEINUAN EGITEN ARI GARENAREN LAGINAK JARRAIAN...

Ondoko bideoan, hasierako fasea nola egin azaltzen du. Bilaketa, argazkiaz baliatuz marrazki bektoriala, 3D marraztu edo eraiki. Azpitituluak nahi izanez gero, klikatu botoian(azpitituluak).

Azken fasean, koloreztatu eta testurak sartuko ditugu. Animatuko dugu bideoan onddoaren ezaugarriak hobeto azaltzeko.

INTXAURRONDO AUZOA ANIZTASUNA LANTZEN: GURE ETXEA

"Intxaurrondo izugarri hazi da azken urteetan, jatorri desberdinetako pertsona askok aurkitu dugu etxea bertan, eta horrek erabat eraldatu du auzoa". 

 

Horrela hasten da urrian Intxaurrondoko auzoan egingo den aniztasunari buruzko egitasmoa. #Gure etxea egitasmoa, #Janintx. #Plazara goaz auzoko elkarteak bultzatzen du egitasmo hau ere. Lauaizetatik, auzoko eragile ere, parte hartu dugu bertan. Informazio gehiago eskuratzeko jo ezazue Plazara Goazek daukan webgunera.

Erakusketaren argazkiak ikusteko klikatu hemen

LABIRINTOA 3D ETA 2D KONPOSIZIOA. 3DBH PLASTIKA

3DBH Plastikan 2 ariketa egingo ditugu jarraian. Batetik, 3D landuz labirintoan oinarrituta dagoen edozein konposizio geometrikoa, argiluna aplikatuz lortuko dena. Zuloa bada ilunago, goiko aldea beheko aldea baino argiago, estuak diren guneak ilunago, etab. Horretan laguntzeko Blender programarekin ikusiko ditugu ikuspuntu ezberdinak eta gorputz geometriko zein espazioaren trataera, bistak klik batean aldatuz eta 3Dko orbita bisuala erabiliz. Behin ulertua, tintaz edo boligrafoz marraztuko dugu A4 formatuan.

2Dko marrazkia egiteko Inkscape erabiliko dugu, zuri beltzean eta 4 baldintza bete beharko ditu konposizioak: tentsio gunea, ordenaren gunea, sakonera gunea eta forma geometriko nagusietako bat azaltzea modu diskretuan, erdi izkutaturik.

ARTE GARAIKIDEA ULERTZEN. 4DBH PLASTIKA

Arte garaikidea ulertzeko ikasi egin behar da. Belaunaldiz belaunaldi, gizarte ezberdinek bere artea egin dute. Iraultzak eman zirelako, gerrak gertatu zirelako, balore krisiak, erlijioak, giza eskubideak, ekonomia, industri iraultza, eta abar faktore medio.

Arte garaikideak adierazteko hizkuntza plastiko geroz eta konplexuagoak erabili izan ohi ditu. Hizkuntza horren kodeak askatu egin behar dira. 4DBH Plastika arloan, Arte garaikidea, abangoardiak ulertzen hasi gara.

Ikasle bakoitzari Arte mugimendu zein artegile bat tokatu zaio eta irudia, garaia eta azalpen artistikoa erantsiko dio.

 

Errazago ulertzeko Confucioren esaldi famatua gogoratuz...”egiten badut ikasiko dut”. Digitalki irudiak eraldatu eta pintzelaz marrazteko Gimp software librea erabili dugu Dripping digitala egiteko, Pollocken lana interpretatuz, 1950eko Expresionismo Abstraktua ikertuz. 

 

Ondoren, bere aurrekarietakoa den Errusiar Iraultza Boltxebikean sortu zen Arte aurrerakoi eta kontzeptuala ikusi dugu, ezagutu: Suprematismoa bultzatu zuen Kasimir Malevitchen “Karratu zuria fondo zuriaren gain” marrazkia egin dugu digitalki, irudi bektorialen editorea den Inkscape software librearekin. *Bideoa desagertu da. Berria jarri bitartean ikusi Giokondaren gif animatua (J. Oncala).

3DBH: ARGAZKIGINTZA DIGITALA

Intxaurrondo auzoko #JANINTX egitasmoan parte hartuko dugu, urriak 9-30eko erakusketan, 3DBHkoekin ere. Kasu honetan, Donostiako 3 garai irudikatu ditugu, Lauaizeta inguru menditsu hauetan. Nolakoa zen mendi hauetako argazki zaharra, baserriz bakarrik inguratua. Nolakoa zen 70eko garaian? Pop eta Frankismoa? Seiscientos autoa etab? Nolakoa da gaur egun?

3DBH mailan astero saio bat dugunez, askatasun handiz eta presaka sortu ditugu irudiak, freskotasuna bilatuz, beldurrik gabe teknikak erabiliz eta dokumentatzeko ordenagailuak eta internet erabiliz.

Saioak osatzeko etxeko lan parea egin beharko ditu ikasle bakoitzak. Batetik mugikorrarekin 3 argazki atera eta posta honetara bidali beharko ditu mikelplastika@gmail.com

• KOLORE BIZIAK.
• KURBA.
• ESPAZIO ILUNEAN ARGIA SARTU DA.

Emakume edo gizonezkoa aukeratu, Donostiako aurtengo 62 Zinemaldian izan dena eta orri laurden batean, boligrafoz marraztu ( 45 minutuko marrazkia gehienez). Bilatu behar dena, ilearen testura, argia eta itzala, begiradaren adierazpena galdu gabe. Mugikorrarekin argazki originala eta marrazkia bidali.

Epea: urriak 31.

ZIRKULU KROMATIKOA. KOLOREA.

Argiluna landu dugu arkatzez, boligrafoz eta azkenik akuarelaz, 2DBH plastikan. Argiluna landu ondoren eta kolorea beti lan guztietan presen dagoenez, KOLOREAREN SAILKAPENAK ETA TEORIA landuko dugu, ZIRKULU KROMATIKOA eginez.

Bai Gimp eta bai Inkscapen milioika kolore klik batera.

Kolore gurpila saguarekin mugitu eta koloreak bilatu.

Koloreak zurira eta beltzera eralda daitezke.

Gama kromatiko guztia. Ñabardura, saturazio eta argitasuna kontuan izanik.

Ikasleak jolasean kolorearen teoriaren kontzeptuak beregana ditzake. Armonia eta kontrastea kolore argitasunaren arabera, eta baita ere, kolorearen tenperatuararen arabera, kolore hotzak eta beroak konbinatuz.

Kolore nagusietatik bigarren mailako eta hirugarren mailako koloreak lortzeko ehunekoak erabil daitezke.

Software librea eta oso indartsua, aurrerakoia, euskaraz dagoena. Argi koloreak zein pigmentu koloreak bereiztuz(CMYK). 

IKT baliabideak informazioa azkar eta modu dinamikoan partekatzeko aukera ematen du. Internet liburutegi digital zabala eta irekia.

Kolorearen teoria ikastea nahiko atsegina da ikasleentzat eta erraz barneratzen dute. Zirkulu kromatikoa egitea atsegina gertatzen zaie. Blog sarrera honetan, zirkulu kromatikoa nola egin azaltzen saiatuko gara, IKT baliabideak aplikatuz eta ikaslearengan aukera guztiak irekiz: paperean gauzatutako zirkulu kromatikoa egingo dugu, pigmentu kolore moduan. Horretarako ikasleak tenpera, koloretako arkatzak, akuarela eta aldizkariekin collage teknikak aukera ditzake. Baina, lehenago ikasleak kolorearen teoria nagusia bilatuko du wikipediara edo beste webgunetara joz. Behin teoria irakurrita Gimp eta Inkscape programak erabiliz, modu digitalean, kolorearen sailkapena eta nahasketa ezberdinak ikertuko ditu, klik pare bat eginez, kolore gurpilak begiratuz. Dena argi eta garbi ulertutakoan, musika ona jarri eta eskuz pintatzera...

Hurrengo bideoaren azpitituluak euskara, gaztelera eta inglesa hizkuntzetan aukera daiteke.