ABSTRAKZIOA

Lan guztiak betiko lekuan ikusgai dituzu. Rothko eta Pollocken modura abstrakzioa landu dugu. Bortitza, kontrolik gabea, pinturak izakera propioa hartzen duenekoa. Bilatzen, jakin gabe aurkituko dugun. Abentura. Helburua abstrakzioarekiko sentsibilitatea irekitzea...

4 DBH PLASTIKA: NEOPLASTIZISMOA. MONDRIAN

Pietr Mondrian

Hurrengo lan hau etxean egingo du bakoitzak. Lana prest dagoenean blogean pubikatu eta irakasleak nota jarriko dio eta ikasleari esan. Lanaren nota ebaluazioko notaren % ko 20 izanik. Epea urriak 31 izango da. Data honetatik aurrera ez da lanik zuzenduko.Internet ez daukanak irakaslearekin adostuko du nola eta noiz eman lana.

1. Euskara txukuna eta ortografia hutsik gabe. Erabili Xuxen zuzentzailea ( 1puntu ).
2. Semantikoki laburra izan daiteke, baina haria galdu gabe. Ideia garrantzitsuak nabarmenduz. Norberaren hausnarketa. ( 3 puntu ).
3. Bideoa txertatu ( 1puntu ).
4. 7/10 argazkiren bitartez bere garapen artistikoa azaldu ( 3 puntu ).
5. Garaiko Europaren deskribapena, ekonomia, ohiturak, teknologia, politika ( 2 puntu ).

4 DBH PLASTIKA ARGILUNA KATILUA

Hasi da ikasturtea. 4DBH-n 2 talde ditugu Plastika arloan. Hasteko argiluna landuko dugu arkatzaz baliatuz. Jarraian, lehenengo nota osatzeko, irudimena erabiliz eta argiluna aplikatuz zuhaitza, arkatzez eta paperean. Bien batez besteko nota 1. ebaluazioko notaren % 10 izango da. Lan guztiak ikusgai Picasaweb Plastikako irudiak ikusteko gunean.

TAREA 3A

Eskolan porrota beti izan da, bai lehengo metodoekin eta orain ere. Ariketa honetan hori lantzen da, modu sintetizatu batean, Pere Marquèsen hitzaldiaren arabera. Zailtasun batzuk izan ditut Power Point ezagutu baina ez nuelako erabili nahi, eta Impress erabiltzean gauza batzuk ez nituelako ezagutzen. Google Docs nahi nuen erabili baina soinuaren ikertzeko denborik ez dut izan.

LINUX UBUNTU 10.10 SISTEMA OPERATIBOA

Munduan zehar badabil jendea, informatikaz asko dakiena, elkabanatzeko ideia osasungarriarekin. Ikerketa jarraia, asmatu ekarpen onak eta dohan mundu zabalari eskeintzen diona. Gainera, oso erraza eta erabilgarria da windows edo Mach baina hobeagoa den sistema operatiboa. Ez du birus arriskurik, software librea da. Animatzen al zara probatzera?

LAUAIZETAKO JAI EGUNA 2011

Hori festa eguna igaro genuena larunbatean! Goizeko 9:30tan azaldu ziren Aitor eta bere osaba graffitia egiteko behar zituen aldamioak kamioiarekin patiora sartuz. Bi minutura bigarren graffiti taldea: Iban, Beñat eta Josu...taberna ondoko horma margotzera. Jarraian, Julen kiroldegi atzeko horma erraldoian ere bere graffitia egiten hasia. Bitartean, Ikasketa bidaiako Guraso Batzorde Nekaezina lanean jarri zen aurreko egunetako lanari azken ukituak ematen. Taberna prestatzen ari ziren bitartean Ibai eta Lukaren gurasoak egun guztirako izugarrizko soinu ekipoa prestatu zuten. Hilerriko bazterrak ere dantzan jarri zituzten.

Hirugarren mailako ikasleak beste mailetako ikasleekin batera jolas eremua betetzen joan ziren. Goizeko hamaiketan hasi ziren jokoak. 2478 globo urez beteta elkarri bota eta bustiaz pasa zuten ondoen. Musika etengabean, futbito txapelketako finalaurrekoak eta finala jokatu ziren, 1. mailako ikasleak garaile suertatu zirelarik. Arratsaldeko bostetan, bakoitzak bere etxean bazkaldu ondoren, ekin zitzaion festaren jarraipenari...

Graffitiak aurrera zihoazen bitartean, Zinema Euskaraz antolatu genuen Lucio filma programatuz. Ez ziren ikusle asko, baina...

Baita ere aipatu behar da, ERAKUSKETA BIRTUALA prest geneukala, gure webgunean eta Blogetan zintzilikatuta dauden ikasleen Plastikako lanak. Ikusleak agian nahiago du etxetik patxada osoz ikusi...

Non gindoazen? Ah, bai...arratsaldez musikaz blai dantzaldien zain geunden bitartean eta Gurasoek jarritako tabernan Sanferminetan baino giro hobea zegoelarik hirugarren mailako ikasleak briletean aritu ziren, neskak mutilen aurka, galtzen zuenak areobitoia egitera "behartuta". Neskak, aeobitoi polita oso dantzatu zuten elkarrekin eta mutilak, badaezpada, ez dakigu non ezkutatu ziren.

Afarirako ia 100 pertsona zeuden izena emanda. Ikasle ohiak ere pasa ziren jai giroan parte hartzera. Guraso batzuk ere, nahiz eta afarira joan ez, etorri ziren tabernan zerbait hartu eta eguna konpartitzera. Horrela, jende gehien zegoen aldera DANTZA ikuskizuna hasi zen. Bost dantza talde espero baziren ere, azkenean, nerbioak nerbio, bi dantzaldi egin ziren. Biak oso onak, txalo zaparradaz eskertu genien ikasle dantzariei egindako lana eta ikuskizuna, horrelako gauzak egiteko asko entseatu eta gogo eta kemen handia behar baita. Mila esker Hodei, Maialen, Ane, Andrea, Olatz eta Sarari.

.Ondoren, musika entzunez eta giro jatorrean, ikasleei bokatak banatu zitzaizkien, arratsaldeko 8,30ak aldera. Gaueko 9,30etan helduentzako afaria hasi zen, ikastetxeko jangelan: entsalada errusiarra, txibiak bere tintan, masailak eta arrozesnea. Kafea ere. Patioan, ikasleek eskatutako musika izan genuen eta 11,30ak aldera ZEZENSUZKOA...Ondoren, zozketa izan zen. Batetik, bokata erosi zutenen artean MP4 bat, 3 motxila, beste opariren artean. Bestetik, helduen artean euro batean saldutako txartelekin zozketatzen zen URDAIAZPIKOA. Musikarekin apur bat dantzatu eta amaitu genuen...

Amaitzeko, aipatu behar da jai egun hau ospatzeko guraso eta ikasle talde handi baten lana, bestela, ezinezkoa bait da hau guztia antolatzea. Mila esker denori eta ikusi arte!

4 DBH PLASTIKA TXANTILOIAK ERABILIZ

Lanak ikusteko joan zaitez Picasara ( LANAK II).

IPRENTSA ALDIZKARI DIGITALA KALEAN

Jada kalean 0 zenbakia. Lauaizetako aldizkari digitala labetik atera berria. Lauaizeta BHIko webgune berrian! Sartu eta goza

http://www.euskalnet.net/lauaizeta/prentsa3/prentsa9.htm

http://www.lauaizeta.net

4 DBH PLASTIKA IKASTURTE BUKAERA

Prentsa digitala dela eta, ez dakizu zer den?

Lauaizeta ikastetxean ekoizturiko aldizkari digitala da. Maiatzak 25ean zero zenbakia aterako dugu. Irekia, zabala eta interesgarria. Denon artean eta guztiontzako egina. Lauaizetan egin eta mundura irekia. Beno, prentsa digitalean tira komikoa beharrezkoa da. Nork egin? 4DBHko Plastikakoak. Pentsatu eta marraztu....Hala ere, ikasle bakoitzak, ikasturte amaiera bere erara egokitu ahal izango du, hemen dituzue aukerak:

MARIJERI ELKARRIZKETA LAUAIZETAKO PRENTSA DIGITALEAN

Marije liburuzainak lan itzela egin du hainbat urteetan zehar Lauaizetako ikasle eta irakasleekin. Irakurzaletasuna piztu eta zabaldu du bere lana txukun eta maisuki eginez. Aurten jubilatuko denez geroarte goxo bat emateaz gain, besarkadak ere, eta muxuak,...bere lana ezagutzera ematea baina hobeagorik? Maiatzaren 25ean argitaratuko den 0 alean berekin izandako elkarrizketa argitaratuko dugu beste edukinekin batera. Prest zaude gozatzeko?

4 DBH PLASTIKA LANPARA COLLAGE

Kolore planoak erabili ditugu, gai sinplea eta collage teknika. Emaitza ikusgarriak eta errepresentazioa lantzeko ikuspegia aberastu dugu. Emaitza guztiak PICASAn daude zintzilik ondoko atalean klikaturik. Ikasle bakoitzak berea jeitsi eta bakoitzaren BLOGERA igo lanaren hausnarketa labur batekin.

1DBH ARTISAUTZA PAPEREZKO LANPARAK

Txinan izan ziren azken Joku Olinpikoak. Toti idazle famatuaren Nur pertsonaia ere Txinatik omen dabil. 4DBHn dagoen ilobak dio txinera ikasten hasi behar duela. Ba gu ere ez gara gutxiago izango! Tinta txinarra erabiltzen badugu ere Plastikako beste ariketetan Txinako zerbait egingo dugu Artisautza ikasgaian...ZER? LANPARA TXINARRA!!

4DBH PLASTIKA LANDAREA

2DBH KOMIKIA lifekin

Life softwarea erabiliz komikiak egin ditugu. Nahiz eta hainbat aldiz errepikatu ikasleren batek orri bat baino gehiagotan egin du komikia. Batzuk ez daude osorik eta testuak ere ez dira denak ikusten. Osorik ikus ahal izateko adierazi. Denen gustorako dituzue, euskaraz gehienak eta akats ortografiko eta guzti,...labetik atera berriak eta zirugiarik gabe!

2A komiki bilduma

2B komiki bilduma

2C komiki bilduma

2D komiki bilduma

3DBH ARGAZKIGINTZA ETA TINTA TXINARRA

Gure ikastetxea Polloeko hilerriari itsatsita dagoenez, iaz bezala kaletan antolaturiko eremu zabal eta berezi honetan murgildu gara, hilerria gaia harturik errealitatearen zatiak argazkitan harrapatu eta gero artelanetan bihurtzeko. Badakizue artea=ehizatzeko tresna. Espazioa eta formak nahiko ezbalira, hor daukagu herriaren historiaren aurpegi bat: sendiak, boterea, maila sozialak, erlijioa, gerrak,...eta gainera heriotzaren inguruko pentsamendu eta sinbologia.

3DBHko ikasleak argazkiak Blogean txertatu behar dituzte, izenik eta giza irudirik azaldu gabe. Irudiak eraldatzeko softwareak erabil daitezke. Kopurua 3-6. Behin Plastikan gaudela, tinta txinarraz marrazkiari ekingo diogu.

https://photos.app.goo.gl/iCNbgmyyCjr21jKa8

4DBH INFORMATIKA B NOTAK

Ikasle maiteak! Iritsi da notak emateko unea. Ostegunean ez naiz INFOR gelan izango, gaixorik bait nago, baina ZAINTZA aprobetxatuz LANA egin behar duzue. Notak! lana egin duenarentzat pozgarria eta gazigozoa kolperik ia jo ez duenarentzat, gutxiengoa gure kasuan. Hala ere, NOTAK jeitsi egingo dira lanak BLOGEAN ez badaude. Ezin izan baduzue, arazo teknikoak direla medio, lanen bat igo; idatzi itzazue sarrerak non azaltzen duzuen lan edo ariketa horren ezaugarriak, zerbait, nik IRAKASLEAK, ZUEN HAUSNARKETA irakurri eta ondorioztatzeko lan hori ikasgelan edo etxean egin duzuela, edo behintzat saiatu.

Hasteko, bidali zuen Blogaren eta lanen egoeraren berri, eta zein NOTA espero duzuen mikelplastika@gmail.com helbide elektronikora ( horrela, etxetik, edozein arazo edo galderari erantzun diezaioket ).

IKASLE bakoitzak hau jakin behar du: BLOGEAN 10 LAN EZ BADAUDE, EZIN DA GAINDITU EBALUAKETA.

Hortaz, OSTEGUNA 19, BLOGA txukuntzeko saioa izango da. Ez galdu denbora! 10 lanak ezin badituzue igo, lanak ordezkatuko dituzten azalpen-hausnarketa-teorikoak. Ondoren, bakoitzari zein lan falta zaizkion azaltzen duen taula. Okerren bat balego, lasai, zuzenduko baitugu. Klikatu taulan eta handiagoa ikusiko da. Laukitxo zuriak lana ez dagoela Blogean esan nahi du, eta grisak nota jarria daukala. Sarean animazio lanak baleude, idatzi sarrera hori aipatuz.

Ahal izanez gero, ostegunean, bestela, OSTIRALEAN, inkesta, NOTAK eta mahai ingurua. Ziurrenik, sendatuz gero, han izango naiz.

4DBH PLASTIKA: OBJEKTUA, ARGIA ETA ADIERAZPENA SAKONTZEN

Irudikatzeko modua, pentsatu eta irudimena martxan jarri, eraldatu, erabaki...eskuak, teknika, formatoa, objektua...Atzo bukatu eta atzo eguerditik daude hor. Inork igo ez dituenez ea asteburuan animatzen zareten!!Lan guztiak betiko lekuan,...eskuinean dago ezteka: aurtengo lanak