ABSTRAKZIOA. OTEIZAREN ESKULTURA METAFISIKOA.

Abstrakzioa ezagutu eta ulertu nahi dugu Plastika arloan. Horretarako hainbat prozedura burutuko ditugu; batetik, #Mondrian eta #Neoplastizismoa ikertuko ditugu; ondoren, Donostiako Pasealeku Berrian dagoen Oteizaren eskulturari argazkia

aterako diogu eskulturaren barruan gaudela; jarraian, ikastetxeko espazioetan argazkiak aterako ditugu mugikorrarekin eta #Inkscape software librearekin 
geometria formak aurkituko ditugu irudietan; baitare, Oteizaren eskultura 

metafisikoak ezagutu eta bi dimentsioko formak egingo ditugu zuri eta beltzean (goiko irudia), #collage teknika erabilita; bestalde, eramangarriak babesteko erabiltzen diren kortxo zuriak moztu, itsatsi eta hauek sortutako itzalei argazkiak aterako diegu; 

horrez gain, Donostiako eskulturaren bat aukeratu eta boligrafoarekin modu naturalean marraztuko dugu; gainera, bideo-animazio bat sortuko dugu #Neoplastizismoaren irudiak erabilita; bestetik, auzora irtengo gara eta itzaletan irudi abstraktuak islatuko ditugu mugikorrarekin argazkiak aterata: eta azkenik, erakusketa egingo dugu guztiarekin.

Mate eta Teknok aurten ere egiten ari dira Geometriaren proiektua eta Plastikatik, maila guztietan, paraleloki #Geometria lantzen ari gara ere, ikastetxea girotzeko.

POLIEDROAK. GEOMETRIA. PLASTIKA-MATE-TEKNO PROIEKTUA.

 Matematika mintegiak geometria lantzeko proiektua abian jarri du aurten ere Teknologia mintegiarekin batera. Erakusketarekin amaituko dute eta ikastetxearen kanpoan jarriko dute eskultura bigarren aldiz. Aurretik, duela urte batzuk, eginda dute honelako proiektua eta eskultura jarrita dago ikastetxearen eremua aberasten.

Iazko udaberrian ikastetxeko hormetan horma-pinturak edo muralak egin eta, gainera, eskultura pintatu genuen.

Aurten, Plastika mintegitik #GEOMETRIA proiektuan paraleloki parte hartuko dugu. Poliedro erregularrak abiapuntu hartuta marrazki libreak egingo ditugu 1DBH plastikan; 4DBH plastikan, berriz, #ABSTRAKZIOA landuko dugu eta, horrekin batera, #Oteizaren eskultura metafisikoa ere.

Goiko poliedroaren irudia #Blender programarekin eta #Gimp programarekin, eginda dago. Biak #software libreak dira.

KARTEL LEHIAKETA. INTXAURRONDOKO JAIAK 2024.

 

Intxaurrondoko jaiak prestatzen ari dira auzotarrak

eta Kartel lehiaketa antolatu dute.

Jai parte hartzaile eta herritarrak dira Intxaurrondokoak;

eta auzoekin elkarlana egiten dugulako,

kartel lehiaketaren berri ematera gatoz;

eta, bitartez, parte hartuko dugu ere.

HORMA IRUDIA. MURALA. KORRIKA 2024.

 Lauaizetatik parte hartu dugu aurten ere Korrikan eta auzoekin elkarlanean hainbat ekintza burutu ditugu.: Korrika txikia eta horma irudia, besteak beste. Plazaundin izan dugu azken elkagunea, bertan bukatu da Korrika txikia eta bertan egin dugu horma irudia. X. Abalde ere han ibili da kamerarekin eta atzo Hirutxulokoak ere.

K2 MENDIAN EUSKARAZ HOBETO?

 Zein hizkuntza ezin hobeagoa euskara baino elkar komunikatzeko eta bizitzeko?

Euskal Herrian bizi eta ikasten duten

 bi ikasle dira Utkrista eta Esha, 

dbhko ikasleak. Utkrista Nepaletik

 etorri zen Euskal Herrira eta Esha Punjabetik, 

Pakistan eta Indiaren artean dagoen herrialdea da. Beraien

 jatorrizko hizkuntzak apur bat ezagutu eta euskara ikasteko 

egiten duten esfortzua baloratzeko bideoa da

 honako hau, K2 mendian...

ARTE LANEAN BARRENA

 Arte lanak ezagutzeko, artearen historia ezagutzeko,  digitalki arte lanean sartzea izan da ariketa.

KOLORE ALDAKETA.

Argiak koloreak aldatzen ditu. Kolorearen aldaketak harrapatuko ditugu bideoa erabilita? Honako bideo Aitor K. rena da...

Iluntasuna gaia izanik argazkiak atera ditugu. Kolore beroak eta hotzak bilatuz ere argazkiak egin ditugu. Gardentasuna gaia izanik ere argazkiak atera ditugu. Orain...bideoa. Bideo labur bat egingo dugu kolorea bi aldiz aldatu arte behintzat. Etxean grabatu mugikorrarekin eta postaz bidali. Hemen duzue kolore aldaketaren adibide bat.

ARGAZKIGINTZA. MUGIKORRAREKIN MINUTU BATEAN MARRAZTEN.

Argazkia ikusizko arte forma bat da, kamera eta argiaren bidez irudiak atera eta sortzean datza. Euskarri indartsua da, artistei emozioak transmititzeko, istorioak kontatzeko eta inguruko munduaren edertasuna harrapatzeko aukera ematen diena. Zuri-beltzeko argazkilaritzaren testuinguruan, kolorerik ezak dimentsio berezia gehitzen dio adierazpen artistikoari.

Gure ikaslea izandako #June Alduntzin argazkilaritza landutakoa da eta #Plastikan izan genuen hitzaldi-tailer bat eskaintzeko.

Zuri-beltzeko argazkilaritza espazioaren lanaren gaia denean, sarritan argi eta itzalen, formen, ehunduraren eta kontrasteen arteko elkarrekintza arakatzea dakar ingurune jakin batean. Kolorerik ezari esker, ikusleak konposizioan, tonu-eremuan eta subjektuen berezko edertasunean arreta gehiago jartzen du. Zuri-beltzeko argazkilaritzaren sinpletasunak ikusleak irudiarekin duen lotura areagotu dezake, askotan eszena funtsezko elementuetara destilatu egiten baitu.

Espazioaren eremuan gai gisa, zuri-beltzeko argazkilaritzak espazioen zabaltasuna, hutsunea edo konplexutasuna har dezake, paisaia naturalak, hiri-inguruneak edo konposizio abstraktuak izan. Kolorearen distrakzioa kenduz, argazkilariak espazio baten barruan dauden formak eta egiturak azpimarra ditzake, argi eta iluntasunaren jokoa nabarmenduz.

Argazkilariek sarritan enkoadraketa, perspektiba eta konposizioa bezalako teknikak erabiltzen dituzte ikuslearen begirada bideratzeko eta aldarte edo mezu zehatz bat transmititzeko. Txuri-beltza euskarri gisa aukeratzeak denborarik gabeko zentzua sor dezake eta argazkilariari une zehatzen mugak edo kolore paleta mugak gainditzen dituzten irudiak sor ditzake.

Azken finean, zuri-beltzeko espazioaren argazkilaritza adierazpen artistiko era liluragarri eta iradokitzailea da, ikusleak argazkilariaren objektiboek harrapatutako espazioetan aurkitzen diren edertasuna, konplexutasuna eta sinpletasuna balioestera gonbidatzen dituena.

SAHARAREN ALDE.

 

Urtero legez Saharako herriarekin elkartasun egitasmoa martxan jarri da Lauaizetan, Donostiako Saharako Lagunen Elkarteak koordinatuta. Plastikatik janaria biltzeko txokoa indartzen lagundu dugu.

2024RAKO SOFTWARE LIBREA OPARI!

 

Librezale.eus jendeari esker gauza asko ikasi daitezke software libreari buruz. Software librea euskaratzen ere laguntzen dute. Txalotzekoa bere lana. 

Hemen dituzue eskuragarri Plastika eta Ikusizkoen Hezkuntzan oso onak diren software libreko hainbat programa. Saretik deskargatu eta erabili minutu batean.

Sistema eragileak: adibidez #Ubuntu 23.10.

3D diseinu eta animazioa: #Blender 4.0.

Diseinu digital bektoriala: #Inkscape 1.3.

Irudi digital editorea: #Gimp 2.10 .

Ilustrazio digitala: #Krita 5.

Bideo edizioa: #Openshot, #Shotcut, #Kadenlive...

SANTO TOMASETAN TXORIMALO LEHIAKETAN 3. SARIA LORTU DUGU!

 

Aurkezteagatik dieta eskuratua geneukalarik, txorimaloa egiteko materialarentzat dirua eta sobratu ezkero hamaiketakorako balioko ligukeen dirua, buru belarri aritu gara bi txorimalo egiten bi taldeetan antolatuta Donostian ospatzen den Santo Tomas eguneko Txorimalo Lehiaketarako.

Donatelloren eskultura abiapuntu hartuta Plastikako proiektua izaten da txorimaloa egitea, lehen txistorra-postuaren diseinua izaten zen moduan. Prozesu dena hemen azaldu gabe, 3. saria lortu dugunaren berri eman nahi dizuegu. Sariaren dirua, elkartasun ariketa eginez, 4dbh osoarekin partekatuko dugu ikas-bidaiaren diru-poltsara botata.

Ah, eta zorionak irabazleari, Intxaurrondo Ikastolari!!

ABSTRAKZIOA.

 

#Abstrakzioa lantzen ari gara jolasean digitalki. Inauterietarako lantzen ditugu pertsonaiak. Baita ere istorioak kontatzerakoan lantzen eta bilatzen ditugu pertsonaiak. Asmakizunetan jolasteko pertsonaiak aukeratu ditugu eta saretik deskargatu ditugu. Ondoren, software librea den irudien ediziorako #Gimp programarekin irudi abstraktuetan bilakatu ditugu. Horretarako 2 minutu behar izan ditugu: iragazkietan #artistikoan sartu eta bertan #kubismoa aukeratu gustuko irudia lortu arte. Emaitzak #1DBH -ko irudi bilduma honetara jo goiko irudian klikatuta.

MIKOLOGIA ERAKUSKETA PLASTIKATIK.

 Maite ditut maite gure bazterrak lanbroak ezkutatzen dizkidanean (Mikel Laboaren abestia). Ezkutuan gordetzen diren bazterretan aurki daiteke, non nahi, gure kulturan sustraituta dagoen perretxiko bilketa. 3DBH-n zerrendatu ditugu euskarazko izenekin bai jangarriak direnak eta baita ere toxikoak diren perretxikoak. Marraztu eta ondoren buztinez egin ditugu, koloreztatu, etiketatu eta erakusketa osatu dugu ikastetxeko sarrera gunean.

   

ETXERAKO LANA: 2 ARGAZKI MUGIKORRAREKIN.

 

Pexels.com webgunetik dohainik deskargatu dira goiko bi irudiak. Adibideak dira. Bi argazki hauetan bi gai lantzen dira. Batean kolore beroa eta bestean gardentasuna. Mugikorrarekin ohituta gaude sarritan argazkiak egitera. Erabiltzen ditugun mugikorrek teknologia aurreratua dute eta erresoluzio handiko irudiak egiten dituzte.Ariketa honako hau izango da: Bi gai hauekin (kolore beroak eta gardentasuna) bi argazki egin etxetik atera gabe eta postaz bidali.

KOLOREA PLASTIKA ETA IKUSIZKOEN HEZKUNTZAN 1: #INKSCAPE (SOFTWARE LIBREA).

 

Kolorea beti dago Plastikako edozein lanetan: bideotan, eduki digitaletan, akuarelatan, koloretako marrazkietan, tenperatan, muraletan, ikas-bidaiko elastikoetan, eta zuribeltzeko lanetan bere faltagatik ere present dagoela dirudi.

Filmetako titulu-kredituetan begiratuko dugu filmeko kolorearekin txundituta geratu garen aldiro. Argazkia jartzen duen horretan dago kolore, giro, testura eta argiaren arduradun nagusietako bat. Artearen historia landuko bagenu, kolorearen trataera izango litzateke analizatuko dugun ataletako bat, beste batzuekin batera.

Kolorea kontuan izango dugu hurrengo lanean. Gaia: gosaria. Marraztu baino lehen kolorearen teoria ikasteko jolasten ibiliko gara fitxategi digitalekin. #Inkscape software libreko programa honekin edozer diseina daiteke eremu bektorialean: diseinu grafikoko edozer.

Honako irudian klikatu eta fitxategia (.SVG) deskarga dezakezu eta laukitxoak koloreekin bete. Betetzeko moduak erabaki behar dira: adbidez, irudietako koloreak, argitik ilunera, kolore baten argitasunaren arabera, koloreak saturazioaren arabera, koloreak tenperaturaren arabera, armoniak ala kontrasteak...

Behin deskargatzen duzunean Inkscaperekin ireki eta irudi handiak ordezka ditzakezu koloreekin lanean eta jolasean jarduteko. Ezabatu irudiak eta berriak inportatu zure karpetetatik. Neurria egokitu eta kitto.

IKUS.ENTZUN: GIF ANIMATUAK ETA 3D DISEINU DIGITALA.

Ikus-entzunezko hautazkoan ia ikasle guztiak maila aparta ematen ari dira, lan kopuru eta jarreran. Gif animatuak egin ditugu udazkeneko hostoekin jolasean. Gero 3D diseinuan aritu gara eta 3D perretxikoak egin ditugu baina emaitzak ez ditugu publikatuko ez bait ditugu guztiz bukatu. 3D moduko txarroak publikatzeko moduan hemen dituzue ikusgai.

ESZENAKO PERTSONAIAK.

Komiki orrialde batean binetak antolatzea funtsezkoa da istorioak kontatzeko. Bineten tamainak eta kokapenak enfasia sor dezake, irakurlearen begia gidatu eta kontakizunaren erritmoa kontrolatu. Komikia zatitzen badugu planoz plano, binetaz bineta, ikusiko dugu istorio osoa.

4DBHko plastikan honako prozesua garatu dugu: lehenik eta behin, pertsonai baten erretratua pintatu dugu tenpera teknikarekin kartoiaren gainean, olioa izango balitz bezala mihisearen gainean. Kolorea eta argia landuz pertsonaiaren izaera eta itxura bilatu dugu; jarraian, pertsonaien mugimenduak eta adierazpenak lantzeko, zinema, bideo-joko eta telesail munduko eszena bat hartu eta kalkatuz marrazkiz osatutako animazioa egin dugu; eta azkenik, Donostiako sutea gai izanda (1813) ikasleak kartela egin du, sormena tarteko, pertsonaia, hausnarketa, adierazpena eta eszena lotzeko.

Lehenengo marrazkiak errotuz egin genituen eta A4 orri zurian. Bigarren lana luzeago eta koloretan, tenpera kartoi gainean ,eta, A4 eta A3 neurrien tartekoa izan zen. Hirugarrena #Gif animatua, mugikorrarekin 120 marrazkiri argazki bana atera eta #Gimpera ekarri ondoren gif animatuan bihurtu genituen. Aukeran, ikasleek ahal zuten mugikorrean hau bera egiteko app-ak erabili, #Capcut modukoa, adibidez. Azken lana eta sormen gehien eskatzen zuena, neurri erraldoiko bobinako paper marroian tinta beltzez egina dago. Ikusgai dagoen hau ikastetxeko korridorean jarri dugu itsatsita. Behean dituzuen lanak Gabrielle V. ikaslearenak dira.

MIKOLOGIA PLASTIKAN

Udazkenari begira perretxikoen munduan murgildu gara eta collage teknika erabilita perretxikoak bilatu, aukeratu eta haien marrazkiak egin ditugu (modu digitalean). Helburua Euskal Herrian aurki daitezkeen perretxikoen bilduma osatzea zen, euskarazko izenekin eta erakusketa egin ikastetxeko sarreran, mikologia erakusketa. Digitalki biltzen hasi gara eta hemen klikatuta ikus daitezke. Oraingoz izenik gabe daude...

1813. DONOSTIAKO SUTEA ETA SARRASKIA.

 1813. urtean gertatutako sutea eta sarraskia landuko dugu 4DBH Plastikan. Horretarako, marrazki erraldoia sortuko dugu. Marrazkia osatzeko sarean nabigatu eta ereduak bilatuko ditugu. Zuribeltzean izango da marrazkia eta neurria erraldoia korridorean itsasteko. Testua izan behar du, euskaraz noski eta marrazkiaren ulermenerako lagunduko du. Artistikoki askatasunez jardungo du ikasle bakoitzak, serie edo pelikula izango balitz moduan, dramatismo maila libreki aukeratuta, baita ere erabilitako marrazki estiloa, eta zinemako nahi den generoa erabilita: zientzia fikzioa, distopia, underground, naturalismoa, hiperrealismoa, iluna, surrealismoa, far west, far west+sci-fi, bideo joko itxura, historikoa, musikala, biografikoa, pop art estilokoa, animaziokoa...

Ordenagailuko #software libreko irudi digitalak lantzeko programak erabili daitezke irudiak prestatzeko. Adibideko irudia SINTEL open movie blender.org-tik.

Laguntzeko notarako balioko duen taula hau jarraitu daiteke.

ZERAMIKA DIGITALA 3D.

Zeramika digitalean murgilduko gara hurrengo ariketa honetan. Historian zehar nabigatu eta hainbat zeramika txarro ikertuko ditugu; hala nola, Egiptokoak zein Grezia garaikoak; nola ez, Txinako inperio garaiko txarro famatuak; eta, baita ere, beste garaietako diseinuak dituzten txarroak.

Behin aukeratuta marrazkiak egingo ditugu paperean 

eta, ondoren, paperezko marrazkiak irudi digitalak

bihurtuko ditugu .PNG formatuan, gardentasuna 

errespetatzeko siluetak direnean.

Irudi digitalak 3D forman txertatuko ditugu. 

Kasu  honetan, gure txarroari zeramika itxura 

emango diogu eta marrazkia, digitala, testura gisa

txertatuko dugu.

Gure zeramikak distira izango duen edo azal zimurra izango duen erabaki beharko dugu.

Euskara bultzatzeko, euskarazko hitzen bat jarriko dugu txarroaren diseinuan.

Erabiliko dugun software librea:

• Blender: 3D formak egin eta eszena 3D sortzeko.

• Gimp: siluetak sortzeko.

• Inkscape: hitzak diseinatzeko.

DISEINU GRAFIKO DIGITALA.

 Diseinu grafikoa egiteko IKTak erabiltzen dira. Garai batean ordenagailua eta gaur egun, nahi izanez gero, mugikorra ere.

Irudi berriak sortzeko aukera zabala eskaintzen digu diseinu grafiko digitalak. Ariketa honetan bi edo hiru irudi erabilita berri bat sortzea da. Irudiak galdera honi erantzun behar dio: HAU EGIA OTE?

Ikusita kazetaritzaren maila orokorrean ondo etorriko zaigu begi kritikoa lantzea...

Erabilitako programa #GIMP software librea.