HONDARREKIN MARRAZTEN.

Nork ez du inoiz ketchuparekin 2 begi eta irribarre bat marraztu? Etxean jarraitzen dugun honetan etxeko gauzekin jarraituko dugu plastika garatzen. Kasu honetan marrazki bat egingo dugu. Nola? Gosariarekin mahai gainean geratu ohi diren arrastoekin, kakao hautsarekin, azukrearekin, zerealekin...Bazkarian jandako pureak utzitako hondarrekin egin dezaket marrazki bat platerean? Edo solomo, patata eta tomatearekin jan ondorengo hondarrekin? Interneten badituzue ideiak bilatzeko aukera; adibidez, goi mailako sukaldaritza deituriko platerrak. Piztu irudimena, marraztu platerrean, prest mugikorra eta  argazki bat bidali!

3 IRUDI BATEAN. KALKATU EDO IRUDI EDITOREA ERABILI.

Aukeratu 3 irudi eta batean elkartu, irudi berria sortzeko. Ordenagailuko pantailan kalkatu daitezke, zoom egin eta neurriak aldatu ere. Etxeko leihoan irudiak ere kalkatu daitezke, marrazkitik marrazkira, aldizkaritik...Helburua, aldizkari edo interneten aurkitutako 3 irudi batean elkartu eta berria sortzea da. Irudiak handiak direnean planoaren aurrean egongo dira eta txikiak urrun. Horrela, perspektiba sentsazioa lortuko dugu. Irudi batek bestea estaltzen badu ere sakonera sentsazioa lortuko dugu. Marrazkia MARRAZ egingo ditugu, kolore eta argilunik erabili gabe. Errotulagailuz egingo dut marrazkia paperean eginda eta argazkia atera mugikorrarekin lana bidaltzeko. Nahi duenak ordenagailua edo mugikorra erabil dezake lan hau egiteko, hainbat app badaude edo #Gimp, #inkscape edo #Krita moduko irudi editore libreak.

ILUNTASUNA MARRAZTEN. ARGAZKIGINTZA.

 Mikel Laboaren abestiak dio “maite ditut maite gure bazterrak, lanbroak ezkutatzen dizkidanean”. Hortik tira eta ariketa hau egingo dugu. Etxean gaude eta ezin dugu atera. Etxetik atera gabe marrazki bat eta argazki bat egingo ditugu gaia ILUNTASUNA izanik. Ideiak hartzeko  esteka honetatik jo dezakezue interneteko irudi batzuetara.

OHARRA: marrazkiaz gain, argazki iluna zein argazki bera argitan bidaliko ditugu zuenak direla demostratzeko. Zalantzak taldeko hangoutsen..

ITZALA ETA ARGIA DANTZAN. TIME-LAPSE.

Etxean jarraitu behar dugu plastika egiten oraindik. Ikus-entzunezko tailerrean hemen daukagu hurrengo egitasmoa: argiaren eta itzalaren mugimendua harrapatu behar dugu, animazio bat eginda, bideo formatuan. Etxean gaudenez, etxean egingo dugu grabaketa. Time-lapse teknika erabil dezakegu. Hainbat aplikazio eskura ditugu mugikorrean. Goizean edo gauean, eguzki gogorra dagoenean ere, mugikorra jarriko dugu denbora batean eta amaieran jaso. Honek animazioa egingo digu. Guk aukeratu behar dugu NON jarri kamera, denbora neurtu eta zenbat minutuero botako duen argazkia aplikazioak. Inguruko objektuek itzala egingo duten eta non islatuko den: alfonbran, zoruan, mahai gainean...Kontuan izan leihoko gortinek egin dezaketen itzal berezia...Goian ikusi dugun bideoa #Time Lapse Art -k sortua da eta youtuben dago ikusgai, adibidea da.

3D TESTURAK ANIMATZEN 4. BLENDER SHAPE KEYS.

Formaren aldaketak uztartu ditzakegu Blender 2.8 sofwarean. Horrela, formak anima ditzakegu. Formaren testura eta erliebea ere anima dezakegu.

3D egiteko aukera pare gabea daukagu gaur egun BLENDER 2.8 software librearekin. 3D objektua sortu eta unean pantailan testura 3D eremuan pintatzea harrigarria da. Gainera, erliebea sortu dezakegu eta argazkigintza digitala moduko irudi errealistak asmatu edo errealitateko gauzak simulatu.

Eskola etxetik egiten ari garen honetan #Blender software librearekin egin daitezkeen gauza harrigarriak erakusteko parada ezin hobea daukagu. Blender,  komunitateak eusten du. Eta software ahaltsua bihurtzen ari denez une oro, komunitateak softwarea erabiltzeko modu erosoa dauka, libre, eskuragarri: www.blender.org

Gaur egun, Blenderren prestigioa mundiala da. Enpresa handiek diru laguntza handiak ematen ari zaizkie. Hutsetik hasi gaitezke ikasten hainbat hizkuntzetan youtube eta horrelakoetan. Ikasketa guztiak bezala, gogoa eta denbora behar dira inbertitu.

3D TESTURAK ANIMATZEN 3. BLENDER TEXTURE PAINTING

3D egiteko aukera pare gabea daukagu gaur egun BLENDER 2.8 software librearekin. 3D objektua sortu eta unean pantailan testura 3D eremuan pintatzea harrigarria da. Gainera, erliebea sortu dezakegu eta argazkigintza digitala moduko irudi errealistak asmatu edo errealitateko gauzak simulatu.

Eskola etxetik egiten ari garen honetan #Blender software librearekin egin daitezkeen gauza harrigarriak erakusteko parada ezin hobea daukagu. Blender,  komunitateak eusten du. Eta software ahaltsua bihurtzen ari denez une oro, komunitateak softwarea erabiltzeko modu erosoa dauka, libre, eskuragarri: www.blender.org

Gaur egun, Blenderren prestigioa mundiala da. Enpresa handiek diru laguntza handiak ematen ari zaizkie. Hutsetik hasi gaitezke ikasten hainbat hizkuntzetan youtube eta horrelakoetan. Ikasketa guztiak bezala, gogoa eta denbora behar dira inbertitu.

3D TESTURAK ANIMATZEN 2. BLENDER ETA PBR IRUDIAK.

Physically based rendering (PBR) sistema 3D munduan errealismo handiko testura lortzeko modu egokiena da. Edozein HD (high definition) irudi PBR moduan bada, hainbat iruditan deskonposa daiteke: objektuaren testura nagusia (egurra, harria, zeramika, belarra, landarea. etab.), normal (erliebe itxura gehituko diona), roughness (zimurdura), etab.

Blender software libreak PBR erabiltzea ahalbideratzen du. EEVEE motorra erabilita objektuen testura itxura, argia eta itzala une berean ikus ditzakegu. Displace eraldatzailea erabiliko dugu testuraren erliebea areagotzeko eta eraldatzailearen eragina alda daitekeenez, animazioa horrela sortuko dugu.

3D TESTURAK ANIMATZEN 1. BLENDER 2.82.

Eskola etxetik egiten ari garen honetan #Blender software librearekin egin daitezkeen gauza harrigarriak erakusteko parada ezin hobea daukagu. Blender,  komunitateak eusten du. Eta software ahaltsua bihurtzen ari denez une oro, komunitateak softwarea erabiltzeko modu erosoa dauka, libre, eskuragarri: www.blender.org

Gaur egun, Blenderren prestigioa mundiala da. Enpresa handiek diru laguntza handiak ematen ari zaizkie. Hutsetik hasi gaitezke ikasten hainbat hizkuntzetan youtube eta horrelakoetan. Ikasketa guztiak bezala, gogoa eta denbora behar dira inbertitu.

Nahi duenarentzat hemen daukazue 4 minutuko bideo tutoriala testuraren forma eta kolorea animatzeko. Aurki beste 2 bideo publikatuko ditut, testuraren konplexutasuna areagotuta.

PLASTIKA: ARGIA ETA KOLOREA OBJEKTUETAN.

Argiak kolorearengan duen eragina landuko dugu. Ikasgelan landu dugu serieko pertsonaia eta lurrina egin ditugunean. Orain, etxean gaudela ezin atera, denbora soberan, jakin gabe nola burua mimatu... Egingo dugun lana honako hau izango da: etxeko leiho ondoko eszena bat hautatu edo guk sortuko dugu. Batetik, objektuak mugitu edo lekuz alda ditzakegu; bestetik, ahal dugu argia eta itzala mugitu pertsiana eta gortinekin; baita ere, konposizioaren kolore eta materialak hautatuko ditugu; azkenik, zoruan egingo duen itzala eta isla kontuan izango dugu (kristala, mantela...).

2 gauza egin behar ditugu: argazkia drivera igo eta egindakoan (apirilak 26rako) marrazkia igo.

Teknika eta neurria librea da. Epea apirilak 26, drivera igo eta partekatu.

Sarrera honetako irudia #BLENDER.ORG-tik hartuta dago.

TEKNIKAK: TIRA KOMIKOA

Tira komikoa edo prentsa-tira ere deitua umore-ukitua duen istorio bat kontatzeko moduan banatutako komiki-sekuentzia bat da, tirek gai desberdinak hartzen dituzte, hala nola politikoak, sozialak, ekonomikoak edo umorezkoak bakarrik, irudian ikusten den bezala.

Marrazkien sekuentzia horiek egunero erabiltzen dituzte egunkariek eta komunikabideek herrialde baten gaurkotasuna modu sarkastikoan adierazteko, sare sozialetan edozein faktore sozialekiko desadostasunak partekatzeko eta aurkezpen akademikoetan ikasleari gai jakin bat ezagutarazteko.

Asko dira egunero aurki ditzakegun komikiak, zuri-beltzean, koloretan, hiru binetatan edo orrialde osotan.

Lehenik eta behin, tira hauek kalkatu ordenagailuan edo inprimatu eta hitzak jarri behar dizkiozu. Ondoren, saiatu zeure tira komikoa egiten: 1 ZAKILIXUT. 2 MAFALDA. 3 CUTTLAS. 4 ZUREA


MAFALDA (klikatu)

CUTTLAS (klikatu)

IZARO MUSIKA TALDEA ETA LAUAIZETA INTXAKO KULTUR ETXEAN

#IZARO musika taldearekin izan ginen INTXAURRONDOKO KULTUR ETXEAK gonbidatuta, ikasleak taldearekin patxadaz egoteko, elkarrizketa egin eta inpresioak partekatzeko. Taldearen abeslaria Izaro da eta azkenaldian arrakasta handia izaten ari da ohiko merkatuan, pop musika eremuan. Euskaraz, gazteleraz eta ingelesez abesten du. Gainera, ohitura onak jarraituz, kontzertua zuzenean eskaini ziguten. Eszena toki paregabea, auzoan egiten diren kultura egitasmoak auzoko ikastetxearekin partekatzen, eguneroko ikasgela espaziotik irtenda eta sortzaileekin modu atseginean egoteko parada izan genuen .

Iaz hasi ginen, #INTXAURRONDOKO KULTUR ETXEAREN ekimenez, #WILLIS DRUMONDEKIN udazkenean eta udaberrian #NIÑA COYOTE eta CHICO TORNADOREKIN, egitasmo bera egiten.

#Koronabirusa dela eta etxean gaude eta eskola aurrera doa, egoera berezian bada ere. 4 DBH PLASTIKA taldeko ikasle bakoitzak lan hau egin behar du:

• Youtuben IZAROren bideo abestia aukeratu eta drivera igo eta irakaslearekin partekatu.
• Bideoa ikusi entzun ondoren ideia nagusia edo gehien gustatu zaizuna edo adierazi nahi duzuna idatzi.
• Ideia horretatik abiatu eta 3 lan egin:
• 1. LANA: nahi duzun teknika eta neurrian koloretan marrazkia.
• 2. LANA: collage teknika erabiliz irudia eta hitzak-kartel-instagram irudi gisa.
• 3. LANA: objektuak edo etxeko lekuren batean gauzak egokituz IDEIA adierazteko moduan, arte garaikide moduan, ARGAZKIA mugikorrarekin. Hobe ulertzeko adibidea jarraian.

IPRENTSA. 24. ALEA SAREAN DA!

Lauaizeta ikastetxeak 8 urte darama IPRENTSA aldizkari digitala ekoizten.
Ikastetxean egindako proiektuak, bizitako pasadizo eta uneak islatzen
dituen eremua da aldizkari hau. Kazetaritzako atalak jorratzen ditu eta
horretan laguntzeko iprentsa hautazkoak lan asko egiten du. Beste mintegi
guztietatik egindakoak publikatzen dira: ariketak, hausnarketak, iritziak,
proiektuak, ekitaldiak, eta abar. Bitartez, sarean dabilenak,interesa duenak,
bisita dezake euskaraz egindako Lauaizetako aldizkari digitala. Hiruhilero
egiten dugu. 2012an sortu genuen, denon artean, 0 zenbakia. Azken hau
24 zenbakia da, 25. alea. Oporrak ondo pasa!

KATTALIN USOZ. DISEINATZAILEA. GUREKIN PLASTIKAN.

Plastika eta Ikusizkoen Hezkuntzan laguntza paregabea izan dugu
denboraldi luzean. Praktikak egiten egon da gurekin Kattalin Usoz.
Plastikako irakasle moduan aritu da ere eta elkar ezagutu eta ikasi dugu:
ikasleez gain, Kattalinek, Uxoak eta hirurok. Esperientzia aberasgarria.

Kattalin diseinatzailea da eta bere tailerrera bisita egin dugu ikasleekin
lanak ikustera. Horrenbestez, bere lana hartu dugu ardatz eta berak
zuzendu du proiektua. Zementua erabilita egindako lanak ditu ezagunenak.
BANOA marka sortua du. Ikosaedroa da erabili duen formetako bat.
Prozesuaren argazkiak ikusi ondoko irudian klikatuta.

MARRAZKIAK

Plastika eta Ikusizkoen Hezkuntzaren barnean marrazkia ideia lantzeko tresna bihurtu da. Zaila da, gaur egun, marrazkia paperean izatea proiektu plastikoaren azken emaitza. Ideia da ardatza eta helburua, eta hau gauzatzeko hainbat hizkuntza eta euskarri aukera ditzakegu.

3D ANIMAZIOA. LOREA.

Plastikako hautazkoa da #3D ANIMAZIOA dbhko 3. mailan. 3D diseinu eta animazioa lantzeko software librea da Blender. #Blender 2.8 bertsioak garapen handia dakar eta gauza zoragarriak egin daitezke, ditugun ekipo eta denborarekin; hauxe, software librearen indarra.

#Gimp software librearekin hasi gara ideia lantzen, 2D eremuan eta kolore planoekin. Ideia, udaberrian sartu berriak, lorea sortzean edo zabaltzean sortzen duen mugimendua adieraztean datza. Formaren aldaketa izan daiteke; edo, lotuta baitaude, kolorearen zein argiaren aldaketa.

Ikasle talde baten lanak ikusgai dituzue hemen blogean. Besteen lanak bukatutakoan ikusgai egongo dira argazki album honetan.

3D ANIMAZIOA. BLENDER 2.8. ARGI BOLUMETRIKOA ETA #RIGGING.

ARGI BOLUMETRIKOA. 3D DISEINU ETA ANIMAZIOA #BLENDER 2.8 ERABILITA.

Blender 2.8 bertsioa erabilita, SOFTWARE LIBREA, LINUX sistema eragilea bezala, 3D diseinu eta animazio errealistak sor daitezke modu erraz eta azkarrean. Blender 2.8 bertsioak 2 motor ditu; EEVEE batetik, une oro argiztatzeak eta testura aldaketak ikus ahal izateko, besteak beste; eta Cycles, fisikan oinarritutako argiztatze eta testura errealistak eta kalitatezkoak lortzeko, baina aldaketak ez unean ikusita, aurrekoa bezala.

Argi bolumetrikoaren eszena sortzeko honako pausoak jarraituko ditugu:

- Formak sortu.

- Espazio-ontzia.

-(Modifier/SubdivisionSurface. Planoak modu kurbatuan eraldatzeko).

-(Modifier/Mirror. Simetria egiteko).

-Planoetan plano berriak txertatu (I tekla) eta eraldatu (E eta S teklak).

- Zorua. Planoa zatitu (subdivide) eta eraldatu puntuak eta inguruak mugituta (enable).

- Zuhaitzak. Aktibatu eta zuhaitzak txertatu.

- Argi bolumetrikoa.

- Volumetric aktibatu.

- Kuboa sortu eta Volumen Scater materiala txertatu eta intentsitatea neurtu.

- Argiak sortu (argiaren indarrak konfiguratu).

- Point 1 (ilargiaren argia).

- Point 2 (espazio-ontziaren argi txikiak).

- Spot (espazio-ontziaren argi foku nagusia).

- Kamera kokatu eta eszena render moduan jarri.

- Animazioa egin. Eszenaren konposizioa 1 frame dagoenean I teklarekin grabatu. Hurrengo frame posizioan eszena konfiguratu eta I tekla berriz. Horrela, animazio osoa egin arte.

PORTUGAL-IKASBIDAIA. ARGAZKI LEHIAKETA.

Lauaizetako ikasbidaia dela eta ARGAZKI LEHIAKETA abian da eta ikasbidaian zehar egiteko egitasmoa da. Nahi duzuenak har dezakezue parte. Plastika mintegiak antolatu du eta bi modalitate izango ditu:

1. ARTE, TURISMO ETA PLASTIKA. Honetan, konposizioa, kolorea, argia eta testurak izango ditu kontuan epaimahaiak.
2. ARTE, GIZARTE ETA KULTURA. Gizartearekin zerikusia duen edozein gai izango da haria eta edukia azaltzeko modua; horrela, argazkiak isla dezakeen mezua izango da garrantzitsuena.

Telefono mugikorra edo beste edozein tramankulu erabil daiteke, arkatza paperean ere. iprentsa@lauaizeta.net helbidera bidali behar dira argazkiak eta bidali ahala publikatuak izango dira iprentsa23 zenbakian eta plastikalauaizeta.blogspot.com blogean. ARGAZKIA postaz bidalitakoan, argazki oina idatzi behar duzue, argazkiari idatzizko edukia gehitzeko. Nahi adina argazki bidali dezake bakoitzak eta identifikatzeko nork bidali duen, izena jarri edo eskolako bakoitzak duzuen postatik bidali. KLIKATU argazkiak ikusteko.

Ondo pasa Portugalen eta bidali argazkiak! Bi sari daude zain. Oraingoz, saldu gabe geratu ziren bi kamiseta.

3D DISEINU ETA ANIMAZIOA. AULKIA.

3D Diseinu eta Animazioa Lauaizeta BHIko 3DBH-ko hautazkoa da, eta astean ordu beteko 2 saio ditu. Buru belarri aritu gara eta aulki klasikoa izan da lanaren haria. Interneten irudia aukeratu eta arkatzez marraztu ondoren, #Blender software librea erabili eta 3D digitalean formak sortu ditugu: kurbak, forma zulatuak, kurbak eta testurak.

Ondoren, bikoiztu eta mahaiaren inguruan kokatu ditugu eta zailtasun gisa oihala jarri dugu eszenan.

 Oihala malgua izango den eta beste formekin talka egingo duen planoa da. Blender 2.8 bertsioak gauzak errazten ditu eszenak argiztatzeko eta testura errealistak lortzeko.

NIÑA COYOTE ETA CHICO TORNADOREN KONTZERTUA INTXAURRONDOKO KULTUR ETXEAN

Gaur 4. mailako 80 bat ikasle eta 3.ko iprentsako 3 ikasle/kazetari izan gara #Intxaurrondoko Kultur Etxean #NIÑA COYOTE ETA CHICO TORNADO musika taldearen kontzertu paregabean. Kultur etxearen gonbidapena jaso genuen eta bertan izan gara musikariekin, aldizkari digitalerako elkarrizketa eginez, beraiekin solasean; eta, gainera, ikaragarrizko zuzeneko mini kontzertua egin digute. Egitasmo mundiala: musika zuzenean, punta puntako sortzaileak, euskaraz, eta hurbiltasunez eginda. Ikasleentzat esperientzi aberatsa. #WillisDrummond taldearekin egin genuen udazkenean, eta gaur berriz, Niña Coyote Eta Chico Tornadorekin. Milesker musikariei eta Intxaurrondoko Kultur Etxeko lan taldeari. LARROTXENEKO bi ikasle ere bertan izan dira dena grabatzen. 

Lauaizetara bueltan, Plastika arloan, gaurkoaren ondorengo ariketa egingo dugu. Inauteriak eta Korrika 2019 pasa ondoren izango da hori. Plastika eta ikusizkoen hezkuntzaren ikuspuntutik egindako proiektua izango da, Niña Coyote Eta Chico Tornadoren musika eta musikariak ardatz hartuta. Aurretik egin genuen ikerketa eta dokumentazio lanean jakin genuen donostiarrak izateaz gain, auzokoak zirela! Erakutsiko dugu emaitza.

KLIKA KORRIKA 2019 MURALA LAUAIZETAN

KORRIKA BADATOR! Inauteriak prestatzen ari gara baina KORRIKA 2019 proiektua martxan jarri behar dugu. Beste gauzen artean ikastetxeko patioan mural handia egingo dugu KLIKA bideoa oinarri hartuta. Bideoan lantzen den gaia oso interesgarria iruditu zaigu: mestizajea, genero gaiaren protagonismoa, kultura eta musika berriak, askatasunaren ideia...

Ikusizkoen hezkuntza eta plastikaren aldetik murala egiteko metodologia irudia sintetizatu eta txantiloia erabiltzea izango da. Hori lortzeko, KLIKA bideoko protagonistak hartu eta formato handian kopiatuko ditugu paperean, kolorestatzeko zulatu eta, azkenik, pintura botatzeko tramankuluarekin murala osatuko dugu. Azken konposizioan pertsonai nagusiak elkarrekin izango dira murala osatuz.

• KLIKA bideoa ikusi eta talde txikietan pertsonaia aukeratu. Irudi kaptura egin eta GIMP programarekin koloretan sakabanatu.
• Proiektatu eta formato handian kalkatu paperean, 4 koloretan, 4 marrazki.
• 4 paperak zulatu marrazkiaren arabera.
• Paretean pintura bota tramankuluarekin marrazkia osatuz.

3D ANIMAZIOA. AULKIA, MAHAIA, OIHALA.

#Blender 2.8 bertsioak salto kualitatibo handia eman du Blender 3D munduko software ahaltsu honen ibilbide emankorrean. Orain, EEVEE motorra dela eta, unean ikus ahal dugu render emaitza eta 3D birtualean eszena mugitu, besteak beste.

Jarraian oihalaren simulazioa egiteko prozedura duzue.

URBAN FEMME FESTIBALA INTXAURRONDOKO KULTUR ETXEAN MARTXOAREN 16AN.

Irudi batek mila hitz baino gehiago balio dezakeen moduan, kasu honetan, esteka batek esan dezakeguna baino gehiago balio du. Irakurri gaztezulon: #Anier, #La Basu, #La Furia, #Audry Funk.

METRAJE LABURREKO FILMAK: IZKUTUAN DAGOEN ALTXORRA

Metraje laburreko filma egin nahi badugu, abantaila handi bat izango dugu metraje luzeko filmarekiko: ekonomia. Bai gidoia egiterakoan, denbora kopuruan eta diru kopuruan. Diru gutxiago behar izatean, edo lan talde txikiagoa behar izatean egitasmoa burutzeko, zinema munduan hasten diren sortzaileak, gazteak orokorrean, metraje laburreko filmak sortzen dituzte hastapenetan. Gazteak, diru gutxi...zer dakar horrek? Irudimen asko eta askatasun asko proiektuak aurrera ateratzeko. Auto edizioa eta mundu digitalaren unibertsalizazioarekin (nahi izanez gero, 4K erresoluzio eta pazientzia handiarekin, etxeko ordenagailuan edita daiteke metraje laburreko filma), interneteko bideo plataformetan aurki daitezke film on ugari. Zinemetan, ia beti, Estatu Batuetako produkzio erraldoiak besterik ez dira ikusten. Mugitzen bagara, ordea, aurki ditzakegu harri bitxiak, nahi adina, interneteko itsaso zabalean.

Oraingo honetan, bi film ikusiko ditugu eta gustuko 2 eszena marraztuko ditugu, gure erara, gauzak kendu eta jarriz. Helburua hauxe da: 2 filmak ikusi ondo pasatzeko eta 2 marrazki egin ondo pasatzeko ere. Orduan, ordenagailuak hartu eta paperean marraztu.

ARTE ABSTRAKTUA ULERTZEN.

Piet Mondrian arte munduan garrantzitsua da. Neoplastizismoaren sortzaile, arte abstaktua eta arte garaikidearen aitzindaritako bat da.

Arte abstraktua ulertzeko ariketa egingo dugu:

1.  1ARIKETA.Google iruditan sartu eta 6 irudi lortu, Mondrianenak denak, zuhaitzetik hasi eta abstrakziora iritsi arte. Zuhaitzaren itxura galtzen doa pixkanaka, pausoz pauso, eta geometria hutsean amaituko du.
2. Zenbatu 1etik 6ra. 1 zuhaitza izanik eta 6 geometria hutsa.
3. Posta elektronikoz bidali 00mikel helbidera.
4. 2ARIKETA.Hiru arte lan abstraktu eta ospetsu hautatu, Mondrianenak ez direnak eta postaz bidali ere.
5. Kalifikazioa. Bidalitako lan bakoitza 3 puntu. Bakoitzak 2 puntu geihago lanaren kalitateari lotuta. 2x3=6; 6+4=10.

WILLIS DRUMMOND PROIEKTUAREN BALORAZIOA.

Bukatu da WD proiektua eta hemen bildu nahi izan dugu ibilbide guztia. Hitz gutxi eta musika asko; eta nola ez, Artea. 4. dbh Plastika eta Ikusizkoen Hezkuntzako ikasleekin sortu dugu proiektua eta Kultur Etxearen bitartez auzokoekin partekatuz gain, gure 1dbh ikasleekin izan dugu feedbacka. Egia esanda, asko gustatu zaie erakusketa.Oso aberatsa izan da guretzat. Errepikatzekoa. 

Urtarrilean Niña Coyote eta ChicoTornadorekin daukagu hitzordua. Baina hori beste kontu bat da, lehenik oporrak disfrutatu behar ditugu eta.

Lehenengo bideoa 2 ikasle erakusketa jaso ondoren, azterketa prozesu luzearen ondoren...

• PROMOZIO BIDEOAK SARE SOZIALETAN ZABALTZEKO

• ENTSAIO/KONTZERTUA ZUZENEAN  IKASLEENTZAT+ELKARRIZKETA

• ERAKUSKETAREN KARTELA ETA ARGAZKIAK (klikatu kartela). Eta jarraian erakusketaren bideoa.

KAMISETAK SALGAI IKAS BIDAIA 18/19

Eztabaida artistiko luze eta aberatsaren ondoren, ez gara guztiz ados jarri, baina proposamena egiteko gai izan gara. Aurten 4. mailako Plastikako taldeak hartu du ikas bidairako kamiseten ardura. IRUDIA KLIKATU ETA HOR DITUZUE EROSTEKO AUKERAK: KOLOREAK, ZEIN IRUDI, SUDADERA ALA KAMISETA. 3 kolore ditugu: beltza, zuria eta grisa. Bakoitzarekin 5 irudi aukeran: aske maite aske bizi, aske maite txikian, aske maite handian, logo handia eta logo txikia. Kolorea eta irudia aukeratu badituzue kamiseta, sudadera soila, ala sudadera txapela eta poltsikoarekin aukera dezakezue.

3D DISEINUA ETA ANIMAZIOA. TESTURA ETA ARGIA. BLENDER 2.8.

3D DISEINU ETA ANIMAZIOA: BLENDER 2.8 BADATOR!

LAUAIZETA BEGIRADAK NAZIOARTEKO ZINEMALDIAN.

#BEGIRADAK Nazioarteko Zinemaldia martxan da, jada. Sevilla, Madril, Brasil, Donostia eta beste txokoetako lanak izango ditugu ikusgai. #IKERTZE-k antolatzen du. Epaimahaiak aurkeztutako filmen artean batzuk hautatu eta proiektatzen ditu egun hauetan, Trueba antzokian eta Aquariumean. Hainbat atalen artean eskola mailan egindakoak daude ere eta Lauaizetako lan bat hautatu dute, bigarren hezkuntza mailan. Metraje laburreko film hau duela hiru urte egin genuen 3. DBH mailan, Diseinu hautazkoan. Ikasturte amaieran ikusi ahal izan genuen Intxaurrondoko Kultur Etxean, beste lanak, musika eta antzerkiarekin batera. Batxilergoa eta Zikloak egiten ari dira egileak gaur egun: Joseba Oncala, Gorka Arriola, Martin Castro eta Xabier Cuellar. 2. zatiaren zain gauden bitartean, berrikusi dezakegu filma HEMEN.

DONOSTIAKULTURA - INTXAURRONDOKO KULTUR ETXEA - LAUAIZETA - WILLIS DRUMMOND

ARTE ERAKUSKETA INTXAURRONDOKO KULTUR ETXEAN: WILLIS DRUMMOND.

"Intxaurrondoko Kultur Etxeak urriak 13an Willis Drummond taldearen kontzertu arrakastatsua antolatu zuen bertako musika aretoan. Emanaldia prestatzeko, taldekideek egonaldia burutu zuten aurreko astean. Testuinguru honetan, Kultur Etxearen eta auzoan dagoen Lauaizeta Ikastolaren arteko elkarlana abian ipini zen, Bigarren Hezkuntzako ikasleen eta Willis Drummondeko kideen arteko topaketa bideratzeko. Ordutik hona, Lauaizetako 4.DBHko plastikako ikasle eta irakasleek lanean murgilduta jarraitu dute eta prozesuaren emaitza batzuk, hilabete honetako 19tik 30era Kultur Etxeko Areto Nagusian ikusgai egongo den erakusketan bilduko dituzte. Guztiok gonbidatuta zaudete bertara gerturatzera!"  (Leire De Miguel – IKERTZE).

TIME-LAPSE. ARGIA HARRAPATU NAHIAN.

Time-Lapse teknika erabili dugu 3D Animazioa hautazkoan (3. DBH) argia behatzeko eta objektuetan eta espazioan denboran zehar izaten duen eragina analizatzeko. Helburutako bat kolorearean aldaketa ikustea zen. Beste bat, doako aplikazio batekin, mugikorra hartu eta ondo pasatzea. Azkena, sormena garatzea.

BLENDER 2.8 BADATOR. MOLEKULA BAT SORTU ETA KOLOREZTATU.

Aurki izango dugu eskuragarri Blender 2.8 Beta. Bitartean Alpha bertsioak jaitsiko ditugu eta erabiltzen hasi. Zerbait serioa egin nahi badugu, Blender 2.79 daukagu.: oso ona eta ahaltsua. Baina, Blender 2.8 bertsioak berrikuntza handiak dakarzkigu. Bere kode hezurdura zuzenduago du, txukunagoa, indartsuagoa. Eevee motorea sortu dute unean argiaren eraldaketak eszenan ikusi ahal izateko. Cycles motorea hobetua du argazki/irudi errealistak sortzeko. Grese Pencil marrazki bizidunak egiteko eremuak txundituta ditu sortzaileak. Interfazea zerbait aldatu da eta eltzea sutan bezala, probatzea izango da onena. Hasi berrientzat baliozkoa izango delakoan, hemen duzue 10 minutuko bideo tutoriala.